102. ඤාණසඤ්ඤකත්ථෙරාපදානං.
1617. සුවණ්ණවණ්ණං සම්බුද්ධං නිසභාජානියං යථා,
තිධා පභින්නමාතඞ්ගං කුඤ්ජරං’ව මහෙසිනං.
තිධා පභින්නමාතඞ්ගං කුඤ්ජරං’ව මහෙසිනං.
1618. ඔභාසන්තං දිසා සබ්බා උළුරාජං’ව පූරිතං,
රථියං පටිපජ්ජන්තං ලොකජෙට්ඨං අපස්සිසං.
රථියං පටිපජ්ජන්තං ලොකජෙට්ඨං අපස්සිසං.
1619. ඤාණෙ චිත්තං පසාදෙත්වා පග්ගහෙත්වාන අඤ්ජලිං,
පසන්නචිත්තො සුමනො සිද්ධත්ථං අභිවාදයිං.
පසන්නචිත්තො සුමනො සිද්ධත්ථං අභිවාදයිං.
1620. චතුනවුතෙ ඉතො කප්පෙ යං කම්මමකරිං තදා,
දුග්ගතිං නාභිජානාමි ඤාණසඤ්ඤායිදං ඵලං.
දුග්ගතිං නාභිජානාමි ඤාණසඤ්ඤායිදං ඵලං.
1621. තෙසත්තතිම්හි’තො කප්පෙ සොළසා’සුං නරුත්තමා,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
1622. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා ඤාණසඤ්ඤකො ථෙරො ඉමා ගාථායො අභාසිත්ථාති.
ඤාණසඤ්ඤකත්ථෙරස්ස අපදානං දුතියං.
103. උප්පලහත්ථියත්ථෙරාපදානං
1623. තිවරායං නිවාසී’හං අහොසිං මාලිකො තදා,
අද්දසං විරජං බුද්ධං සිද්ධත්ථං ලොකනායකං.
අද්දසං විරජං බුද්ධං සිද්ධත්ථං ලොකනායකං.
1624. පසන්නචිත්තො සුමනො පුප්ඵහත්ථමදාසහං,
යත්ථ යත්ථුපපජ්ජාමි තස්ස කම්මස්ස වාහසා.
යත්ථ යත්ථුපපජ්ජාමි තස්ස කම්මස්ස වාහසා.
1625. අනුභොමි ඵලං ඉට්ඨං පුබ්බෙ සුකතමත්තනො,
පරික්ඛිත්තො සුමල්ලෙහි පුප්ඵදානස්සිදං ඵලං.
පරික්ඛිත්තො සුමල්ලෙහි පුප්ඵදානස්සිදං ඵලං.
1626. චතුනවුතෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
1627. චතුනවුතුපාදාය ඨපෙත්වා වත්තමානකං,
පඤ්චරාජසතා තත්ථ නජ්ජූපම සනාමකා.
පඤ්චරාජසතා තත්ථ නජ්ජූපම සනාමකා.
1628. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා උප්පලහත්ථියො ථෙරො ඉමා ගාථායො අභාසිත්ථාති.
උප්පලහත්ථියත්ථෙරස්ස අපදානං තතියං.
104. පදපූජකත්ථෙරාපදානං
1629. සිද්ධත්ථස්ස භගවතො ජාතිපුප්ඵමදාසහං,
පාදෙසු සත්තපුප්ඵානි හාසෙනොකිරිතානි මෙ.
පාදෙසු සත්තපුප්ඵානි හාසෙනොකිරිතානි මෙ.
1630. තෙන කම්මෙන’හං අජ්ජ අතිභොමි නරාමරෙ,
ධාරෙමි අන්තිමං දෙහං සම්මාසම්බුද්ධසාසනෙ.
ධාරෙමි අන්තිමං දෙහං සම්මාසම්බුද්ධසාසනෙ.
1631. චතුනවුතෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි පුප්ඵපූජායිදං ඵලං.
දුග්ගතිං නාභිජානාමි පුප්ඵපූජායිදං ඵලං.
1632. සමන්තගන්ධනාමාසුං තෙරස චක්කවත්තිනො,
ඉතො පඤ්චමකෙ කප්පෙ චාතුරන්තා ජනාධිපා.
ඉතො පඤ්චමකෙ කප්පෙ චාතුරන්තා ජනාධිපා.
1633. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා පදපූජකො ථෙරො ඉමා ගාථායො අභාසිත්ථාති.
පදපූජකත්ථෙරස්ස අපදානං චතුත්ථං.
105. මුට්ඨිපුප්ඵියත්ථෙරාපදානං.
1634. සුදස්සනොති නාමෙන මාලාකාරො අහං තදා,
අද්දසං විරජං බුද්ධං ලොකජෙට්ඨං නරාසභං.
අද්දසං විරජං බුද්ධං ලොකජෙට්ඨං නරාසභං.
1635. ජාතිපුප්ඵං ගහෙවොන පූජයිං පදුමුත්තරං,
විසුද්ධචක්ඛු සුමනො දිබ්බචක්ඛුං සමජ්ඣගං.
විසුද්ධචක්ඛු සුමනො දිබ්බචක්ඛුං සමජ්ඣගං.
1636. එතිස්සා පුප්ඵපූජාය චිත්තස්ස පණිධීහි ච,
කප්පානං සතසහස්සං දුග්ගතිං නූපපජ්ජහං.
කප්පානං සතසහස්සං දුග්ගතිං නූපපජ්ජහං.
1637. සොළසාසිංසු රාජානො දෙවුත්තරසනාමකා,
ඡත්තිංසම්හි ඉතො කප්පෙ චක්කවත්තී මහබ්බලා.
ඡත්තිංසම්හි ඉතො කප්පෙ චක්කවත්තී මහබ්බලා.
1638. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා මුට්ඨිපුප්ඵියො ථෙරො ඉමා ගාථායො අභාසිත්ථාති.
මුට්ඨිපුප්ඵියත්ථෙරස්ස අපදානං පඤ්චමං.