202. මිනෙලපුප්ඵියත්ථෙරාපදානං.
2275. සුවණ්ණවණ්ණො භගවා සතරංසී පතාපවා.
චඞ්කමනං සමාරූළ්හො මෙත්තචිත්තො සිඛීසභො.
චඞ්කමනං සමාරූළ්හො මෙත්තචිත්තො සිඛීසභො.
2276. පසන්නචිත්තො සුමනො වන්දිත්වා ඤාණමුත්තමං,
මිනෙලපුප්ඵං පග්ගය්හ බුද්ධස්ස අභිරොපයිං.
මිනෙලපුප්ඵං පග්ගය්හ බුද්ධස්ස අභිරොපයිං.
2277. එකතිංසෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2278. එකූනතිංසෙ කප්පම්හි සුමෙධයස නාමකො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2279. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා මිනෙලපුප්ඵියො ථෙරො ඉමා ගාථායො අභාසිත්ථාති.
මිනෙලපුප්ඵියත්ථෙරස්ස අපදානං දුතියං.
203. කිඞ්කිණිකපුප්ඵියත්ථෙරාපදානං
2280. කඤ්චනග්ඝියසඞ්කාසො සබ්බඤ්ඤූ ලොකනායකො,
ඔදකං දහමොගය්හ සිනායි ලොකනායකො.
ඔදකං දහමොගය්හ සිනායි ලොකනායකො.
2281. පග්ගය්හ කිඞ්කිණිං පුප්ඵං විපස්සිස්සාභිරොපයිං,
උදග්ගචිත්තො සුමනො දිපදින්දස්ස තාදිනො.
උදග්ගචිත්තො සුමනො දිපදින්දස්ස තාදිනො.
2282. එකනවුතෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2283. සත්තවීසතිකප්පම්හි රාජා භීමරථො අහු,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2284. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කිඞ්කිණිකපුප්ඵියො ථෙරො ඉමා ගාථායො අභාසිත්ථාති.
කිඞ්කිණිකපුප්ඵියත්ථෙරස්ස අපදානං තතියං.
204. තරණියත්ථෙරාපදානං
2285. අත්ථදස්සීතු භගවා දිපදින්දො නරාසභො,
පුරක්ඛතො සාවකෙහි ගඞ්ගාතීරමුපාගමි.
පුරක්ඛතො සාවකෙහි ගඞ්ගාතීරමුපාගමි.
2286. සමතිත්තිකා කාකපෙය්යා ගඞ්ගා ආසි දුරුත්තරා,
උත්තාරයිං භික්ඛුසඞ්ඝං බුද්ධං ච දිපදුත්තමං.
උත්තාරයිං භික්ඛුසඞ්ඝං බුද්ධං ච දිපදුත්තමං.
2287. අට්ඨාරසෙ කප්පසතෙ යං කම්මමකරිං තදා,
දුග්ගතිං නාභිජානාමි තරණාය ඉදං ඵලං.
දුග්ගතිං නාභිජානාමි තරණාය ඉදං ඵලං.
2288. තෙරසෙතො කප්පසතෙ පඤ්ච සබ්භොගවා අහුං,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.