251. ථොමකෙත්ථෙරාපදානං.
2499. දෙවලොකෙ ඨිතො සන්තො විපස්සිස්ස මහෙසිනො,
ධම්මං සුණිත්වා මුදිතො ඉමං වාචමභාසහං.
ධම්මං සුණිත්වා මුදිතො ඉමං වාචමභාසහං.
2500. නමො තෙ පුරිසාජඤ්ඤ නමො තෙ පුරිසුත්තම,
බහුං ජනං තාරයසි දෙසෙන්තො අමතං පදං.
බහුං ජනං තාරයසි දෙසෙන්තො අමතං පදං.
2501. එකනවුතෙ ඉතො කප්පෙ යං වාචමභණිං තදා,
දුග්ගතිං නාභිජානාමි ථොමනාය ඉදං ඵලං.
දුග්ගතිං නාභිජානාමි ථොමනාය ඉදං ඵලං.
2502. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ථොමකො ථෙරො ඉමා ගාථායො අභාසිත්ථාති.
ථොමකත්ථෙරස්ස අපදානං පඨමං.
252. එකාසනදායකත්ථෙරාපදානං.
2503. විජහිත්වා දෙවවණ්ණං සභරියො ඉධාගමිං,
අධිකාරං කත්තුකාමො බුද්ධසෙට්ඨස්ස සාසනෙ.
අධිකාරං කත්තුකාමො බුද්ධසෙට්ඨස්ස සාසනෙ.
2504. දෙවලො නාම නාමෙන පදුමුත්තරසාවකො,
තස්ස භික්ඛා මයා දින්නා විප්පසන්නෙන චෙතසා.
තස්ස භික්ඛා මයා දින්නා විප්පසන්නෙන චෙතසා.
2505. සතසහස්සෙ ඉතො කප්පෙ යං කම්මමකරිං තදා,
දුග්ගතිං නාභිජානාමි පිණ්ඩපාතස්සිදං ඵලං.
දුග්ගතිං නාභිජානාමි පිණ්ඩපාතස්සිදං ඵලං.
2506. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා එකාසනදායකො ථෙරො ඉමා ගාථායො අභාසිත්ථාති.
එකාසනදායකත්ථෙරස්ස අපදානං දුතියං.
253. චිතකපූජකත්ථෙරාපදානං
2507. ආනන්දො නාම සම්බුද්ධො සයම්භු අපරාජිතො,
අරඤ්ඤෙ පරිනිබ්බායි අමනුස්සම්හි කානනෙ.
අරඤ්ඤෙ පරිනිබ්බායි අමනුස්සම්හි කානනෙ.
2508. දෙවලොකා ඉධාගන්ත්වා චිතං කත්වානහං තදා,
සරීරං තත්ථ ඣාපෙසිං සක්කාරඤ්ච අකාසහං.
සරීරං තත්ථ ඣාපෙසිං සක්කාරඤ්ච අකාසහං.
2509. එකනවුතෙ ඉතො කප්පෙ යං කම්මමකරිං තදා,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2510. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා චිතකපූජකො ථෙරො ඉමා ගාථායො අභාසිත්ථාති.
චිතකපූජකත්ථෙරස්ස අපදානං චතුත්ථං.
254. තිචම්පකපුප්ඵියත්ථෙරාපදානං.
2511. හිමවන්තස්ස අවිදූරෙ විකතො නාම පබ්බතො,
තස්ස වෙමජ්ඣෙ වසති සමණො භාවිතින්ද්රියො.
තස්ස වෙමජ්ඣෙ වසති සමණො භාවිතින්ද්රියො.
2512. දිස්වාන තස්සොපසමං විප්පසන්නෙන චෙතසා,
තීණි චම්පකපුප්ඵානි ගහෙත්වාන සමොකිරිං.
තීණි චම්පකපුප්ඵානි ගහෙත්වාන සමොකිරිං.