148. ඵලකදායකත්ථෙරාපදානං.
1977. යානකාරො පුරෙ ආසිං දාරුකම්මෙ සුසික්ඛිතො,
චන්දනං ඵලකං කත්වා අදාසිං ලොකබන්ධුනො.
චන්දනං ඵලකං කත්වා අදාසිං ලොකබන්ධුනො.
1978. පභාසති ඉදං ව්යම්හං සුවණ්ණස්ස සුනිම්මිතං,
හත්ථියානං අස්සයානං දිබ්බයානං උපට්ඨිතං.
හත්ථියානං අස්සයානං දිබ්බයානං උපට්ඨිතං.
1979. පාසාදා සිවිකා චෙව නිබ්බත්තන්ති යදිච්ඡකං,
අක්ඛොභං රතනං මය්හං ඵලකස්ස ඉදං ඵලං.
අක්ඛොභං රතනං මය්හං ඵලකස්ස ඉදං ඵලං.
1980. එකනවුතෙ ඉතො කප්පෙ ඵලකං යමහං දදිං,
දුග්ගතිං නාභිජානාමි ඵලකස්ස ඉදං ඵලං.
දුග්ගතිං නාභිජානාමි ඵලකස්ස ඉදං ඵලං.
1981. සත්තපඤ්ඤාසකප්පම්හි චතුරො නිම්මිතව්හයා,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
1982. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා ඵලකදායකො ථෙරො ඉමා ගාථායො අභාසිත්ථාති.
ඵලකදායකත්ථෙරස්ස අපදානං අට්ඨමං.
149. වටංසකියත්ථෙරාපදානං
1983. සුමෙධො නාම නාමෙන සයම්භූ අපරාජිතො,
විවෙකමනුබ්රූහන්තො අජ්ඣොගාහි මහාවනං.
විවෙකමනුබ්රූහන්තො අජ්ඣොගාහි මහාවනං.
1984. සලලං පුප්ඵිතං දිස්වා ගන්ථිත්වාන වටංසකං,
බුද්ධස්ස අභිරොපෙසිං සම්මුඛා ලොකනායකං.
බුද්ධස්ස අභිරොපෙසිං සම්මුඛා ලොකනායකං.
1985. තිංසකප්පසහස්සම්හි යං පුප්ඵමභිරොපයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
1986. ඌනවීසෙ කප්පසතෙ සොළසාසිංසු නිම්මිතා,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
1987. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා වටංසකියො ථෙරො ඉමා ගාථායො අභාසිත්ථාති.
වටංසකියත්ථෙරස්ස අපදානං නවමං.
150. පල්ලඞ්කදායකත්ථෙරාපදානං
1988. සුමෙධස්ස භගවතො ලොකජෙට්ඨස්ස තාදිනො,
පල්ලඞ්කො හි මයා දින්නො සඋත්තර සපච්ඡදො.
පල්ලඞ්කො හි මයා දින්නො සඋත්තර සපච්ඡදො.
1989. සත්තරතනසම්පන්නො පල්ලඞ්කො ආසි සො තදා,
මම සඞ්කප්පමඤ්ඤාය නිබ්බත්තති සදා මම.
මම සඞ්කප්පමඤ්ඤාය නිබ්බත්තති සදා මම.
1990. තිංසකප්පසහස්සම්හි පල්ලඞ්කමදදිං තදා,
දුග්ගතිං නාභිජානාමි පල්ලඞ්කස්ස ඉදං ඵලං.
දුග්ගතිං නාභිජානාමි පල්ලඞ්කස්ස ඉදං ඵලං.
1991. වීසකප්පසහස්සම්හි සුවණ්ණාභා තයො ජනා,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
1992. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා පල්ලඞ්කදායකො ථෙරො ඉමා ගාථායො අභාසිත්ථාති.
පල්ලඞ්කදායකත්ථෙරස්ස අපදානං දසමං.
උද්දානං:
ඡත්තං ථම්භො ච වෙදි ච පරිවාරුම්මපුප්ඵියො
අනුලෙපො මග්ගදායී ඵලකදායී වටංසකො
පල්ලඞ්කදායී ගාථායො ඡපඤ්ඤාස පකිත්තිතා.
අනුලෙපො මග්ගදායී ඵලකදායී වටංසකො
පල්ලඞ්කදායී ගාථායො ඡපඤ්ඤාස පකිත්තිතා.
ඡත්තවග්ගො පණ්ණරසමො.
16. බන්ධුජීවකවග්ගො
151. බන්ධුජීවකත්ථෙරාපදානං.
1993. චන්දංව විමලං සුද්ධං විප්පසන්නමනාවිලං,
නන්දීභවපරික්ඛීණං තිණ්ණං ලොකෙ විසත්තිකං.
නන්දීභවපරික්ඛීණං තිණ්ණං ලොකෙ විසත්තිකං.
1994. නිබ්බාපයන්තං ජනතං තිණ්ණං තාරයතං වරං,
වනස්මිං ඣායමානං තං එකග්ගං සුසමාහිතං.
වනස්මිං ඣායමානං තං එකග්ගං සුසමාහිතං.
1995. බන්ධුජීවකපුප්ඵානි ලග්ගෙත්වා සුත්තකෙනහං,
බුද්ධස්ස අභිරොපෙසිං සිඛිනො ලොකබන්ධුනො.
බුද්ධස්ස අභිරොපෙසිං සිඛිනො ලොකබන්ධුනො.
1996. එකතිංසෙ ඉතො කප්පෙ යං කම්මමකරිං තදා,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
1997. ඉතො සත්තමකෙ කප්පෙ මනුජින්දො බ්රහායසො,
සමන්තචක්ඛු නාමාසිං චක්කවත්තී මහබ්බලො.
සමන්තචක්ඛු නාමාසිං චක්කවත්තී මහබ්බලො.
1998. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා බන්ධුජීවකො ථෙරො ඉමා ගාථායො අභාසිත්ථාති.
බන්ධුජීවකත්ථෙරස්ස අපදානං පඨමං.