234. කිලඤ්ජදායකත්ථොරාපදානං.
2437. තිවරායං පුරෙ රම්මෙ නළකාරො අහං තදා,
සිද්ධත්ථෙ ලොකපජ්ජොතෙ පසන්නා ජනතා තහිං.
සිද්ධත්ථෙ ලොකපජ්ජොතෙ පසන්නා ජනතා තහිං.
2438. පූජත්ථං ලොකනාථස්ස කිලඤ්ජං පරියෙසති,
බුද්ධපූජං කරොන්තානං කිලඤ්ජං අදදිං අහං.
බුද්ධපූජං කරොන්තානං කිලඤ්ජං අදදිං අහං.
2439. චතුනවුතෙ ඉතො කප්පෙ යං කම්මමකරිං තදා,
දුග්ගතිං නාභිජානාමි කිලඤ්ජස්ස ඉදං ඵලං.
දුග්ගතිං නාභිජානාමි කිලඤ්ජස්ස ඉදං ඵලං.
2440. සත්තසත්තතිකප්පම්භි රාජා ආසිං ජුතින්ධරො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2441. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කිලඤ්ජදායකො ථෙරො ඉමා ගාථායො අභාසිත්ථාති.
කිලඤ්ජදායකත්ථෙරස්ස අපදානං චතුත්ථං.
235. වෙදිකාරකත්ථෙරාපදානං.
2442. විපස්සිනො භගවතො බොධියා පාදපුත්තමෙ,
පසන්නචිත්තො සුමනො කාරෙසිං වෙදිකං අහං.
පසන්නචිත්තො සුමනො කාරෙසිං වෙදිකං අහං.
2443. එකනවුතෙ ඉතො කප්පෙ කරොසිං වෙදිකං අහං,
දුග්ගතිං නාභිජානාමි වෙදිකාය ඉදං ඵලං.
දුග්ගතිං නාභිජානාමි වෙදිකාය ඉදං ඵලං.
2444. ඉතො එකාදසෙ කප්පෙ අසොසිං සුරියස්සමො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2445. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා වෙදිකාරකො ථෙරො ඉමා ගාථායො අභාසිත්ථාති.
වෙදිකාරකත්ථෙරස්ස අපදානං පඤ්චමං.
236. වණ්ණකාරත්ථොරාපදානං
2446. නගරෙ අරුණවතියා වණ්ණකාරො අහං තදා,
චෙතියෙ දුස්සභණ්ඩානි නානාවණ්ණං රජෙසහං.
චෙතියෙ දුස්සභණ්ඩානි නානාවණ්ණං රජෙසහං.
2447. එකතිංසෙ ඉතො කප්පෙ යං වණ්ණං රජයිං තදා,
දුග්ගතිං නාභිජානාමි වණ්ණදානස්සිදං ඵලං.
දුග්ගතිං නාභිජානාමි වණ්ණදානස්සිදං ඵලං.
2448. ඉතො තෙවීසතිකප්පෙ චන්දූපමසමානකො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2449. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා වණ්ණකාරො ථෙරො ඉමා ගාථායො අභාසිත්ථාති.
වණ්ණකාරත්ථෙරස්ස අපදානං ඡට්ඨං.
237. පියාලපුප්ඵියත්ථෙරාපදානං.
2450. මිගලුද්දො පුරෙ ආසිං අරඤ්ඤෙ කානනෙ අහං,
පියාලං පුප්ඵිතං දිස්වා ගතමග්ගෙ ඛිපිං අහං.
පියාලං පුප්ඵිතං දිස්වා ගතමග්ගෙ ඛිපිං අහං.
2451. එකනවුතෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2452. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පියාලපුප්ඵියො ථෙරො ඉමා ගාථායො අභාසිත්ථාති.
පියාලපුප්ඵියත්ථෙරස්ස අපදානං සත්තමං.
238. අම්බයාගදායකත්ථොරාපදානං.
2453. සකෙ සිප්පෙ අපත්ථද්ධො අගමං කානනං අහං,
සම්බුද්ධං යන්තං දිස්වාන අම්බයාගං අදාසහං.
සම්බුද්ධං යන්තං දිස්වාන අම්බයාගං අදාසහං.
2454. එකනවුතෙ ඉතො කප්පෙ යං දානමදදිං තදා,
දුග්ගතිං නාභිජානාමි අම්බයාගස්සිදං ඵලං.
දුග්ගතිං නාභිජානාමි අම්බයාගස්සිදං ඵලං.
2455. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා අම්බයාගදායකො ථෙරො ඉමා ගාථායො අභාසිත්ථාති.
අම්බයාගදායකත්ථෙරස්ස අපදානං අට්ඨමං.