159. පුන්නාගපුප්ඵියත්ථොරාපදානං.
2038. කානනං වනමොගය්හ වසාමි ලුද්දකො අහං,
පුන්නාගං පුප්ඵිතං දිස්වා බුද්ධසෙට්ඨං අනුස්සරිං.
පුන්නාගං පුප්ඵිතං දිස්වා බුද්ධසෙට්ඨං අනුස්සරිං.
2039. තං පුප්ඵං විචිනිත්වාන සුගන්ධං ගන්ධිතං සුභං,
ථූපං කරිත්වා පුලිනෙ බුද්ධස්ස අභිරොපයිං.
ථූපං කරිත්වා පුලිනෙ බුද්ධස්ස අභිරොපයිං.
2040. ද්වෙ නවුතෙ අතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2041. එකම්හි නවුතෙ කප්පෙ එකො ආසිං තමොනුදො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2042. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පුන්නාගපුප්ඵියො ථෙරො ඉමා ගාථායො අභාසිත්ථාති.
පුන්නාගපුප්ඵියත්ථෙරස්ස අපදානං නවමං.
160. කුමුදදායකත්ථෙරාපදානං
2043. හිමවන්තස්ස අවිදූරෙ මහාජාතස්සරො අහු,
පදුමුප්පලසඤ්ඡන්නො පුණ්ඩරීකසමොත්ථටො.
පදුමුප්පලසඤ්ඡන්නො පුණ්ඩරීකසමොත්ථටො.
2044. කුකුත්ථො නාම නාමෙන තත්ථාසිං සකුණො තදා,
සීලවා බුද්ධිසම්පන්නො පුඤ්ඤාපුඤ්ඤෙසු කොවිදො.
සීලවා බුද්ධිසම්පන්නො පුඤ්ඤාපුඤ්ඤෙසු කොවිදො.
2045. පදුමුත්තරො ලොකවිදූ ආහුතීනං පටිග්ගහො,
ජාතස්සරස්සාවිදූරෙ සඤ්චරිත්ථ මහාමුනි.
ජාතස්සරස්සාවිදූරෙ සඤ්චරිත්ථ මහාමුනි.
2046. ජලජං කුමුදං ඡෙත්වා උපනෙසිං මහෙසිනො,
මම සඞ්කප්පමඤ්ඤාය පටිග්ගහි මහාමුනි.
මම සඞ්කප්පමඤ්ඤාය පටිග්ගහි මහාමුනි.
2047. තඤ්ච දානං දදිත්වාහං සුක්කමූලෙන චොදිතො,
කප්පානං සතසහස්සං දුග්ගතිං නූපපජ්ජහං.
කප්පානං සතසහස්සං දුග්ගතිං නූපපජ්ජහං.
2048. සොළසෙතො කප්පසතෙ ආසුං වරුණනාමකා,
අට්ඨ එතෙ ජනාධිපා චක්කවත්තී මහබ්බලා.
අට්ඨ එතෙ ජනාධිපා චක්කවත්තී මහබ්බලා.
2049. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කුමුදදායකො ථෙරො ඉමා ගාථායො අභාසිත්ථාති.
කුමුදදායකත්ථෙරස්ස අපදානං දසමං.
උද්දානං:
බන්ධුජීවො තම්බපුප්ඵි වීථි කක්කාරුපුප්ඵියො
මන්දාරවො කදම්බී ච සූලකො නාගපුප්ඵියො
පුන්නාගො කොමුදී ගාථා ඡප්පඤ්ඤාස පකිත්තිතාති.
මන්දාරවො කදම්බී ච සූලකො නාගපුප්ඵියො
පුන්නාගො කොමුදී ගාථා ඡප්පඤ්ඤාස පකිත්තිතාති.
බන්ධුජීවකවග්ගො සොළසමො.
17. සුපාරිචරියවග්ගො
161. සුපාරිචරියත්ථෙරාපදානං.
2050. පදුමො නාම නාමෙන දිපදින්දො නරාසභො,
පවනා අභිනික්ඛම්ම ධම්මං දෙසෙසි චක්ඛුමා.
පවනා අභිනික්ඛම්ම ධම්මං දෙසෙසි චක්ඛුමා.
2051. යක්ඛානං සමයො ආසි අවිදූරෙ මහෙසිනො,
යෙන කිච්චෙන සම්පත්තා අජ්ඣාපෙක්ඛිංසු තාවදෙ.
යෙන කිච්චෙන සම්පත්තා අජ්ඣාපෙක්ඛිංසු තාවදෙ.
2052. බුද්ධස්ස ගිරමඤ්ඤාය අමතස්ස ච දෙසනං,
පසන්නචිත්තො සුමනො අප්ඵොඨෙත්වා උපට්ඨහිං.
පසන්නචිත්තො සුමනො අප්ඵොඨෙත්වා උපට්ඨහිං.
2053. සුචිණ්ණස්ස ඵලං පස්ස උපට්ඨානස්ස සත්ථුනො,
තිංසකප්පසහස්සෙසු දුග්ගතිං නුපපජ්ජහං.
තිංසකප්පසහස්සෙසු දුග්ගතිං නුපපජ්ජහං.
2054. ඌනතිංසෙ කප්පසතෙ සමලඞ්කතනාමකො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2055. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සුපාරිචරියො ථෙරො ඉමා ගාථායො අභාසිත්ථාති.
සුපාරිචරියත්ථෙරස්ස අපදානං පඨමං.
162. කණවෙරපුප්ඵියත්ථෙරාපදානං
2056. සිද්ධත්ථො නාම භගවා ලොකජෙට්ඨො නරාසභො,
පුරක්ඛතො සාවකෙහි නගරං පටිපජ්ජථ.
පුරක්ඛතො සාවකෙහි නගරං පටිපජ්ජථ.
2057. රඤ්ඤො අන්තෙපුරෙ ආසිං ගොපකො අභිසම්මතො,
පාසාදෙ උපවිට්ඨොහං අද්දසං ලොකනායකං.
පාසාදෙ උපවිට්ඨොහං අද්දසං ලොකනායකං.
2058. කණවෙරං ගහෙත්වාන භික්ඛුසංඝෙ සමොකිරිං,
බුද්ධස්ස විසුං කත්වාන තතො භිය්යො සමොකිරිං.
බුද්ධස්ස විසුං කත්වාන තතො භිය්යො සමොකිරිං.
2059. චතුනවුතෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි පුප්ඵපූජායිදං ඵලං.
දුග්ගතිං නාභිජානාමි පුප්ඵපූජායිදං ඵලං.
2060. සත්තාසීතිම්හිතො කප්පෙ චතුරො ආසුං මහිද්ධිකා,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
2061. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කණවෙරපුප්ඵියො ථෙරො ඉමා ගාථායො අභාසිත්ථාති.
කණවෙරපුප්ඵියත්ථෙරස්ස අපදානං දුතියං.