211. හත්ථිදායකත්ථෙරාපදානං.
2319. සිද්ධත්ථස්ස භගවතො දිපදින්දස්ස තාදිනො,
නාගසෙට්ඨො මයා දින්නො ඊසාදන්තො උරූළ්හවා.
නාගසෙට්ඨො මයා දින්නො ඊසාදන්තො උරූළ්හවා.
2320. උත්තමත්ථං අනුභොමි සන්තිපදමනුත්තරං,
අග්ගදානං මයා දින්නං සබ්බලොකහිතෙසිනො.
අග්ගදානං මයා දින්නං සබ්බලොකහිතෙසිනො.
2321. චතුනවුතෙ ඉතො කප්පෙ යං නාගමදදිං තදා,
දුග්ගතිං නාභිජානාමි නාගදානස්සිදං ඵලං.
දුග්ගතිං නාභිජානාමි නාගදානස්සිදං ඵලං.
2322. අට්ඨසත්තතිකප්පම්භි සොළසා’සිංසු ඛත්තියා,
සමන්තපාසාදිකා නාම චක්කවත්තී මහබ්බලා.
සමන්තපාසාදිකා නාම චක්කවත්තී මහබ්බලා.
2323. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා හත්ථිදායකො ථෙරො ඉමා ගාථායො අභාසිත්ථාති.
හත්ථිදායකත්ථෙරස්ස අපදානං පඨමං.
212. පානධිදායකත්ථෙරාපදානං
2324. ආරඤ්ඤකස්ස ඉසිනො චිරරත්තතපස්සිනො,
වුද්ධස්ස භාවිතත්තස්ස අදාසිං පානධිං අහං.
වුද්ධස්ස භාවිතත්තස්ස අදාසිං පානධිං අහං.
2325. තෙන කම්මෙන දිපදින්ද ලොකජෙට්ඨ නරාසභ,
සබ්බං යානං අනුභොමි පුබ්බකම්මස්සිදං ඵලං.
සබ්බං යානං අනුභොමි පුබ්බකම්මස්සිදං ඵලං.
2326. චතුනවුතෙ ඉතො කප්පෙ යං කම්මමකරිං තදා,
දුග්ගතිං නාභිජානාමි පානධිස්ස ඉදං ඵලං.
දුග්ගතිං නාභිජානාමි පානධිස්ස ඉදං ඵලං.
2327. සත්තසත්තති’තො කප්පෙ අට්ඨ ආසිංසු ඛත්තියා,
සුයානා නාම නාමෙන චක්කවත්තී මහබ්බලා.
සුයානා නාම නාමෙන චක්කවත්තී මහබ්බලා.
2328. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පානධිදායකො ථෙරො ඉමා ගාථායො අභාසිත්ථාති.
පානධිදායකත්ථෙරස්ස අපදානං දුතියං.
213. සච්චසඤ්ඤකත්ථෙරාපදානං
2329. වෙස්සභූ තම්හි සමයෙ භික්ඛුසඞ්ඝපුරක්ඛතො,
දෙසෙති අරියසච්චානි නිබ්බාපෙන්තො මහාජනං.
දෙසෙති අරියසච්චානි නිබ්බාපෙන්තො මහාජනං.
2330. පරමකාරුඤ්ඤපත්තොම්භි සමිතිං අගමාසහං,
සොහං නිසින්නකො සන්තො ධම්මස්සොසිං සත්ථුනො.
සොහං නිසින්නකො සන්තො ධම්මස්සොසිං සත්ථුනො.
2331. තස්සාහං ධම්මං සුත්වාන දෙවලොකමගච්ඡහං,
තිංසකප්පානි දෙවෙසු අවසිං තත්ථහං පුරෙ.
තිංසකප්පානි දෙවෙසු අවසිං තත්ථහං පුරෙ.
2332. එකතිංසෙ ඉතො කප්පෙ යං සඤ්ඤමලභිං තදා,
දුග්ගතිං නාභිජානාමි සච්චසඤ්ඤායිදං ඵලං.
දුග්ගතිං නාභිජානාමි සච්චසඤ්ඤායිදං ඵලං.
2333. ඡබ්බීසම්හි ඉතො කප්පෙ එකො ආසිං ජනාධිපො,
එකඵුසිතනාමෙන චක්කවත්තී මහබ්බලො.
එකඵුසිතනාමෙන චක්කවත්තී මහබ්බලො.
2334. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සච්චසඤ්ඤකො ථෙරො ඉමා ගාථායො අභාසිත්ථාති.
සච්චසඤ්ඤකත්ථෙරස්ස අපදානං තතියං.
214. එකසඤ්ඤකත්ථෙරාපදානං.
2335. දුමග්ගෙ පංසුකූලිකං ලග්ගං දිස්වාන සත්ථුනො,
අඤ්ජලිං පග්ගහෙත්වාන පංසුකූලං අවන්දිහං.
අඤ්ජලිං පග්ගහෙත්වාන පංසුකූලං අවන්දිහං.
2336. එකතිංසෙ ඉතො කප්පෙ යං සඤ්ඤමලභිං තදා,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2337. පඤ්චවීසෙ ඉතො කප්පෙ එකො ආසිං ජනාධිපො,
අමිතාභොති නාමෙන චක්කවත්තී මහබ්බලො.
අමිතාභොති නාමෙන චක්කවත්තී මහබ්බලො.
2338. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා එකසඤ්ඤකො ථෙරො ඉමා ගාථායො අභාසිත්ථාති.
එකසඤ්ඤකත්ථෙරස්ස අපදානං චතුත්ථං.