122. පුප්ඵථූපියත්ථෙරාපදානං.
1776. හිමවන්තස්සාවිදූරෙ කුක්කුටො නාම පබ්බතො,
වෙමජ්ඣෙ තස්ස වසති බ්රාහ්මණො මන්තපාරගූ.
වෙමජ්ඣෙ තස්ස වසති බ්රාහ්මණො මන්තපාරගූ.
1777. පඤ්ච සිස්සසහස්සානි පරිවාරෙන්ති මං සදා,
පුබ්බුට්ඨායී ච තෙ ආසුං මන්තෙසු ච විසාරදා.
පුබ්බුට්ඨායී ච තෙ ආසුං මන්තෙසු ච විසාරදා.
1778. බුද්ධො ලොකෙ සමුප්පන්නො තං විජානාථ නො භවං,
අසීති ව්යඤ්ජනානස්ස බත්තිංස වරලක්ඛණා,
බ්යාමප්පභො ජිනවරො ආදිච්චොව විරොචති.
අසීති ව්යඤ්ජනානස්ස බත්තිංස වරලක්ඛණා,
බ්යාමප්පභො ජිනවරො ආදිච්චොව විරොචති.
1779. සිස්සානං වචනං සුත්වා බ්රාහ්මණො මන්තපාරගූ,
අස්සමා අභිනික්ඛම්ම දිසං පුච්ඡති සිස්සකෙ.
යම්හි දෙසෙ මහාවීරො වසතී ලොකනායකො.
අස්සමා අභිනික්ඛම්ම දිසං පුච්ඡති සිස්සකෙ.
යම්හි දෙසෙ මහාවීරො වසතී ලොකනායකො.
1780. තාහං දිසං නමස්සිස්සං ජිනං අප්පටිපුග්ගලං,
උදග්ගචිත්තො සුමනො පූජෙසිං තං තථාගතං.
උදග්ගචිත්තො සුමනො පූජෙසිං තං තථාගතං.
1781. එථ සිස්සා ගමිස්සාම දක්ඛිස්සාම තථාගතං,
වන්දිත්වා සත්ථුනො පාදෙ සොස්සාම ජිනසාසනං.
වන්දිත්වා සත්ථුනො පාදෙ සොස්සාම ජිනසාසනං.
1782. එකාහං අභිනික්ඛම්ම ව්යාධිං පටිලභිං අහං,
ව්යාධිනා පීළිතො සන්තො සාලං වෙසයිතුං ගමිං.
ව්යාධිනා පීළිතො සන්තො සාලං වෙසයිතුං ගමිං.
1783. සබ්බෙ සිස්සෙ සමානෙත්වා අපුච්ඡිං තෙ තථාගතං,
කීදිසං ලොකනාථස්ස ගුණං පරමබුද්ධිනො.
කීදිසං ලොකනාථස්ස ගුණං පරමබුද්ධිනො.
1784. තෙ මෙ පුට්ඨා ව්යාකරිංසු යථා දස්සාවිනො තථා,
සක්කච්චං බුද්ධසෙට්ඨං තං දස්සෙසුං මම සම්මුඛා.
සක්කච්චං බුද්ධසෙට්ඨං තං දස්සෙසුං මම සම්මුඛා.
1785. තෙසාහං වචනං සුත්වා සකං චිත්තං පසාදයිං,
පුප්ඵෙහි ථූපං කත්වාන තත්ථ කාලකතො අහං.
පුප්ඵෙහි ථූපං කත්වාන තත්ථ කාලකතො අහං.
1786. තෙ මෙ සරීරං ඣාපෙත්වා අගමුං බුද්ධසන්තිකෙ,
අඤ්ජලිං පග්ගහෙත්වාන සත්ථාරං අභිවාදයුං.
අඤ්ජලිං පග්ගහෙත්වාන සත්ථාරං අභිවාදයුං.
1787. පුප්ඵෙහි ථූපං කත්වාන සුගතස්ස මහෙසිනො,
කප්පානං සතසහස්සං දුග්ගතිං නූපපජ්ජහං.
කප්පානං සතසහස්සං දුග්ගතිං නූපපජ්ජහං.
1788. චත්තාරීසසහස්සම්භි කප්පෙ සොළස ඛත්තියා,
නාමෙන’ග්ගිසමා නාම චක්කවත්තී මහබ්බලා.
නාමෙන’ග්ගිසමා නාම චක්කවත්තී මහබ්බලා.
1789. වීසෙ කප්පසහස්සම්හි රාජානො චක්කවත්තිනො,
ඝතාසනසනාමා ච අට්ඨතිංස මහීපති.
ඝතාසනසනාමා ච අට්ඨතිංස මහීපති.
1790. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පුප්ඵථූපියො ථෙරො ඉමා ගාථායො අභාසිත්ථාති.
පුප්ඵථූපියත්ථෙරස්ස අපදානං දුතියං.
123. පායාසදායකත්ථෙරාපදානං.
1791. සුවණ්ණවණ්ණං සම්බුද්ධං බත්තිංසවරලක්ඛණං,
පවනා අභිනික්ඛන්තං භික්ඛුසංඝපුරක්ඛතං.
පවනා අභිනික්ඛන්තං භික්ඛුසංඝපුරක්ඛතං.
1792. මහච්චා කංසපාතියා වඩ්ඪෙත්වා පායාසං අහං,
ආහුතිං යිට්ඨුකාමො සො උපනෙසිං බලිං අහං.
ආහුතිං යිට්ඨුකාමො සො උපනෙසිං බලිං අහං.
1793. භගවා තම්හි සමයෙ ලොකජෙට්ඨො නරාසභො,
චඞ්කමං සුසමාරූළ්හො අම්බරෙ අනිලායනෙ.
චඞ්කමං සුසමාරූළ්හො අම්බරෙ අනිලායනෙ.
1794. තං ච අච්ඡරියං දිස්වා අබ්භුතං ලොමහංසනං,
ඨපයිත්වා කංසපාතිං විපස්සිං අභිවාදයිං.
ඨපයිත්වා කංසපාතිං විපස්සිං අභිවාදයිං.
1795. තුවං දෙවො’සි සබ්බඤ්ඤූ සදෙවෙ සහමානුසෙ,
අනුකම්පං උපාදාය පටිගණ්හ මහාමුනි.
අනුකම්පං උපාදාය පටිගණ්හ මහාමුනි.
1796. පටිග්ගහෙසි භගවා සබ්බඤ්ඤූ ලොකනායකො,
මම සඞ්කප්පමඤ්ඤාය සත්ථා ලොකෙ මහාමුනි.
මම සඞ්කප්පමඤ්ඤාය සත්ථා ලොකෙ මහාමුනි.