203. කිඞ්කිණිකපුප්ඵියත්ථෙරාපදානං
2280. කඤ්චනග්ඝියසඞ්කාසො සබ්බඤ්ඤූ ලොකනායකො,
ඔදකං දහමොගය්හ සිනායි ලොකනායකො.
ඔදකං දහමොගය්හ සිනායි ලොකනායකො.
2281. පග්ගය්හ කිඞ්කිණිං පුප්ඵං විපස්සිස්සාභිරොපයිං,
උදග්ගචිත්තො සුමනො දිපදින්දස්ස තාදිනො.
උදග්ගචිත්තො සුමනො දිපදින්දස්ස තාදිනො.
2282. එකනවුතෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2283. සත්තවීසතිකප්පම්හි රාජා භීමරථො අහු,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2284. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කිඞ්කිණිකපුප්ඵියො ථෙරො ඉමා ගාථායො අභාසිත්ථාති.
කිඞ්කිණිකපුප්ඵියත්ථෙරස්ස අපදානං තතියං.
204. තරණියත්ථෙරාපදානං
2285. අත්ථදස්සීතු භගවා දිපදින්දො නරාසභො,
පුරක්ඛතො සාවකෙහි ගඞ්ගාතීරමුපාගමි.
පුරක්ඛතො සාවකෙහි ගඞ්ගාතීරමුපාගමි.
2286. සමතිත්තිකා කාකපෙය්යා ගඞ්ගා ආසි දුරුත්තරා,
උත්තාරයිං භික්ඛුසඞ්ඝං බුද්ධං ච දිපදුත්තමං.
උත්තාරයිං භික්ඛුසඞ්ඝං බුද්ධං ච දිපදුත්තමං.
2287. අට්ඨාරසෙ කප්පසතෙ යං කම්මමකරිං තදා,
දුග්ගතිං නාභිජානාමි තරණාය ඉදං ඵලං.
දුග්ගතිං නාභිජානාමි තරණාය ඉදං ඵලං.
2288. තෙරසෙතො කප්පසතෙ පඤ්ච සබ්භොගවා අහුං,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
2289. පච්ඡිමෙ ච භවෙ අස්මිං ජාතො’හං බ්රාහ්මණෙ කුලෙ,
සද්ධිං තීහි සහායෙහි පබ්බජිං සත්ථුසාසනෙ.
සද්ධිං තීහි සහායෙහි පබ්බජිං සත්ථුසාසනෙ.
පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තරණියො ථෙරො ඉමා ගාථායො අභාසිත්ථාති.
තරණියත්ථෙරස්ස අපදානං චතුත්ථං.
205. නිග්ගුණ්ඩිපුප්ඵියත්ථෙරාපදානං
2290. විපස්සිස්ස භගවතො ආසිමාරාමිකො අහං,
නිග්ගුණ්ඩිපුප්ඵං පග්ගය්හ බුද්ධස්ස අභිරොපයිං.
නිග්ගුණ්ඩිපුප්ඵං පග්ගය්හ බුද්ධස්ස අභිරොපයිං.
2291. එකනවුතෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2292. පඤ්චතිංසෙ ඉතො කප්පෙ එකො ආසිං ජනාධිපො,
මහාපතාපො නාමෙන චක්කවත්තී මහබ්බලො.
මහාපතාපො නාමෙන චක්කවත්තී මහබ්බලො.
2293. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා නිග්ගුණ්ඩිපුප්ඵියො ථෙරො ඉමා ගාථායො අභාසිත්ථාති.
නිග්ගුණ්ඩිපුප්ඵියත්ථෙරස්ස අපදානං පඤ්චමං.
206. උදකදායකත්ථෙරාපදානං.
2294. භුඤ්ජන්තං සමණං දිස්වා විප්පසන්නමනාවිලං,
ඝටෙනො’දකමාදාය සිද්ධත්ථස්ස අදාසහං.
ඝටෙනො’දකමාදාය සිද්ධත්ථස්ස අදාසහං.
2295. නිම්මලො හොම’හං අජ්ජ විමලො ඛීණසංසයො,
භවෙ නිබ්බත්තමානම්හි ඵලං නිබ්බත්තතෙ සුභං.
භවෙ නිබ්බත්තමානම්හි ඵලං නිබ්බත්තතෙ සුභං.
2296. චතුනවුතෙ ඉතො කප්පෙ උදකං යං තදා අදං,
දුග්ගතිං නාභිජානාමි උදකදානස්සිදං ඵලං.
දුග්ගතිං නාභිජානාමි උදකදානස්සිදං ඵලං.
2297. එකසට්ඨිම්හිතො කප්පෙ එකොව විමලො අහුං,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2298. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා උදකදායකො ථෙරො ඉමා ගාථායො අභාසිත්ථාති.
උදකදායකත්ථෙරස්ස අපදානං ඡට්ඨං.