300. අනුසංසාවකත්ථෙරාපදානං.
2713. පිණ්ඩාය චරමානාහං විපස්සිං අද්දසං ජානං,
උළුඞ්කභික්ඛං පාදාසිං දිපදින්දස්ස තාදිනො.
උළුඞ්කභික්ඛං පාදාසිං දිපදින්දස්ස තාදිනො.
2714. පසන්නචිත්තො සුමනො අභිවාදෙසහං තදා,
අනුසංසාවයිං බුද්ධං උත්තමත්ථස්ස පත්තියා.
අනුසංසාවයිං බුද්ධං උත්තමත්ථස්ස පත්තියා.
2715. චතුනවුතෙ ඉතො කප්පෙ අනුසංසාවයිං අහං,
දුග්ගතිං නාභිජානාමි අනුසංසාවනාඵලං.
දුග්ගතිං නාභිජානාමි අනුසංසාවනාඵලං.
2716. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං
ඡළභිඤ්ඤා සච්ඡිකතා කතං බුද්ධස්ස සාසනං
ඉත්ථං සුදං ආයස්මා අනුසංසාවකො ථෙරො ඉමා ගාථායො අභාසිත්ථාති.
අනුසංසාවකත්ථෙරස්ස අපදානං දසමං.
උද්දානං:
චිතකං පාරිඡත්තො ච සද්ද ගොසීසසන්ථරං
පදං පදෙසං සරණං අම්බො සංසාවකො පි ච
සත්තතාළිස ගාථායො ගණිතායො විභාවිහි.
පදං පදෙසං සරණං අම්බො සංසාවකො පි ච
සත්තතාළිස ගාථායො ගණිතායො විභාවිහි.
චිතකපූජකවග්ගො තිංසතිමො.
අථ වග්ගුද්දානං:
කණිකාරො හත්ථිදදො ආලම්බණුදකාසනං
තුවරං ථොමකො වෙච උක්ඛෙපං සීසුපධානං
පණ්ණදො චිතපූජී ච ගාථායො චෙව සබ්බසො
චත්තාරි ච සතානීහ එකපඤ්ඤාසමෙව ච.
පඤ්චවීසසතා සබ්බා ද්වාසත්තති තදුත්තරි,
තිසතං අපදානානං ගණිතා අත්ථදස්සිහි.
තුවරං ථොමකො වෙච උක්ඛෙපං සීසුපධානං
පණ්ණදො චිතපූජී ච ගාථායො චෙව සබ්බසො
චත්තාරි ච සතානීහ එකපඤ්ඤාසමෙව ච.
පඤ්චවීසසතා සබ්බා ද්වාසත්තති තදුත්තරි,
තිසතං අපදානානං ගණිතා අත්ථදස්සිහි.
තතියං සතකං සමත්තං.
31. පදුමකෙසරියවග්ගො
301. පදුමකෙසරියත්ථෙරාපදානං.
2717. ඉසිසඞ්ඝෙ අහං පුබ්බෙ ආසිං මාතඞ්ගවාරණො,
මහෙසීනං පසාදෙන පදමකෙසරමොකිරිං
මහෙසීනං පසාදෙන පදමකෙසරමොකිරිං
2718. පච්චෙකජිනසෙට්ඨෙසු ධුතරාගෙසු තාදිසු,
තෙසු චිත්තං පසාදෙත්වා කප්පං සග්ගම්හි මොදහං.
තෙසු චිත්තං පසාදෙත්වා කප්පං සග්ගම්හි මොදහං.
2719. එකනවුතෙ ඉතො කප්පෙ කෙසරං ඔකිරිං තදා,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2720. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පදුමකෙසරියො ථෙරො ඉමා ගාථායො අභාසිත්ථාති.
පදුමකෙසරියත්ථෙරස්ස අපදානං පඨමං.
302. සබ්බගන්ධියත්ථෙරාපදානං.
2721. ගන්ධමාලං මයා දින්නං විපස්සිස්ස මහෙසිනො,
අදාසිං උජුභූතස්ස කොසෙය්යං වත්ථමුත්තමං.
අදාසිං උජුභූතස්ස කොසෙය්යං වත්ථමුත්තමං.
2722. එකනවුතෙ ඉතො කප්පෙ යං ගන්ධමදදිං පුරෙ,
දුග්ගතිං නාභිජානාමි ගන්ධදානස්සිදං ඵලං.
දුග්ගතිං නාභිජානාමි ගන්ධදානස්සිදං ඵලං.
2723. ඉතො පණ්ණරසෙ කප්පෙ සුචෙලො නාම ඛත්තියො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2724. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සබ්බගන්ධියො ථෙරො ඉමා ගාථායො අභාසිත්ථාති.
සබ්බගන්ධියත්ථෙරස්ස අපදානං දුතියං.
303. පරමන්නදායකත්ථෙරාපදානං.
2725. ණිකාරං’ව ජොතන්තං උදයන්තං’ව භානුමං,
විපස්සිමද්දසං බුද්ධං ලොකෙජෙට්ඨං නරාසභං.
විපස්සිමද්දසං බුද්ධං ලොකෙජෙට්ඨං නරාසභං.
2726. අඤ්ජලිම්පග්ගහෙත්වාන අභිනෙසිං සකං ඝරං,
අභිනෙත්වාන සම්බුද්ධං පරමන්නං අදාසහං.
අභිනෙත්වාන සම්බුද්ධං පරමන්නං අදාසහං.