26. ධූපදායකත්ථෙරාපදානං
975. සිද්ධත්ථස්ස භගවතො ලොකජෙට්ඨස්ස තාදිනො,
කුටිධූපං මයා දින්නං විප්පසන්නෙන චෙතසා.
කුටිධූපං මයා දින්නං විප්පසන්නෙන චෙතසා.
976. යං යං යොනුපපජ්ජාමි දෙවත්තං අථ මානුසං,
සබ්බෙසම්පි පියො හොමි ධූපදානස්සි’දං ඵලං.
සබ්බෙසම්පි පියො හොමි ධූපදානස්සි’දං ඵලං.
977. චතුනවුතෙ ඉතො කප්පෙ යං ධූපං අදදිං තදා,
දුග්ගතිං නාභිජානාමි ධූපදානස්සි’දං ඵලං.
දුග්ගතිං නාභිජානාමි ධූපදානස්සි’දං ඵලං.
978. පටිසම්භිදා -පෙ- බුද්ධස්ස සාසනං.
ඉත්ථං සුදං ආයස්මා ධූපදායකො ථෙරො ඉමා ගාථායො අභාසිත්ථාති.
ධූපදායකත්ථෙරස්සාපදානං ඡට්ඨං.
27. පුලිනපූජකත්ථෙරාපදානං
979. විපස්සිස්ස භගවතො බොධියා පාදපුත්තමෙ,
පුරාණපුලිනං ඡඩ්ඩෙත්වා සුද්ධං පුලිනමාකිරිං.
පුරාණපුලිනං ඡඩ්ඩෙත්වා සුද්ධං පුලිනමාකිරිං.
980. එකනවුතෙ ඉතො කප්පෙ යං පුලිනමදාස’හං,
දුග්ගතිං නාභිජානාමි පුලිනදානස්සි’දං ඵලං.
දුග්ගතිං නාභිජානාමි පුලිනදානස්සි’දං ඵලං.
981. තිපඤ්ඤාසෙ ඉතො කප්පෙ රාජා ආසිං ජනාධිභූ,
මහාපුලිනනාමෙන චක්කවත්තී මහබ්බලො.
මහාපුලිනනාමෙන චක්කවත්තී මහබ්බලො.
982. පටිසම්භිදා -පෙ- බුද්ධස්ස සාසනං.
ඉත්ථං සුදං ආයස්මා පුලිනපූජකො ථෙරො ඉමා ගාථායො අභාසිත්ථාති.
පුලිනපූජකත්ථෙරස්සාපදානං සත්තමං.
28. උත්තරියත්ථෙරාපදානං
983. චන්දභාගානදීතීරෙ සුංසුමාරො අහං තදා,
සගොචරප්පසුතො’හං නදීතිත්ථං අගඤ්ඡ’හං.
සගොචරප්පසුතො’හං නදීතිත්ථං අගඤ්ඡ’හං.
984. සිද්ධත්ථො තම්හි සමයෙ සයම්භූ අග්ගපුග්ගලො,
නදිං තරිතුකාමො සො නදීතිත්ථං උපාගමි.
නදිං තරිතුකාමො සො නදීතිත්ථං උපාගමි.
985. උපාගතෙ ච සම්බුද්ධෙ අහම්පි තත්ථු’පාගමිං,
උපගන්ත්වාන සම්බුද්ධං ඉමං වාචං උදීරයිං.
උපගන්ත්වාන සම්බුද්ධං ඉමං වාචං උදීරයිං.
986. අභිරූහ මහාවීර තාරෙස්සාමි අහං තුවං,
පෙත්තිකං විසයං මය්හං අනුකම්ප මහාමුනෙ.
පෙත්තිකං විසයං මය්හං අනුකම්ප මහාමුනෙ.
987. මම උග්ගජ්ජනං සුත්වා අභිරූහි මහාමුනි,
හට්ඨො හට්ඨෙන චිත්තෙන තාරෙසිං ලොකනායකං.
හට්ඨො හට්ඨෙන චිත්තෙන තාරෙසිං ලොකනායකං.
988. නදියා පාරිමෙ තීරෙ සිද්ධත්ථො ලොකනායකො,
අස්සාසෙසි මමං තත්ථ අමතං පාපුණිස්සසි.
අස්සාසෙසි මමං තත්ථ අමතං පාපුණිස්සසි.