276. පොත්ථදායකත්ථෙරාපදානං.
2605. සත්ථාරං ධම්මමාරබ්භ සඞ්ඝඤ්චාපි මහෙසිනං,
පොත්ථදානං මයා දින්නං දක්ඛිණෙය්යෙ අනුත්තරෙ.
පොත්ථදානං මයා දින්නං දක්ඛිණෙය්යෙ අනුත්තරෙ.
2606. එකනවුතෙ ඉතො කප්පෙ යං කම්මමකරිං තදා,
දුග්ගතිං නාභිජානාමි පොත්ථදානස්සිදං ඵලං.
දුග්ගතිං නාභිජානාමි පොත්ථදානස්සිදං ඵලං.
2607. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පොත්ථදායකො ථෙරො ඉමා ගාථායො අභාසිත්ථාති.
පොත්ථදායකත්ථෙරස්ස අපදානං ඡට්ඨං.
277. චිතකපූජකත්ථෙරාපදානං.
2608. චන්දභාගානදීතීරෙ අනුසොතං වජාමහං,
සත්ත මාලුවපුප්ඵානි චිතමාරොපයිං අහං.
සත්ත මාලුවපුප්ඵානි චිතමාරොපයිං අහං.
2609. චතුනවුතෙ ඉතො කප්පෙ චිතකං යං අපූජයිං,
දුග්ගතිං නාභිජානාමි චිතපූජායිදං ඵලං.
දුග්ගතිං නාභිජානාමි චිතපූජායිදං ඵලං.
2610. සත්තසට්ඨිම්භිතො කප්පෙ පටිජග්ගසනාමකා,
සත්තරතනසම්පන්නා සත්තාසුං චක්කවත්තිනො.
සත්තරතනසම්පන්නා සත්තාසුං චක්කවත්තිනො.
2611. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා චිතකපූජකො ථෙරො ඉමා ගාථායො අභාසිත්ථාති.
චිතකපූජකත්ථෙරස්ස අපදානං සත්තමං.
278. ආලුවදායකත්ථෙරාපදානං
2612. පබ්බතෙ හිමවන්තම්හි මහාසින්ධු සුදස්සනා,
තත්ථද්දසං වීතරාගං සප්පභාසං සුදස්සනං.
තත්ථද්දසං වීතරාගං සප්පභාසං සුදස්සනං.
2613. පරාමොපසමෙ යුත්තං දිස්වා විම්හිතමානසො,
ආලුවං තස්ස පාදාසිං පසන්නො සෙහි පාණිහි.
ආලුවං තස්ස පාදාසිං පසන්නො සෙහි පාණිහි.
2614. එකංතිසෙ ඉතො කප්පෙ යමාලුවමදං තදා,
දුග්ගතිං නාභිජානාමි ආලුවස්ස ඉදං ඵලං.
දුග්ගතිං නාභිජානාමි ආලුවස්ස ඉදං ඵලං.
2615. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ආලුවදායකො ථෙරො ඉමා ගාථායො අභාසිත්ථාති.
ආලුවදායකත්ථෙරස්ස අපදානං අට්ඨමං.
279. එකපුණ්ඩරීකත්ථෙරාපදානං.
2616. රොමසො නාම නාමෙන සයම්භූ සුබ්බතො තදා,
පුණ්ඩරීකං මයා දින්නං විප්පසන්නෙන චෙතසා.
පුණ්ඩරීකං මයා දින්නං විප්පසන්නෙන චෙතසා.
2617. චතුනවුතෙ ඉතො කප්පෙ යං පුණ්ඩරීකමදං තදා,
දුග්ගතිං නාභිජානාමි පුණ්ඩරීකස්සිදං ඵලං.
දුග්ගතිං නාභිජානාමි පුණ්ඩරීකස්සිදං ඵලං.
2618. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා එකපුණ්ඩරීකො ථෙරො ඉමා ගාථායො අභාසිත්ථාති.
එකපුණ්ඩරීකත්ථෙරස්ස අපදානං නවමං.
280. තරණියත්ථෙරාපදානං
2619. මහාපථම්භි විසමෙ සෙතු කාරාපිතො මයා,
තරණත්ථාය ලොකස්ස පසන්නො සෙහි පාණිහි.
තරණත්ථාය ලොකස්ස පසන්නො සෙහි පාණිහි.
2620. එකනවුතෙ ඉතො කප්පෙ සෙතු කාරාපිතො මයා,
දුග්ගතිං නාභිජානාමි සෙතුදානස්සිදං ඵලං.
දුග්ගතිං නාභිජානාමි සෙතුදානස්සිදං ඵලං.
2621. පඤ්චපඤ්ඤාසිතො කප්පෙ එකො ආසිං සමොගධො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2622. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තරණියො ථෙරො ඉමා ගාථායො අභාසිත්ථාති.
තරණියත්ථෙරස්ස අපදානං දසමං.