283. පච්චුග්ගමනියත්ථෙරාපදානං.
2633. සීහං යථා වනචරං නිසභාජානියං යථා,
කකුධං විලසන්තංව ආගච්ඡන්තං නරාසභං.
කකුධං විලසන්තංව ආගච්ඡන්තං නරාසභං.
2634. සිද්ධත්ථං ලොකපජ්ජොතං සබ්බලොකතිකිච්ඡකං,
අකාසිං පච්චුග්ගමනං විප්පසන්නෙන චෙතසා.
අකාසිං පච්චුග්ගමනං විප්පසන්නෙන චෙතසා.
2635. එකනවුතෙ ඉතො කප්පෙ පච්චුග්ගච්ඡිං නරාසභං,
දුග්ගතිං නාභිජානාමි පච්චුග්ගමනෙ ඉදං ඵලං.
දුග්ගතිං නාභිජානාමි පච්චුග්ගමනෙ ඉදං ඵලං.
2636. සත්තවීසෙ ඉතො කප්පෙ එකො ආසිං ජනාධිපො,
සපරිවාරොති නාමෙන චක්කවත්තී මහබ්බලො.
සපරිවාරොති නාමෙන චක්කවත්තී මහබ්බලො.
2637. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පච්චුග්ගමනියො ථෙරො ඉමා ගාථායො අභාසිත්ථාති.
පච්චුග්ගමනියත්ථෙරස්ස අපදානං තතියං.
284. එකපුප්ඵියත්ථෙරාපදානං.
2638. දක්ඛිණම්භි දුවාරම්හි පිසාචො ආසහං තදා,
අද්දසං විරජං බුද්ධං පීතරංසිං’ව භානුමං.
අද්දසං විරජං බුද්ධං පීතරංසිං’ව භානුමං.
2639. විපස්සිස්ස නරග්ගස්ස සබ්බලොකහිතෙසිනො,
එකපුප්ඵං මයා දින්නං දිපදින්දස්ස තාදිනො.
එකපුප්ඵං මයා දින්නං දිපදින්දස්ස තාදිනො.
2640. එකනවුතෙ ඉතො කප්පෙ යං පුප්ඵමදදිං තදා,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2641. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා එකපුප්ඵියො ථෙරො ඉමා ගාථායො අභාසිත්ථාති.
එකපුප්ඵියත්ථෙරස්ස අපදානං චතුත්ථං.
285. මඝවපුප්ඵියත්ථෙරාපදානං.
2642. නම්මදානදියා තීරෙ සයම්භු අපරාජිතො,
සමාධිං සො සමාපන්නො විප්පසන්නො අනාවිලො.
සමාධිං සො සමාපන්නො විප්පසන්නො අනාවිලො.
2643. දිස්වා පසන්නො සුමනො සම්බුද්ධං අපරාජිතං,
තාහං මඝවපුප්ඵෙන සයම්භුං පූජයිං තදා.
තාහං මඝවපුප්ඵෙන සයම්භුං පූජයිං තදා.
2644. එකනවුතෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2645. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා මඝවපුප්ඵියො ථෙරො ඉමා ගාථායො අභාසිත්ථාති.
මඝවපුප්ඵියත්ථෙරස්ස අපදානං පඤ්චමං.
286. උපට්ඨාකදායකත්ථෙරාපදානං.
2646. රථියං පටිපජ්ජන්තං ආහුතීනං පටිග්ගහං,
දිපදින්දං මහානාගං ලොකජෙට්ඨං නරාසභං.
දිපදින්දං මහානාගං ලොකජෙට්ඨං නරාසභං.
2647. පක්කොසාපිය තස්සාහං සබ්බලොකහිතෙසිනො,
උපට්ඨාකො මයා දින්නො සිද්ධත්ථස්ස මහෙසිනො.
උපට්ඨාකො මයා දින්නො සිද්ධත්ථස්ස මහෙසිනො.
2648. පටිග්ගහෙත්වා සම්බුද්ධො නිය්යාතෙසි මහාමුනි,
උට්ඨාය ආසනා තම්හා පක්කාමි පාචිනාමුඛො.
උට්ඨාය ආසනා තම්හා පක්කාමි පාචිනාමුඛො.
2649. චතුනවුතෙ ඉතො කප්පෙ උපට්ඨාකමදං තදා,
දුග්ගතිං නාභිජානාමි උපට්ඨානස්සිදං ඵලං.
දුග්ගතිං නාභිජානාමි උපට්ඨානස්සිදං ඵලං.
2650. සත්තපඤ්ඤාසීතො කප්පෙ බලසෙන සනාමකො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2651. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා උපට්ඨාකදායකො ථෙරො ඉමා ගාථායො අභාසිත්ථාති.
උපට්ඨාකදායකත්ථෙරස්ස අපදානං ඡට්ඨමං.