109. බිළාලිදායකත්ථෙරාපදානං.
1663. හිමවන්තස්ස අවිදූරෙ වසාමි පණ්ණසන්ථරෙ,
ඝාසෙසු ගෙධමාපන්නො සෙය්යසීලො චහං තදා.
ඝාසෙසු ගෙධමාපන්නො සෙය්යසීලො චහං තදා.
1664. ඛණන්තාලු කලම්බානි බිළාලී තක්කලානි ච,
කොලං භල්ලාතකං බිල්ලං ආහිත්වා පටියාදිතං.
කොලං භල්ලාතකං බිල්ලං ආහිත්වා පටියාදිතං.
1665. පදුමුත්තරො ලොකවිදූ ආහුතීනං පටිග්ගහො,
මම සඞ්කප්පමඤ්ඤාය ආගච්ඡි මම සන්තිකං.
මම සඞ්කප්පමඤ්ඤාය ආගච්ඡි මම සන්තිකං.
1666. උපාගතං මහානාගං දෙවදෙවං නරාසභං,
බිළාලිං පග්ගහෙත්වාන පත්තම්හි ඔකිරිං අහං.
බිළාලිං පග්ගහෙත්වාන පත්තම්හි ඔකිරිං අහං.
1667. පරිභුඤ්ජි මහාවීරො තොසයනෙතතා මමං තදා,
පරිභුඤ්ජිත්වාන සබ්බඤ්ඤූ ඉමං ගාථං අභාසථ.
පරිභුඤ්ජිත්වාන සබ්බඤ්ඤූ ඉමං ගාථං අභාසථ.
1668. “සකං චිත්තං පසාදෙත්වා බිළාලිං මෙ අදා තුවං,
කප්පානං සතසහස්සං දුග්ගතිං නූපගච්ඡසි.”
කප්පානං සතසහස්සං දුග්ගතිං නූපගච්ඡසි.”
1669. චතුපඤ්ඤාසිතො කප්පෙ සුමෙඛලිය සව්හයො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
1670. චරිමං වත්තතෙ මය්හං භවා සබ්බෙ සමූහතා,
ධාරෙමි අන්තිමං දෙහං සම්මාසම්බුද්ධසාසනෙ.
ධාරෙමි අන්තිමං දෙහං සම්මාසම්බුද්ධසාසනෙ.
1671. පටිසම්භිදා චතස්සො ච විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා බිළාලිදායකො ථෙරො ඉමා ගාථායො අභාසිත්ථාති.
බිළාලිදායකත්ථෙරස්ස අපදානං නවමං.
110. රෙණුපූජකත්ථෙරාපදානං.
1672. සුවණ්ණවණ්ණං සම්බුද්ධං සතරංසිං’ව භානුමං,
ඔභාසෙන්තං දිසා සබ්බා උළුරාජං’ව පූරිතං.
ඔභාසෙන්තං දිසා සබ්බා උළුරාජං’ව පූරිතං.
1673. පුරක්ඛතං සාවකෙහි සාගරෙහෙ’ව මෙදිනිං,
නාගං පග්ගය්හ රෙණූහි විපස්සිස්සාභිරොපයිං.
නාගං පග්ගය්හ රෙණූහි විපස්සිස්සාභිරොපයිං.
1674. එකනවුතෙ ඉතො කප්පෙ යං රෙණුමභිරොපයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
1675. පණ්ණතාළීසිතො කප්පෙ රෙණු නාමාසි ඛත්තියො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
1676. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා රෙණුපූජකො ථෙරො ඉමා ගාථායො අභාසිත්ථාති.
රෙණුපූජකත්ථෙරස්ස අපදානං දසමං.
උද්දානං:
භික්ඛාදායී ඤාණසඤ්ඤී හත්ථියො පදපූජකො,
මුට්ඨිපුප්ඵි උදකදො නළමාලී උපට්ඨකො
බිළාලිදායී රෙණු ච ගාථායො ඡ ච සට්ඨි ච.
මුට්ඨිපුප්ඵි උදකදො නළමාලී උපට්ඨකො
බිළාලිදායී රෙණු ච ගාථායො ඡ ච සට්ඨි ච.
භික්ඛාදායීවග්ගො එකාදසමො.
12. මහාපරිවාරවග්ගො
111. මහාපරිවාරත්ථෙරාපදානං.
1677. විපස්සී නාම භගවා ලොකජෙට්ඨො නරාසභො,
අට්ඨසට්ඨිසහස්සෙහි පාවිසී බන්ධුමං තදා.
අට්ඨසට්ඨිසහස්සෙහි පාවිසී බන්ධුමං තදා.
1678. නගරා අභිනික්ඛම්ම අගමං දීපචෙතියං,
අද්දසං විරජං බුද්ධං ආහුතීනං පටිග්ගහං.
අද්දසං විරජං බුද්ධං ආහුතීනං පටිග්ගහං.
1679. චුල්ලාසීතිසහස්සානි යක්ඛා මය්හං උපන්තිකෙ,
උපට්ඨහන්ති සක්කච්චං ඉන්දං’ව තිදසා ගණා.
උපට්ඨහන්ති සක්කච්චං ඉන්දං’ව තිදසා ගණා.
1680. භවනා අභිනික්ඛම්ම දුස්සං පග්ගය්හ’හං තදා,
සිරසා අභිවාදෙසිං තං වාදාසිං මහෙසිනො.
සිරසා අභිවාදෙසිං තං වාදාසිං මහෙසිනො.
1681. “අහො බුද්ධො අහො ධම්මො අහො නො සත්ථුසම්පදා
බුද්ධස්ස ආනුභාවෙන වසුධා’යං පකම්පථ.
බුද්ධස්ස ආනුභාවෙන වසුධා’යං පකම්පථ.
1682. තං ච අච්ඡරියං දිස්වා අබ්භුතං ලොමහංසනං,
බුද්ධෙ චිත්තං පසාදෙසිං දිපදින්දම්හි තාදිනෙ.
බුද්ධෙ චිත්තං පසාදෙසිං දිපදින්දම්හි තාදිනෙ.
1683. සොහං චිත්තං පසාදෙත්වා දුස්සං දත්වාන සත්ථුනො,
සරණඤ්ච උපාගඤ්ඡිං සාමච්චො සපරිජ්ජනො.
සරණඤ්ච උපාගඤ්ඡිං සාමච්චො සපරිජ්ජනො.
1684. එකනවුතෙ ඉතො කප්පෙ යං කම්මමකරිං තදා,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
1685. ඉතො පණ්ණරසෙ කප්පෙ සොළසා’සුං සුවාහනා,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
1686. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා මහාපරිවාරො ථෙරො ඉමා ගාථායො අභාසිත්ථාති.
මහාපරිවාරත්ථෙරස්ස අපදානං පඨමං.