341. එකපදුමියත්ථෙරාපදානං.
3074. පදුමුත්තරො නාම ජිනො සබ්බධම්මාන පාරගූ,
භවාභවෙ විභාවෙන්තො තාරෙසි ජනතං බහුං.
භවාභවෙ විභාවෙන්තො තාරෙසි ජනතං බහුං.
3075. හංසරාජා තදා හොමි දිජානං පවරො අහං,
ජාතස්සරං සමොගය්හ කීළාමි හංසකීළිතං.
ජාතස්සරං සමොගය්හ කීළාමි හංසකීළිතං.
3076. පදුමුත්තරො ලොකවිදූ ආහුතීනං පටිග්ගහො,
ජාතස්සරස්ස උපරි ආගච්ඡි තාවදෙ ජිනො.
ජාතස්සරස්ස උපරි ආගච්ඡි තාවදෙ ජිනො.
3077. දිස්වානහං දෙවදෙවං සයම්භූං ලොකනායකං,
වණ්ටෙ ඡෙත්වාන පදුමං සතපත්තං මනොරමං.
වණ්ටෙ ඡෙත්වාන පදුමං සතපත්තං මනොරමං.
3078. මුඛතුණ්ඩෙන පග්ගය්හ පසන්නො ලොකනායකෙ,
උක්ඛිපිත්වාන ගගනෙ බුද්ධසෙට්ඨමපූජයිං.
උක්ඛිපිත්වාන ගගනෙ බුද්ධසෙට්ඨමපූජයිං.
3079. පදුමුත්තරො ලොකවිදූ ආහුතීනං පටිග්ගහො,
අන්තලික්ඛෙ ඨිතො සත්ථා අකා මෙ අනුමොදනං:
අන්තලික්ඛෙ ඨිතො සත්ථා අකා මෙ අනුමොදනං:
3080. “ඉමිනා එකපදුමෙන චෙතනාපණිධීහි ච,
කප්පානං සතසහස්සං විනිපාතං න ගච්ඡසි.”
කප්පානං සතසහස්සං විනිපාතං න ගච්ඡසි.”
3081. ඉදං වත්වාන සම්බුද්ධො ජලජුත්තමනාමකො,
මම කම්මං පකිත්තෙත්වා අගමා යෙන පත්ථිතං.
මම කම්මං පකිත්තෙත්වා අගමා යෙන පත්ථිතං.
3082. සතසහස්සෙ ඉතො කප්පෙ යං කම්මමකරිං තදා,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
3083. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා එකපදුමියො ථෙරො ඉමා ගාථායො අභාසිත්ථාති.
එකපදුමියත්ථෙරස්ස අපදානං පඨමං.
342. තිඋප්පලමාලියත්ථෙරාපදානං
3084. චන්දභාගානදීතීරෙ අහොසිං වානරො තදා,
අද්දසං විරජං බුද්ධං නිසින්නං පබ්බතන්තරෙ.
අද්දසං විරජං බුද්ධං නිසින්නං පබ්බතන්තරෙ.
3085. ඔභාසෙන්තං දිසා සබ්බා සාලරාජංව ඵුල්ලිතං,
ලක්ඛණබ්යඤ්ජනූපෙතං දිස්වා අත්තමනො අහුං.
ලක්ඛණබ්යඤ්ජනූපෙතං දිස්වා අත්තමනො අහුං.
3086. උදග්ගචිත්තො සුමනො පීතියා හට්ඨමානසො,
තීණි උප්පලපුප්ඵානි මත්ථකෙ අභිරොපයිං.
තීණි උප්පලපුප්ඵානි මත්ථකෙ අභිරොපයිං.
3087. පුප්ඵානි අභිරොපෙත්වා විපස්සිස්ස මහෙසිනො,
සගාරවො ගමිත්වාන පක්කමිං උත්තරාමුඛො.
සගාරවො ගමිත්වාන පක්කමිං උත්තරාමුඛො.
3088. ගච්ඡන්තො පතිකුටිකො විප්පසන්නෙන චෙතසා,
සෙලන්නරෙ පතිත්වාන පාපුණිං ජීවිතක්ඛයං.
සෙලන්නරෙ පතිත්වාන පාපුණිං ජීවිතක්ඛයං.
3089. තෙන කම්මෙන සුකතෙන චෙතනාපණිධීහි ච,
ජහිත්වා මානුසං දෙහං තාවතිංසං අගච්ඡහං.
ජහිත්වා මානුසං දෙහං තාවතිංසං අගච්ඡහං.
3090. සතානං තීණික්ඛත්තුඤ්ච දෙවරජ්ජමකාරයිං,
සතානං පඤ්චක්ඛත්තුඤ්ච චක්කවත්තී අහොසහං.
සතානං පඤ්චක්ඛත්තුඤ්ච චක්කවත්තී අහොසහං.
3091. එකනවුතෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
3092. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තිඋප්පලමාලියො ථෙරො ඉමා ගාථායො අභාසිත්ථාති.
තිඋප්පලමාලියත්ථෙරස්ස අපදානං දුතියං.
343. ධජදායකත්ථෙරාපදානං.
3093. තිස්සො නාම අහූ සත්ථා ලොකජෙට්ඨො නරාසභො,
තස්සොපධික්ඛයෙ දිස්වා ධජමාරොපිතං මයා.
තස්සොපධික්ඛයෙ දිස්වා ධජමාරොපිතං මයා.
3094. තෙන කම්මෙන සුකතෙන චෙතනාපණිධීහි ච,
ජහිත්වා මානුසං දෙහං තාවතිංසමගච්ඡහං.
ජහිත්වා මානුසං දෙහං තාවතිංසමගච්ඡහං.
3095. සතානං තීණික්ඛත්තුඤ්ච දෙවරජ්ජමකාරයිං,
සතානං පඤ්චක්ඛත්තුඤ්ච චක්කවත්තී අහොසහං.
සතානං පඤ්චක්ඛත්තුඤ්ච චක්කවත්තී අහොසහං.