190. තිවණ්ටිපුප්ඵියත්ථෙරාපදානං.
2208. අභිභූතො පනිජ්ඣන්ති සබ්බෙ සඞ්ගම්ම තෙ මමං,
තෙසං නිජ්ඣායමානානං පරිළාහො අජායථ.
තෙසං නිජ්ඣායමානානං පරිළාහො අජායථ.
2209. සුනන්දො නාම නාමෙන බුද්ධස්ස සාවකො තදා,
ධම්මදස්සිස්ස මුනිනො ආගච්ඡි මම සන්තිකෙ.
ධම්මදස්සිස්ස මුනිනො ආගච්ඡි මම සන්තිකෙ.
2210. යෙ මෙ බද්ධචරා ආසුං තෙ මෙ පුප්ඵං අදුං තදා,
තාහං පුප්ඵං ගහෙත්වාන සාවකෙ අභිරොපයිං.
තාහං පුප්ඵං ගහෙත්වාන සාවකෙ අභිරොපයිං.
2211. සොහං කාලකතො තත්ථ පුනාපි උපපජ්ජහං,
අට්ඨාරසෙ කප්පසතෙ විනිපාතං න ගච්ඡහං.
අට්ඨාරසෙ කප්පසතෙ විනිපාතං න ගච්ඡහං.
2212. තෙරසෙතො කප්පසතෙ අට්ඨාසුං ධූමකෙතුනො,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
2213. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තිවණ්ටිපුප්ඵියො ථෙරො ඉමා ගාථායො අභාසිත්ථාති.
තිවණ්ටිපුප්ඵියත්ථෙරස්ස අපදානං දසමං.
උද්දානං:
කුටජො බන්ධුජීවී ච කොටුම්බරිකහත්ථියො
ඉසිමුග්ගො ච බොධී ච එකචින්තී තිකණ්ණිකො
එකචාරී තිවණ්ටී ච ගාථා ද්වාසට්ඨි කිත්තිතා.
ඉසිමුග්ගො ච බොධී ච එකචින්තී තිකණ්ණිකො
එකචාරී තිවණ්ටී ච ගාථා ද්වාසට්ඨි කිත්තිතා.
කුටජපුප්ඵියවග්ගො එකූනවීසතිමො.
20. තමාලපුප්ඵියවග්ගො
191. තමාලපුප්ඵියත්ථෙරාපදානං.
2214. චුල්ලාසීතිසහස්සානි ථම්භා සොවණ්ණමයා අහු,
දෙවලට්ඨිපටිභාගං විමානං මෙ සුනිම්මිතං.
දෙවලට්ඨිපටිභාගං විමානං මෙ සුනිම්මිතං.
2215. තමාලපුප්ඵං පග්ගය්හ විප්පසන්නෙන චෙතසා,
බුද්ධස්ස අභිරොපෙසිං සිඛිනො ලොකබන්ධුනො.
බුද්ධස්ස අභිරොපෙසිං සිඛිනො ලොකබන්ධුනො.
2216. එකතිංසෙ ඉතො කප්පෙ යං කම්මමකරිං තදා,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2217. ඉතො වීසතිමෙ කප්පෙ චන්දතිත්තොති එකකො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2218. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තමාලපුප්ඵියො ථෙරො ඉමා ගාථායො අභාසිත්ථාති.
තමාලපුප්ඵියත්ථෙරස්ස අපදානං පඨමං.
192. තිණසන්ථරදායකත්ථෙරාපදානං
2219. යං දායවාසිකො ඉසි තිණං ලායති සත්ථුනො,
සබ්බෙ පදක්ඛිණාවත්තා පුථව්යා නිපතිංසු තෙ.
සබ්බෙ පදක්ඛිණාවත්තා පුථව්යා නිපතිංසු තෙ.
2220. තමහං තිණමාදාය සන්ථරිං ධරණුත්තමෙ,
තීණෙව තාලපත්තානි ආහරිත්වානහං තදා.
තීණෙව තාලපත්තානි ආහරිත්වානහං තදා.
2221. තිණෙන ඡදනං කත්වා සිද්ධත්ථස්ස අදාසහං,
සත්තාහං ධාරයුං තස්ස සත්ථුනො දෙවමානුසා.
සත්තාහං ධාරයුං තස්ස සත්ථුනො දෙවමානුසා.
2222. චතුනවුතෙ ඉතො කප්පෙ යං තිණං අදදිං තදා,
දුග්ගතිං නාභිජානාමි තිණදානස්සිදං ඵලං.
දුග්ගතිං නාභිජානාමි තිණදානස්සිදං ඵලං.
2223. පඤ්චසට්ඨිම්හිතො කප්පෙ චත්තාරොසුං මහද්ධනා,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
2224. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තිණසන්ථරදායකො ථෙරො ඉමා ගාථායො අභාසිත්ථාති.
තිණසන්ථරදායකත්ථෙරස්ස අපදානං දුතියං.