295. ගොසීසනික්ඛෙපකත්ථෙරාපදානං.
2691. ආරාමද්වාරා නික්ඛම්ම ගොසීසං සන්ථතං මයා,
අනුභොමි සකං කම්මං පුබ්බකම්මස්සිදං ඵලං.
අනුභොමි සකං කම්මං පුබ්බකම්මස්සිදං ඵලං.
2692. ආජානීයා වාතජවා සින්ධවා සීඝවාහනා,
අනුභොමි සබ්බමෙතං ගොසීසස්ස ඉදං ඵලං.
අනුභොමි සබ්බමෙතං ගොසීසස්ස ඉදං ඵලං.
2693. අහො කාරං පරමකාරං සුඛෙත්තෙ සුකතං මයා,
සඞ්ඝෙ කතස්ස කාරස්ස න අඤ්ඤං කලමග්ඝති.
සඞ්ඝෙ කතස්ස කාරස්ස න අඤ්ඤං කලමග්ඝති.
2694. චතුනවුතෙ ඉතො කප්පෙ යං සීසං සන්ථරිං අහං,
දුග්ගතිං නාභිජානාමි සන්ථරස්ස ඉදං ඵලං.
දුග්ගතිං නාභිජානාමි සන්ථරස්ස ඉදං ඵලං.
2695. පඤ්චසත්තතිකප්පම්භි සුප්පතිට්ඨිත නාමකො,
එකො ආසිං මහාතෙජො චක්කවත්තී මහබ්බලො.
එකො ආසිං මහාතෙජො චක්කවත්තී මහබ්බලො.
2696. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ගොසීසනික්ඛෙපකො ථෙරො ඉමා ගාථායො අභාසිත්ථාති.
ගොසීසනික්ඛෙපකත්ථෙරස්ස අපදානං පඤ්චමං.
296. පාදපූජකත්ථෙරාපදානං.
2697. පබ්බතෙ හිමවන්තම්භි අහොසිං කින්නරො තදා,
අද්දසං විරජං බුද්ධං පීතරංසිංව භානුමං.
අද්දසං විරජං බුද්ධං පීතරංසිංව භානුමං.
2698. උපෙතං තමහං බුද්ධං විපස්සිං ලොකනායකං,
චන්දනං තගරඤ්චාපි පාදෙ ඔසිඤ්චහං තදා.
චන්දනං තගරඤ්චාපි පාදෙ ඔසිඤ්චහං තදා.
2699. චතුනවුතෙ ඉතො කප්පෙ යං පාදමභිපූජයිං,
දුග්ගතිං නාභිජානාමි පාදපූජායිදං ඵලං.
දුග්ගතිං නාභිජානාමි පාදපූජායිදං ඵලං.
2700. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පාදපූජකො ථෙරො ඉමා ගාථායො අභාසිත්ථාති.
පාදපූජකත්ථෙරස්ස අපදානං ඡට්ඨං.
297. දෙසකිත්තකත්ථෙරාපදානං
2701. උපසාළ්හක නාමො’හං අහොසිං බ්රාහ්මණො තදා,
කානනං වනමොගාළ්හං ලොකජෙට්ඨං නරාසභං.
කානනං වනමොගාළ්හං ලොකජෙට්ඨං නරාසභං.
2702. දිස්වාන වන්දිං පාදෙසු ලොකාහුතිපටිග්ගහං,
පසන්නචිත්තං මා ඤත්වා බුද්ධො අන්තරධායථ.
පසන්නචිත්තං මා ඤත්වා බුද්ධො අන්තරධායථ.
2703. කානනා අභිනික්ඛම්ම බුද්ධසෙට්ඨමනුස්සරිං,
තං දෙසං කිත්තයිත්වාන කප්පං සග්ගම්හි මොදහං.
තං දෙසං කිත්තයිත්වාන කප්පං සග්ගම්හි මොදහං.
2704. ද්වෙනවුතෙ ඉතො කප්පෙ යං දෙසමභිකිත්තයිං,
දුග්ගතිං නාභිජානාමි කිත්තනාය ඉදං ඵලං.
දුග්ගතිං නාභිජානාමි කිත්තනාය ඉදං ඵලං.
2705. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා දෙසකිත්තකො ථෙරො ඉමා ගාථායො අභාසිත්ථාති.
දෙසකිත්තකත්ථෙරස්ස අපදානං සත්තමං.
298. සරණගමනියථෙරාපදානං.
2706. පබ්බතෙ හිමවන්තම්භි අහොසිං ලුද්දකො අහං,
විපස්සිං අද්දසං බුද්ධං ලොකජෙට්ඨං නරාසභං.
විපස්සිං අද්දසං බුද්ධං ලොකජෙට්ඨං නරාසභං.
2707. උපාසිත්වාන සම්බුද්ධං වෙය්යාවච්චමකාසහං,
සරණඤ්ච උපාගච්ඡිං දිපදින්දස්ස තාදිනො.
සරණඤ්ච උපාගච්ඡිං දිපදින්දස්ස තාදිනො.
2708. එකනවුතෙ ඉතො කප්පෙ සරණං යමගච්ඡහං,
දුග්ගතිං නාභිජානාමි සරණගමනප්ඵලං.
දුග්ගතිං නාභිජානාමි සරණගමනප්ඵලං.
2709. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සරණගමනියො ථෙරො ඉමා ගාථායො අභාසිත්ථාති.
සරණගමනියත්ථෙරස්ස අපදානං අට්ඨමං.
299. අම්බපිණ්ඩියත්ථෙරාපදානං.
2710. රොමසො නාම නාමෙන දානවො ඉති විස්සුතො,
අම්බපිණ්ඩී මයා දින්නා විපස්සිස්ස මහෙසිනො,
අම්බපිණ්ඩී මයා දින්නා විපස්සිස්ස මහෙසිනො,
2711. එකනවුතෙ ඉතො කප්පෙ යමම්බමදදිං තදා,
දුග්ගතිං නාභිජානාමි අම්බදානස්සිදං ඵලං.
දුග්ගතිං නාභිජානාමි අම්බදානස්සිදං ඵලං.