252. එකාසනදායකත්ථෙරාපදානං.
2503. විජහිත්වා දෙවවණ්ණං සභරියො ඉධාගමිං,
අධිකාරං කත්තුකාමො බුද්ධසෙට්ඨස්ස සාසනෙ.
අධිකාරං කත්තුකාමො බුද්ධසෙට්ඨස්ස සාසනෙ.
2504. දෙවලො නාම නාමෙන පදුමුත්තරසාවකො,
තස්ස භික්ඛා මයා දින්නා විප්පසන්නෙන චෙතසා.
තස්ස භික්ඛා මයා දින්නා විප්පසන්නෙන චෙතසා.
2505. සතසහස්සෙ ඉතො කප්පෙ යං කම්මමකරිං තදා,
දුග්ගතිං නාභිජානාමි පිණ්ඩපාතස්සිදං ඵලං.
දුග්ගතිං නාභිජානාමි පිණ්ඩපාතස්සිදං ඵලං.
2506. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා එකාසනදායකො ථෙරො ඉමා ගාථායො අභාසිත්ථාති.
එකාසනදායකත්ථෙරස්ස අපදානං දුතියං.
253. චිතකපූජකත්ථෙරාපදානං
2507. ආනන්දො නාම සම්බුද්ධො සයම්භු අපරාජිතො,
අරඤ්ඤෙ පරිනිබ්බායි අමනුස්සම්හි කානනෙ.
අරඤ්ඤෙ පරිනිබ්බායි අමනුස්සම්හි කානනෙ.
2508. දෙවලොකා ඉධාගන්ත්වා චිතං කත්වානහං තදා,
සරීරං තත්ථ ඣාපෙසිං සක්කාරඤ්ච අකාසහං.
සරීරං තත්ථ ඣාපෙසිං සක්කාරඤ්ච අකාසහං.
2509. එකනවුතෙ ඉතො කප්පෙ යං කම්මමකරිං තදා,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2510. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා චිතකපූජකො ථෙරො ඉමා ගාථායො අභාසිත්ථාති.
චිතකපූජකත්ථෙරස්ස අපදානං චතුත්ථං.
254. තිචම්පකපුප්ඵියත්ථෙරාපදානං.
2511. හිමවන්තස්ස අවිදූරෙ විකතො නාම පබ්බතො,
තස්ස වෙමජ්ඣෙ වසති සමණො භාවිතින්ද්රියො.
තස්ස වෙමජ්ඣෙ වසති සමණො භාවිතින්ද්රියො.
2512. දිස්වාන තස්සොපසමං විප්පසන්නෙන චෙතසා,
තීණි චම්පකපුප්ඵානි ගහෙත්වාන සමොකිරිං.
තීණි චම්පකපුප්ඵානි ගහෙත්වාන සමොකිරිං.
2513. එකනවුතෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2514. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තිචම්පකපුප්ඵියො ථෙරො ඉමා ගාථායො අභාසිත්ථාති.
තිචම්පකපුප්ඵියත්ථෙරස්ස අපදානං චතුත්ථං.
255. සත්තපාටලියත්ථෙරාපදානං.
2515. කණිකාරංව ජොතන්තං නිසින්නං පබ්බතන්තරෙ,
සත්තපාටලිපුප්ඵානි බුද්ධස්ස අභිරොපයිං.
සත්තපාටලිපුප්ඵානි බුද්ධස්ස අභිරොපයිං.
2516. චතුනවුතෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2517. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සත්තපාටලියො ථෙරො ඉමා ගාථායො අභාසිත්ථාති.
සත්තපාටලියත්ථෙරස්ස අපදානං පඤ්චමං.
256. උපාහනදායකත්ථෙරාපදානං.
2518. අහොසි චන්දනො නාම සම්බුද්ධස්සත්රජො තදා,
එකොපාහනො මයා දින්නො බොධිං සම්පජ්ජ මෙ තුවං.
එකොපාහනො මයා දින්නො බොධිං සම්පජ්ජ මෙ තුවං.
2519. එකනවුතෙ ඉතො කප්පෙ යමුපාහනං දදිං තදා,
දුග්ගතිං නාභිජානාමි උපාහනස්සිදං ඵලං.
දුග්ගතිං නාභිජානාමි උපාහනස්සිදං ඵලං.
2520. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා උපාහනදායකො ථෙරො ඉමා ගාථායො අභාසිත්ථාති.
උපාහනදායකත්ථෙරස්ස අපදානං ඡට්ඨං.