225. අව්යාධිකත්ථෙරාපදානං
2396. විපස්සිස්ස භගවතො අග්ගිසාලමදාසහං,
ව්යාධිතානඤ්ච ආවාසං උණ්හොදකපටිග්ගහං.
ව්යාධිතානඤ්ච ආවාසං උණ්හොදකපටිග්ගහං.
2397. තෙන කම්මෙනයං මය්හං අත්තභාවො සුනිම්මිතො,
ව්යාධාහං නාභිජානාමි පුඤ්ඤකම්මස්සිදං ඵලං.
ව්යාධාහං නාභිජානාමි පුඤ්ඤකම්මස්සිදං ඵලං.
2398. එකනවුතෙ ඉතො කප්පෙ යං සාලමදදිං තදා,
දුග්ගතිං නාභිජානාමි අග්ගිසාලායිදං ඵලං.
දුග්ගතිං නාභිජානාමි අග්ගිසාලායිදං ඵලං.
2399. ඉතො සත්තමකෙ කප්පෙ එකො’සිං අපරාජිතො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2400. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා අව්යාධිකො ථෙරො ඉමා ගාථායො අභාසිත්ථාති.
අව්යාධිකත්ථෙරස්ස අපදානං පඤ්චමං.
226. අඞ්කොලපුප්ඵියත්ථෙරාපදානං
2401. නාරදො ඉති මෙ නාමං කස්සපො ඉති මං විදූ,
අද්දසං සමණානග්ගං විපස්සිං දෙවසක්කතං.
අද්දසං සමණානග්ගං විපස්සිං දෙවසක්කතං.
2402. අනුබ්යඤ්ජනධරං බුද්ධං ආහුතීනං පටිග්ගහං,
අඞ්කොලපුප්ඵං පග්ගය්හ බුද්ධස්ස අභිරොපයිං.
අඞ්කොලපුප්ඵං පග්ගය්හ බුද්ධස්ස අභිරොපයිං.
2403. එකනවුතෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2404. චතුසත්තතිතො කප්පෙ රොමසො නාම ඛත්තියො,
ආමුත්තමාලාභරණො සයොග්ගබලවාහනො.
ආමුත්තමාලාභරණො සයොග්ගබලවාහනො.
2405. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා අඞ්කොලපුප්ඵියො ථෙරො ඉමා ගාථායො අභාසිත්ථාති.
අඞ්කොලපුප්ඵියත්ථෙරස්ස අපදානං ඡට්ඨං.
227. සොවණ්ණවටංසකියයත්ථෙරාපදානං
2406. උය්යානභූමිං නිය්යන්තො අද්දසං ලොකනායකං,
වටංසකං ගහෙත්වාන සොවණ්ණං සාධුනිම්මිතං.
වටංසකං ගහෙත්වාන සොවණ්ණං සාධුනිම්මිතං.
2407. සීඝං තතො සමොරුය්හ හත්ථික්ඛන්වධගතො අහං,
බුද්ධස්ස අභිරොපෙසිං සිඛිනො ලොකබන්ධුනො.
බුද්ධස්ස අභිරොපෙසිං සිඛිනො ලොකබන්ධුනො.
2408. එකතිංසෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2409. සත්තවීසෙ ඉතො කප්පෙ එකො ආසිං ජනාධිපො,
මහාපතාප නාමෙන චක්කවත්තී මහබ්බලො.
මහාපතාප නාමෙන චක්කවත්තී මහබ්බලො.
2410. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සොවණ්ණවටංසකියො ථෙරො ඉමා ගාථායො අභාසිත්ථාති.
සොවණ්ණවටංසකියත්ථෙරස්ස අපදානං සත්තමං.
228. මිඤ්ජවටංසකියත්ථෙරාපදානං.
2411. නිබ්බුතෙ ලොකනාථම්හි සිඛිම්හි වදතං වරෙ,
වටංසකෙහි ආකිණ්ණං බොධිපූජමකාසහං.
වටංසකෙහි ආකිණ්ණං බොධිපූජමකාසහං.
2412. එකතිංසෙ ඉතො කප්පෙ යං පූජමකරිං තදා,
දුග්ගතිං නාභිජානාමි බොධිපූජායිදං ඵලං.
දුග්ගතිං නාභිජානාමි බොධිපූජායිදං ඵලං.
2413. ඉතො ඡබ්බීසතිකප්පෙ අහුං මෙඝබ්භ නාමකො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2414. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා මිඤ්ජවටංසකියො ථෙරො ඉමා ගාථායො අභාසිත්ථාති.
මිඤ්ජවටංසකියත්ථෙරස්ස අපදානං අට්ඨමං.
229. සුකතාවෙලියත්ථෙරාපදානං.
2415. අසිතො නාම නාමෙන මාලාකාරො අහුං තදා,
ආවෙලං පග්ගහෙවොන රඤ්ඤො දාතුං වජාමහං.
ආවෙලං පග්ගහෙවොන රඤ්ඤො දාතුං වජාමහං.
2416. අසම්පත්තම්හි රාජානං අද්දසං සිඛිනායකං.
හට්ඨො හට්ඨෙන චිත්තෙන බුද්ධස්ස අභිරොපයිං.
හට්ඨො හට්ඨෙන චිත්තෙන බුද්ධස්ස අභිරොපයිං.
2417. එකතිංසෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.