9. ඛදිරවනියරෙවතත්ථෙරාපදානං
637. ගඞ්ගා භාගීරථී නාම හිමවන්තා පභාවිතා,
කුතිත්ථෙ නාවිකො ආසිං ඔරිමෙ ච තරිං අහං.
කුතිත්ථෙ නාවිකො ආසිං ඔරිමෙ ච තරිං අහං.
638. පුබ්බෙ මය්හං සුතං ආසි පදුමුත්තරනායකො,
වසීසතසහස්සෙහි ගඞ්ගාසොතං තරිස්සති.
වසීසතසහස්සෙහි ගඞ්ගාසොතං තරිස්සති.
639. බහූ නාවා සමානෙත්වා වඩ්ඪකීහි සුසඞ්ඛතං,
නාවාය ඡදනං කත්වා පතිමානිං නරාසභං.
නාවාය ඡදනං කත්වා පතිමානිං නරාසභං.
640. ආගන්ත්වාන ච සම්බුද්ධො ආරුහි තඤ්ච නාවුකං,
වාරිමජ්ඣෙ ඨිතො සත්ථා ඉමා ගාථා අභාසථ:
වාරිමජ්ඣෙ ඨිතො සත්ථා ඉමා ගාථා අභාසථ:
641. “යො සො තාරෙසි සම්බුද්ධං සඞ්ඝඤ්චාපි අනාසවං,
තෙන චිත්තප්පසාදෙන දෙවලොකෙ රමිස්සති.
තෙන චිත්තප්පසාදෙන දෙවලොකෙ රමිස්සති.
642. නිබ්බත්තිස්සති තෙ ව්යම්භං සුකතං නාවසණ්ඨිතං,
ආකාසෙ පුප්ඵඡදනං ධාරයිස්සති සබ්බදා.
ආකාසෙ පුප්ඵඡදනං ධාරයිස්සති සබ්බදා.
643. අට්ඨපඤ්ඤාසකප්පම්හි තාරකො නාම ඛත්තියො,
චාතුරන්තො විජිතාවී චක්කවත්තී භවිස්සති.
චාතුරන්තො විජිතාවී චක්කවත්තී භවිස්සති.
644. සත්තපඤ්ඤාසකප්පම්හි චම්පකො නාම ඛත්තියො,
උග්ගච්ඡන්තොව සුරියො ජොතිස්සති මහබ්බලො.
උග්ගච්ඡන්තොව සුරියො ජොතිස්සති මහබ්බලො.
645. කප්පසතසහස්සම්හි ඔක්කාකකුලසම්භවො,
ගොතමො නාම ගොත්තෙන සත්ථා ලොකෙ භවිස්සති.
ගොතමො නාම ගොත්තෙන සත්ථා ලොකෙ භවිස්සති.
646. තිදසා සො චවිත්වාන මනුස්සත්තං ගමිස්සති,
රෙවතො නාම නාමෙන බ්රහ්මබන්ධු භවිස්සති.
රෙවතො නාම නාමෙන බ්රහ්මබන්ධු භවිස්සති.
647. අගාරා නික්ඛමිත්වාන සුක්කමූලෙන චොදිතො,
ගොතමස්ස භගවතො සාසනෙ පබ්බජිස්සති.
ගොතමස්ස භගවතො සාසනෙ පබ්බජිස්සති.
648. සො පච්ඡා පබ්බජිත්වාන යුත්තයොගො විපස්සකො,
සබ්බාසවෙ පරිඤ්ඤාය නිබ්බායිස්සත’නාසවො.”
සබ්බාසවෙ පරිඤ්ඤාය නිබ්බායිස්සත’නාසවො.”
649. විරියං මෙ ධුරධොරය්හං යොගක්ඛෙමාධිවාහනං,
ධාරෙමි අන්තිමං දෙහං සම්මාසම්බුද්ධසාසනෙ.
ධාරෙමි අන්තිමං දෙහං සම්මාසම්බුද්ධසාසනෙ.
650. සතසහස්සෙ කතං කම්මං ඵලං දස්සෙසි මෙ ඉධ,
සුමුත්තො සරවෙගො’ව කිලෙසෙ ඣාපයී මම.
සුමුත්තො සරවෙගො’ව කිලෙසෙ ඣාපයී මම.
651. තතො මං වන නිරතං දිස්වා ලොකන්තගූ මුනි,
වනවාසීභික්ඛූනග්ගං පඤ්ඤපෙසි මහාමති.
වනවාසීභික්ඛූනග්ගං පඤ්ඤපෙසි මහාමති.
652. පටිසම්භිදා චතස්සො ච විමොක්ඛා’පි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ඛදිරවනියො රෙවතො ථෙරො ඉමා ගාථායො අභාසිත්ථාති.
ඛදිරවනියරෙවතත්ථෙරස්ස අපදානං නවමං.
10. ආනන්දත්ථරාපදානං
653. ආරාමද්වාරා නික්ඛම්ම පදුමුත්තරො මහාමුනි,
වස්සෙන්තො අමතං වුට්ඨිං නිබ්බාපෙසි මහාජනං.
වස්සෙන්තො අමතං වුට්ඨිං නිබ්බාපෙසි මහාජනං.
654. සතසහස්සා තෙ වීරා ඡළභිඤ්ඤා මහිද්ධිකා,
පරිවාරෙන්ති සම්බුද්ධං ඡායාව අනපායිනී.
පරිවාරෙන්ති සම්බුද්ධං ඡායාව අනපායිනී.
655. හත්ථික්ඛන්ධගතො ආසිං සෙතච්ඡත්තං වරුත්තමං,
සුචාරුරූපං දිස්වාන විත්ති මෙ උපපජ්ජථ.
සුචාරුරූපං දිස්වාන විත්ති මෙ උපපජ්ජථ.
656. ඔරුය්හ හත්ථික්ඛන්ධම්හා උපගච්ඡිං නරාසභං,
රතනාමයඡත්තං මෙ බුද්ධසෙට්ඨස්ස ධාරයිං.
රතනාමයඡත්තං මෙ බුද්ධසෙට්ඨස්ස ධාරයිං.
657. මම සඞ්කප්පමඤ්ඤාය පදුමුත්තරො මහාඉසි,
තං කථං ඨපයිත්වාන ඉමා ගාථා අභාසථ:
තං කථං ඨපයිත්වාන ඉමා ගාථා අභාසථ:
658. “යො සො ඡත්තං අධාරෙසි සොණ්ණාලඞ්කාරභූසිතං,
තමහං කිත්තයිස්සාමි සුණාථ මම භාසතො.
තමහං කිත්තයිස්සාමි සුණාථ මම භාසතො.
659. ඉතො ගන්ත්වා අයං පොසො තුසිතං ආවසිස්සති,
අනුභොස්සති සම්පත්තිං අච්ඡරාහි පුරක්ඛතො.
අනුභොස්සති සම්පත්තිං අච්ඡරාහි පුරක්ඛතො.
660. චතුත්තිංසතික්ඛත්තුඤ්ච දෙවරජ්ජං කරිස්සති,
බලාධිපො අට්ඨසතං වසුධං ආවසිස්සති.
බලාධිපො අට්ඨසතං වසුධං ආවසිස්සති.
661. අට්ඨපඤ්ඤාසක්ඛත්තුඤ්ච චක්කවත්තී භවිස්සති,
පදෙසරජ්ජං විපුලං මහියා කාරයිස්සති.
පදෙසරජ්ජං විපුලං මහියා කාරයිස්සති.
662. කප්පසතසහස්සම්හි ඔක්කාකකුලසම්භවො,
ගොතමො නාම ගොත්තෙන සත්ථා ලෙකෙ භවිස්සති.
ගොතමො නාම ගොත්තෙන සත්ථා ලෙකෙ භවිස්සති.
663. සක්යානං කුලකෙතුස්ස ඤාතිබන්ධු භවිස්සති,
ආනන්දො නාම නාමෙන උපට්ඨාකො මහෙසිනො.
ආනන්දො නාම නාමෙන උපට්ඨාකො මහෙසිනො.
664. ආතාපී නිපකො චාපි බාහුසච්චෙසු කොවිදො,
නිවාතවුත්තී අත්ථද්ධො සබ්බපාඨි භවිස්සති.
නිවාතවුත්තී අත්ථද්ධො සබ්බපාඨි භවිස්සති.
665. පධානපහිතත්තො සො උපසන්තො නිරූපධි,
සබ්බාසවෙ පරිඤ්ඤාය නිබ්බායිස්සත’නාසවො”.
සබ්බාසවෙ පරිඤ්ඤාය නිබ්බායිස්සත’නාසවො”.
666. සන්ති ආරඤ්ඤකා නාගා කුඤ්ජරා සට්ඨිහායනා,
තිධා පභින්නමාතඞ්ගා ඊසාදන්තා උරූළ්හවා.
තිධා පභින්නමාතඞ්ගා ඊසාදන්තා උරූළ්හවා.
667. අනෙකසතසහස්සා පණ්ඩිතාපි මහිද්ධිකා,
සබ්බෙ තෙ බුද්ධනාගස්ස න හොන්තු’පනිධිම්හි තෙ.
සබ්බෙ තෙ බුද්ධනාගස්ස න හොන්තු’පනිධිම්හි තෙ.