174. උදපානදායකත්ථෙරාපදානං.
2121. විපස්සිනො භගවතො උදපානො කතො මයා,
පිණ්ඩපාතඤ්ච දත්වාන නිය්යාතෙසිං අහං තදා.
පිණ්ඩපාතඤ්ච දත්වාන නිය්යාතෙසිං අහං තදා.
2122. එකනවුතෙ ඉතො කප්පෙ යං කමම්මකරිං තදා,
දුග්ගතිං නාභිජානාමි උදපානස්සිදං ඵලං.
දුග්ගතිං නාභිජානාමි උදපානස්සිදං ඵලං.
2123. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා උදපානදායකො ථෙරො ඉමා ගාථායො අභාසිත්ථාති.
උදපානදායකත්ථෙරස්ස අපදානං චතුත්ථං.
175. සීහාසනදායකත්ථෙරාපදානං.
2124. නිබ්බුතෙ ලොකනාථම්භි පදුමුත්තරනායකෙ,
පසන්නචිත්තො සුමනො සීහාසනමදාසහං.
පසන්නචිත්තො සුමනො සීහාසනමදාසහං.
2125. පහුතගන්ධමාලෙහි දිට්ඨධම්මෙ සුඛාවහෙ,
තත්ථ පූජං කරිත්වාන නිබ්බායති බහුජ්ජනො.
තත්ථ පූජං කරිත්වාන නිබ්බායති බහුජ්ජනො.
2126. පසන්නචිත්තො සුමනො වන්දිත්වා බොධිමුත්තමං,
කප්පානං සතසහස්සං දුග්ගතිං නූපපජ්ජහං.
කප්පානං සතසහස්සං දුග්ගතිං නූපපජ්ජහං.
2127. පණ්ණරසසහස්සම්හි කප්පානං අට්ඨ ආසු තෙ,
සිලුච්චය සනාමා ච රාජානො චක්කවත්තිනො.
සිලුච්චය සනාමා ච රාජානො චක්කවත්තිනො.
2128. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සීහාසනදායකො ථෙරො ඉමා ගාථායො අභාසිත්ථාති.
සීහාසනදායකත්ථෙරස්ස අපදානං පඤ්චමං.
176. මග්ගදත්තිකත්ථෙරාපදානං
2129. අනොමදස්සී භගවා දිපදින්දො නරාසභො,
දිට්ඨධම්මසුඛත්ථාය අබ්භොකාසම්හි චඞ්කමි.
දිට්ඨධම්මසුඛත්ථාය අබ්භොකාසම්හි චඞ්කමි.
2130. පසන්නචිත්තො සුමනො වන්දිත්වා පුප්ඵමොකිරිං,
උද්ධතෙ පාදෙ පුප්ඵානි සීසමුද්ධනි තිට්ඨරෙ.
උද්ධතෙ පාදෙ පුප්ඵානි සීසමුද්ධනි තිට්ඨරෙ.
2131. වීසකප්පසහස්සම්හි ඉතො පඤ්ච ජනා අහූ,
පුප්ඵච්ඡදනියා නාම චක්කවත්තී මහබ්බලා.
පුප්ඵච්ඡදනියා නාම චක්කවත්තී මහබ්බලා.
2132. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා මග්ගදත්තිකො ථෙරො ඉමා ගාථායො අභාසිත්ථාති.
මග්ගදත්තිකත්ථෙරස්ස අපදානං ඡට්ඨං.
177. එකදීපියත්ථෙරාපදානං
2133. පදුමුත්තරස්ස මුනිනො සලලෙ බොධිමුත්තමෙ,
පසන්නචිත්තො සුමනො එකදීපං අදාසහං.
පසන්නචිත්තො සුමනො එකදීපං අදාසහං.
2134. භවෙ නිබ්බත්තමානම්හි නිබ්බත්තෙ පුඤ්ඤසඤ්චයෙ,
දුග්ගතිං නාභිජානාමි දීපදානස්සිදං ඵලං.
දුග්ගතිං නාභිජානාමි දීපදානස්සිදං ඵලං.
2135. සොළසකප්පසහස්සෙ ඉතො තෙ චතුරො ජනා,
චන්දාභා නාම නාමෙන චක්කවත්තී මහබ්බලා.
චන්දාභා නාම නාමෙන චක්කවත්තී මහබ්බලා.
2136. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා එකදීපියො ථෙරො ඉමා ගාථායො අභාසිත්ථාති.
එකදීපියත්ථෙරස්ස අපදානං සත්තමං.
නවමං භාණවාරං.
178. මණිපූජකත්ථෙරාපදානං.
2137. ඔරෙන හිමවන්තස්ස නදිකා සම්පවත්තථ,
තස්සා චානුපඛෙත්තම්භි සයම්භූ වසතෙ තදා.
තස්සා චානුපඛෙත්තම්භි සයම්භූ වසතෙ තදා.
2138. මණිං පග්ගය්හ පල්ලඞ්කං සාධුචිත්තං මනොරමං,
පසන්නචිත්තො සුමනො බුද්ධස්ස අභිරොපයිං.
පසන්නචිත්තො සුමනො බුද්ධස්ස අභිරොපයිං.
2139. චතුනවුතෙ ඉතො කප්පෙ යං මණිං අභිරොපයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2140. ඉතො ච ද්වාදසෙ කප්පෙ සතරංසි සනාමකා,
අට්ඨ තෙ ආසුං රාජානො චක්කවත්තී මහබ්බලා.
අට්ඨ තෙ ආසුං රාජානො චක්කවත්තී මහබ්බලා.
2141. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා මණිපූජකො ථෙරො ඉමා ගාථායො අභාසිත්ථාති.
මණිපූජකත්ථෙරස්ස අපදානං අට්ඨමං.