13. නන්දත්ථෙරාපදානං.
700. පදුමුත්තරස්ස භගවතො ලොකජෙට්ඨස්ස තාදිනො,
වත්ථං ඛොමං මයා දින්නං සයම්භුස්ස මහෙසිනො.
වත්ථං ඛොමං මයා දින්නං සයම්භුස්ස මහෙසිනො.
701. තං මෙ බුද්ධො වියාකාසි ජලජුත්තරනාමකො,
ඉමිනා වත්ථදානෙන හෙමවණ්ණො භවිස්සසි.
ඉමිනා වත්ථදානෙන හෙමවණ්ණො භවිස්සසි.
702. ද්වෙ සම්පත්ති අනුභොත්වා කුසලමූලෙහි චොදිතො,
ගොතමස්ස භගවතො කනිට්ඨො ත්වං භවිස්සසි.
ගොතමස්ස භගවතො කනිට්ඨො ත්වං භවිස්සසි.
703. රාගරත්තො සුඛසීලො කාමෙසු ගෙධමායුතො,
බුද්ධෙන චොදිතො සන්තො තදා ත්වං පබ්බජිස්සසි.
බුද්ධෙන චොදිතො සන්තො තදා ත්වං පබ්බජිස්සසි.
704. පබ්බජිත්වාන ත්වං තත්ථ කුසලමූලෙන චොදිතො,
සබ්බාසවෙ පරිඤ්ඤාය නිබ්බායිස්සස’නාසවො.
සබ්බාසවෙ පරිඤ්ඤාය නිබ්බායිස්සස’නාසවො.
705. සතකප්පසහස්සම්හි චතුරො චෙලනාමකා,
සට්ඨිකප්පසහස්සම්හි උපචෙලා චතුජ්ජනා.
සට්ඨිකප්පසහස්සම්හි උපචෙලා චතුජ්ජනා.
706. පඤ්චකප්පසහස්සම්හි චෙලාව චතුරො ජනා,
සත්තරතනසම්පන්නා චතුදීපම්හි ඉස්සරා.
සත්තරතනසම්පන්නා චතුදීපම්හි ඉස්සරා.
707. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා නන්දො ථෙරො ඉමා ගාථායො අභාසිත්ථාති.
නන්දත්ථෙරස්සාපදානං තතියං.
14. චුල්ලපන්ථකත්ථෙරාපදානං.
708. පදුමුත්තරො නාම ජිනො ආහුතීනං පටිග්ගහො,
ගණම්හා වූපකට්ඨො සො හිමවන්තෙ වසී තදා.
ගණම්හා වූපකට්ඨො සො හිමවන්තෙ වසී තදා.
709. අහම්පි හිමවන්තම්භි වසාමි අස්සමෙ තදා,
අචිරාගතං මහාවීරං උපෙසිං ලොකනායකං.
අචිරාගතං මහාවීරං උපෙසිං ලොකනායකං.
710. පුප්ඵච්ඡත්තං ගහෙත්වාන උපගච්ඡිං නරාසභං,
සමාධිං සමාපජ්ජන්තං අන්තරායමකාස’හං.
සමාධිං සමාපජ්ජන්තං අන්තරායමකාස’හං.
711. උභොහත්ථෙහි පග්ගය්හ පුප්ඵඡත්තං අදාස’හං,
පටිග්ගහෙසි භගවා පදුමුත්තරො මහාමුනි.
පටිග්ගහෙසි භගවා පදුමුත්තරො මහාමුනි.
712. සබ්බෙ දෙවා අත්තමනා හිමවන්තං උපෙන්ති තෙ,
සාධුකාරං පවත්තෙසුං අනුමොදිස්සති චක්ඛුමා.
සාධුකාරං පවත්තෙසුං අනුමොදිස්සති චක්ඛුමා.