337. තිණකුටිදායකත්ථෙරාපදානං.
3005. නගරෙ බන්ධුමතියා අහොසිං පරකම්මිකො,
පරකම්මායනෙ යුත්තො පරභත්තං අපස්සිතො.
පරකම්මායනෙ යුත්තො පරභත්තං අපස්සිතො.
3006. රහොගතො නිසීදිත්වා එවං චින්තෙසහං තදා,
“බුද්ධො ලොකෙ සමුප්පන්නො අධිකාරො ච නත්ථි මෙ.
“බුද්ධො ලොකෙ සමුප්පන්නො අධිකාරො ච නත්ථි මෙ.
3007. කාලො ගතිං සොධෙතුං ඛණො මෙ පටිපාදිතො,
දුක්ඛො නිරයසම්ඵස්සො අපුඤ්ඤානං හි පාණිනං”.
දුක්ඛො නිරයසම්ඵස්සො අපුඤ්ඤානං හි පාණිනං”.
3008. එවාහං චින්තයිත්වාන කම්මසාමිං උපාගමිං,
එකාහං කම්මං යාචිත්වා විපිනං පාවිසිං අහං.
එකාහං කම්මං යාචිත්වා විපිනං පාවිසිං අහං.
3009. තිණකට්ඨඤ්ච වල්ලිඤ්ච ආහරිත්වාන’හං තදා,
තිදණ්ඩකෙ ඨපෙත්වාන අකං තිණකුටිං අහං.
තිදණ්ඩකෙ ඨපෙත්වාන අකං තිණකුටිං අහං.
3010. සඞ්ඝස්සත්ථාය කුටිකං නිය්යාතෙත්වාන තං අහං,
තදහෙයෙව ආගන්ත්වා කම්මසාමිං උපාගමිං.
තදහෙයෙව ආගන්ත්වා කම්මසාමිං උපාගමිං.
3011. තෙන කම්මෙන සුකතෙන තාවතිංසමගච්ඡහං,
තත්ථ මෙ සුකතං ව්යම්භං තිණකුටිකාය නිම්මිතං.
තත්ථ මෙ සුකතං ව්යම්භං තිණකුටිකාය නිම්මිතං.
3012. සහස්සකණ්ඩං සතභෙණ්ඩු ධජාලු හරිතාමයං,
සතසහස්සනිය්යූහා ව්යම්හෙ පාතුභවිංසු මෙ.
සතසහස්සනිය්යූහා ව්යම්හෙ පාතුභවිංසු මෙ.
3013. යං යං යොනුපපජ්ජාමි දෙවත්තං අථ මානුසං,
මම සඞ්කප්පමඤ්ඤාය පාසාදො උපතිට්ඨති.
මම සඞ්කප්පමඤ්ඤාය පාසාදො උපතිට්ඨති.
3014. භයං වා ඡම්භිතත්තං ලොමහංසො න විජ්ජති,
තාසං මම න ජානාමි තිණකුටිකායි’දං ඵලං.
තාසං මම න ජානාමි තිණකුටිකායි’දං ඵලං.
3015. සීහව්යග්ඝා ච දීපී ච අච්ඡකොකතරච්ඡකා,
සබ්බෙ මං පරිවජ්ජෙන්ති තිණකුටිකායි’දං ඵලං.
සබ්බෙ මං පරිවජ්ජෙන්ති තිණකුටිකායි’දං ඵලං.
3016. සිරිංසපා ච භූතා ච අභිකුම්භණ්ඩරක්ඛසා,
තෙ පි මං පරිවජ්ජෙන්ති තිණකුටිකායි’දං ඵලං.
තෙ පි මං පරිවජ්ජෙන්ති තිණකුටිකායි’දං ඵලං.
3017. න පාපසුපිනස්සා’හං සරාමි දස්සනං මම,
උපට්ඨිතා සති මය්හං තිණකුටිකායි’දං ඵලං.
උපට්ඨිතා සති මය්හං තිණකුටිකායි’දං ඵලං.
3018. තායෙව තිණකුටිකාය අනුභොත්වාන සම්පදා,
ගොතමස්ස භගවතො ධම්මං සච්ඡිකරිං අහං.
ගොතමස්ස භගවතො ධම්මං සච්ඡිකරිං අහං.
3019. එකනවුතෙ ඉතො කප්පෙ යං කම්මමකරිං තදා,
දුග්ගතිං නාභිජානාමි තිණකුටිකායි’දං ඵලං.
දුග්ගතිං නාභිජානාමි තිණකුටිකායි’දං ඵලං.
3020. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තිණකුටිදායකො ථෙරො ඉමා ගාථායො අභාසිත්ථාති.
තිණකුටිදායකත්ථෙරස්ස අපදානං සත්තමං.
338. උත්තරෙය්යදායකත්ථෙරාපදානං
3021. නගරෙ හංසවතියා අහොසිං බ්රාහ්මණො තදා,
අජ්ඣායකො මන්තධරො තිණ්ණං වෙදාන පාරගූ.
අජ්ඣායකො මන්තධරො තිණ්ණං වෙදාන පාරගූ.
3022. පුරක්ඛතො සසිස්සෙහි ජාතිමා ච සුසික්ඛිතො,
තොයාභිසෙවනත්ථාය නගරා නික්ඛමිං තදා.
තොයාභිසෙවනත්ථාය නගරා නික්ඛමිං තදා.
3023. පදුමුත්තරො නාම ජිනො සබ්බධම්මාන පාරගූ,
ඛීණාසවසහස්සෙහි නගරං පාවිසී ජිනො.
ඛීණාසවසහස්සෙහි නගරං පාවිසී ජිනො.
3024. සුචාරුරූපං දිස්වාන අනෙජකාරිතං විය,
පරිවුතමරහන්තෙහි දිස්වා චිත්තං පසාදයිං.
පරිවුතමරහන්තෙහි දිස්වා චිත්තං පසාදයිං.
3025. සිරසි අඤ්ජලිං කත්වා නමස්සිත්වාන සුබ්බතං,
පසන්නචිත්තො සුමනො උත්තරීයමදාසහං.
පසන්නචිත්තො සුමනො උත්තරීයමදාසහං.
3026. උභො හත්ථෙහි පග්ගය්හ සාටකං උක්ඛිපිං අහං,
යාවතා බුද්ධපරිසා තාව ඡාදෙසි සාටකො.
යාවතා බුද්ධපරිසා තාව ඡාදෙසි සාටකො.
3027. පිණ්ඩචාරං චරන්තස්ස මහාභික්ඛුගණාදිනො,
ඡදං කරොන්තො අට්ඨාසි හාසයන්තො මමං තදා.
ඡදං කරොන්තො අට්ඨාසි හාසයන්තො මමං තදා.
3028. ඝරතො නික්ඛමන්තස්ස සයම්භූ අග්ගපුග්ගලො,
විථියංව ඨිතො සත්ථා අකා මෙ අනුමොදනං.
විථියංව ඨිතො සත්ථා අකා මෙ අනුමොදනං.
3029. “පසන්නචිත්තො සුමනො යො මෙ පාදාසි සාටකං,
තමහං කිත්තයිස්සාමි සුණොථ මම භාසතො:
තමහං කිත්තයිස්සාමි සුණොථ මම භාසතො:
3030. තිංසකප්පසහස්සානි දෙවලොකෙ රමිස්සති,
පඤ්ඤාසක්ඛත්තුං දෙවින්දො දෙවරජ්ජං කරිස්සති.
පඤ්ඤාසක්ඛත්තුං දෙවින්දො දෙවරජ්ජං කරිස්සති.
3031. දෙවලොකෙ වසන්තස්ස පුඤ්ඤකම්මසමඞ්ගිනො,
සමන්තා යොජනසතං දුස්සච්ඡන්නං භවිස්සති.
සමන්තා යොජනසතං දුස්සච්ඡන්නං භවිස්සති.
3032. ඡත්තිංසක්ඛත්තුං රාජා ච චක්කවත්තී භවිස්සති,
පදෙසරජ්ජං විපුලං ගණනාතො අසංඛියං.
පදෙසරජ්ජං විපුලං ගණනාතො අසංඛියං.