173. රත්තිපුප්ඵියත්ථෙරාපදානං.
2116. මිගලුද්දො පුරෙ ආසිං අරඤ්ඤෙ කානනෙ අහං,
විපස්සිං අද්දසං බුද්ධං දෙවදෙවං නරාසභං.
විපස්සිං අද්දසං බුද්ධං දෙවදෙවං නරාසභං.
2117. රත්තිකං පුප්ඵිතං දිස්වා කුටජං ධරණීරුහං,
සමූලං පග්ගහෙත්වාන උපනෙසිං මහෙසිනො.
සමූලං පග්ගහෙත්වාන උපනෙසිං මහෙසිනො.
2118. එකනවුතෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි පුප්ඵදානස්සිදං ඵලං.
දුග්ගතිං නාභිජානාමි පුප්ඵදානස්සිදං ඵලං.
2119. ඉතො ච අට්ඨමෙ කප්පෙ සුප්පසන්නසනාමකො,
සත්තරතනසම්පන්නො රාජාහොසිං මහබ්බලො.
සත්තරතනසම්පන්නො රාජාහොසිං මහබ්බලො.
2120. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා රත්තිපුප්ඵියො ථෙරො ඉමා ගාථායො අභාසිත්ථාති.
රත්තිපුප්ඵියත්ථෙරස්ස අපදානං තතියං.
174. උදපානදායකත්ථෙරාපදානං.
2121. විපස්සිනො භගවතො උදපානො කතො මයා,
පිණ්ඩපාතඤ්ච දත්වාන නිය්යාතෙසිං අහං තදා.
පිණ්ඩපාතඤ්ච දත්වාන නිය්යාතෙසිං අහං තදා.
2122. එකනවුතෙ ඉතො කප්පෙ යං කමම්මකරිං තදා,
දුග්ගතිං නාභිජානාමි උදපානස්සිදං ඵලං.
දුග්ගතිං නාභිජානාමි උදපානස්සිදං ඵලං.
2123. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා උදපානදායකො ථෙරො ඉමා ගාථායො අභාසිත්ථාති.
උදපානදායකත්ථෙරස්ස අපදානං චතුත්ථං.
175. සීහාසනදායකත්ථෙරාපදානං.
2124. නිබ්බුතෙ ලොකනාථම්භි පදුමුත්තරනායකෙ,
පසන්නචිත්තො සුමනො සීහාසනමදාසහං.
පසන්නචිත්තො සුමනො සීහාසනමදාසහං.
2125. පහුතගන්ධමාලෙහි දිට්ඨධම්මෙ සුඛාවහෙ,
තත්ථ පූජං කරිත්වාන නිබ්බායති බහුජ්ජනො.
තත්ථ පූජං කරිත්වාන නිබ්බායති බහුජ්ජනො.
2126. පසන්නචිත්තො සුමනො වන්දිත්වා බොධිමුත්තමං,
කප්පානං සතසහස්සං දුග්ගතිං නූපපජ්ජහං.
කප්පානං සතසහස්සං දුග්ගතිං නූපපජ්ජහං.
2127. පණ්ණරසසහස්සම්හි කප්පානං අට්ඨ ආසු තෙ,
සිලුච්චය සනාමා ච රාජානො චක්කවත්තිනො.
සිලුච්චය සනාමා ච රාජානො චක්කවත්තිනො.
2128. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සීහාසනදායකො ථෙරො ඉමා ගාථායො අභාසිත්ථාති.
සීහාසනදායකත්ථෙරස්ස අපදානං පඤ්චමං.