137. අත්ථසන්දස්සකෙත්ථරාපදානං.
1915. විසාලමාලෙ ආසීනො අද්දසං ලොකනායකං,
ඛීණාසවං බලප්පත්තං භික්ඛුසඞ්ඝපුරක්ඛතං.
ඛීණාසවං බලප්පත්තං භික්ඛුසඞ්ඝපුරක්ඛතං.
1916. සතසහස්සා තෙවිජ්ජා ඡළභිඤ්ඤා මහිද්ධිකා,
පරිවාරෙන්ති සම්බුද්ධං කො දිස්වා නප්පසීදති.
පරිවාරෙන්ති සම්බුද්ධං කො දිස්වා නප්පසීදති.
1917. ඤාණෙ උපනිධා යස්ස න විජ්ජති සදෙවකෙ,
අනන්තඤාණං සම්බුද්ධං කො දිස්වා නප්පසීදති.
අනන්තඤාණං සම්බුද්ධං කො දිස්වා නප්පසීදති.
1918. ධම්මකායඤ්ච දීපෙන්තං කෙවලං රතනාකරං,
විකොපෙතුං න සක්කොන්ති කො දිස්වා නප්පසීදති.
විකොපෙතුං න සක්කොන්ති කො දිස්වා නප්පසීදති.
1919. ඉමාහි තීහි ගාථාහි නාරදො සරගච්ඡියො,
පදුමුත්තරං ථවිත්වාන සම්බුද්ධං අපරාජිතං.
පදුමුත්තරං ථවිත්වාන සම්බුද්ධං අපරාජිතං.
1920. තෙන චිත්තප්පසාදෙන බුද්ධසන්ථවනෙන ච,
කප්පානං සතසහස්සං දුග්ගතිං නුපපජ්ජහං.
කප්පානං සතසහස්සං දුග්ගතිං නුපපජ්ජහං.
1921. ඉතො තිංසෙ කප්පසතෙ සුමිත්තො නාම ඛත්තියො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
1922. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා අත්ථසන්දස්සකො ථෙරො ඉමා ගාථායො අභාසිත්ථාති.
අත්ථසන්දස්සකත්ථෙරස්ස අපදානං සත්තමං.
138. එකපසාදනියත්ථෙරාපදානං.
1923. නාරදො ඉති මෙ නාමං කෙසවො ඉති මං විදූ,
කුසලාකුසලං එසං අගමං බුද්ධසන්තිකං.
කුසලාකුසලං එසං අගමං බුද්ධසන්තිකං.
1924. මෙත්තචිත්තො කාරුණිකො අත්ථදස්සී මහාමුනි,
අස්සාසයන්තො සත්තෙ සො ධම්මං දෙසෙති චක්ඛුමා.
අස්සාසයන්තො සත්තෙ සො ධම්මං දෙසෙති චක්ඛුමා.
1925. සකං චිත්තං පසාදෙත්වා සිරෙ කත්වාන අඤ්ජලිං,
සත්ථාරං අභිවාදෙත්වා පක්කාමිං පාචිනාමුඛො.
සත්ථාරං අභිවාදෙත්වා පක්කාමිං පාචිනාමුඛො.
1926. සත්තරසෙ කප්පසතෙ රාජා ආසිං මහීපති,
අමිත්තතාපනො නාම චක්කවත්තී මහබ්බලො.
අමිත්තතාපනො නාම චක්කවත්තී මහබ්බලො.
1927. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා එකපසාදනියො ථෙරො ඉමා ගාථායො අභාසිත්ථාති.
එකපසාදනියත්ථෙරස්ස අපදානං අට්ඨමං.
139. සාලපුප්ඵදායකත්ථෙරාපදානං
1928. මිගරාජා තදා ආසිං අභිජාතො සුකෙසරී,
ගිරිදුග්ගං ගවෙසන්තො අද්දසං ලොකනායකං.
ගිරිදුග්ගං ගවෙසන්තො අද්දසං ලොකනායකං.
1929. අයං නුඛො මහාවීරො නිබ්බාපෙති මහාජනං,
යන්නූනාහං උපාසෙය්යං දෙවදෙවං නරාසභං.
යන්නූනාහං උපාසෙය්යං දෙවදෙවං නරාසභං.
1930. සාඛං සාලස්ස භඤ්ජිත්වා සකොසං පුප්ඵමාහරිං,
උපාගන්ත්වාන සම්බුද්ධං අදාසිං පුප්ඵමුත්තමං.
උපාගන්ත්වාන සම්බුද්ධං අදාසිං පුප්ඵමුත්තමං.
1931. එකනවුතෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි පුප්ඵදානස්සිදං ඵලං.
දුග්ගතිං නාභිජානාමි පුප්ඵදානස්සිදං ඵලං.
1932. ඉතො ච නවමෙ කප්පෙ විරොචන සනාමකා,
තයො ආසිංසු රාජානො චක්කවත්තී මහබ්බලො.
තයො ආසිංසු රාජානො චක්කවත්තී මහබ්බලො.
1933. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා සාලපුප්ඵදායකො ථෙරො ඉමා ගාථායො අභාසිත්ථාති.
සාලපුප්ඵදායකත්ථෙරස්ස අපදානං නවමං.
140. පියාලඵලදායකත්ථෙරාපදානං.
1934. පාරාධකො තදා ආසිං පරපාණුපරොධකො,
පබ්භාරෙ සෙය්යං කප්පෙමි අවිදූරෙ සිඛිසත්ථුනො.
පබ්භාරෙ සෙය්යං කප්පෙමි අවිදූරෙ සිඛිසත්ථුනො.
1935. සායං පාතඤ්ච පස්සාමි බුද්ධං ලොකග්ගනායකං,
දෙය්යධම්මො ච මෙ නත්ථි දිපදින්දස්ස තාදිනො.
දෙය්යධම්මො ච මෙ නත්ථි දිපදින්දස්ස තාදිනො.
1936. පියාලඵලමාදාය අගමං බුද්ධසන්තිකං,
පටිග්ගහෙසි භගවා ලොකජෙට්ඨො නරාසභො.
පටිග්ගහෙසි භගවා ලොකජෙට්ඨො නරාසභො.
1937. තතො පරං උපාදාය පරිවාරං විනායකං,
තෙන චිත්තප්පසාදෙන තත්ථ කාලකතො අහං.
තෙන චිත්තප්පසාදෙන තත්ථ කාලකතො අහං.
1938. එකතිංසෙ ඉතො කප්පෙ යං ඵලං අදදිං අහං,
දුග්ගතිං නාභිජානාමි ඵලදානස්සිදං ඵලං.
දුග්ගතිං නාභිජානාමි ඵලදානස්සිදං ඵලං.
1939. ඉතො පණ්ණරසෙ කප්පෙ තයො ආසුං පියාලිනො,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
1940. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා පියාලඵලදායකො ථෙරො ඉමා ගාථායො අභාසිත්ථාති.
පියාලඵලදායකත්ථෙරස්ස අපදානං දසමං.
සොභිතවග්ගො චුද්දසමො.