8. පිණ්ඩොලභාරද්වාජත්ථෙරාපදානං.
620. පදුමුත්තරො නාම ජිනො සයම්භූ අග්ගපුග්ගලො,
පුරතො හිමවන්තස්ස චිත්තකූටෙ වසී තදා.
පුරතො හිමවන්තස්ස චිත්තකූටෙ වසී තදා.
621. අභීතරූපො තත්ථා’සිං මිගරාජා චතුක්කමො,
යස්ස සද්දං සුණිත්වාන වික්ඛම්භන්ති බහුජ්ජනා.
යස්ස සද්දං සුණිත්වාන වික්ඛම්භන්ති බහුජ්ජනා.
622. සුඵුල්ලං පදුමං ගය්හ උපගඤ්ඡිං නරාසභං,
වුට්ඨිතස්ස සමාධිම්හා බුද්ධස්ස අභිරොපයිං.
වුට්ඨිතස්ස සමාධිම්හා බුද්ධස්ස අභිරොපයිං.
623. චතුද්දිසා නමස්සිත්වා බුද්ධසෙට්ඨං නරුත්තමං,
සකං චිත්තං පසාදෙත්වා සීහනාදං නදිං අහං.
සකං චිත්තං පසාදෙත්වා සීහනාදං නදිං අහං.
624. පදුමුත්තරො ලොකවිදූ ආහුතීනං පටිග්ගහො,
සකාසනෙ නිසීදිත්වා ඉමා ගාථා අභාසථ.
සකාසනෙ නිසීදිත්වා ඉමා ගාථා අභාසථ.
625. බුද්ධස්ස ගිරමඤ්ඤාය සබ්බෙ දෙවා සමාගතා,
ආගතො වදතං සෙට්ඨො ධම්මං සොස්සාම තං මයං.
ආගතො වදතං සෙට්ඨො ධම්මං සොස්සාම තං මයං.
626. තෙසං හාසපරෙතානං පුරතො ලොකනායකො,
මම සද්ධං පකිත්තෙසි දීඝදස්සී මහාමුනී.
මම සද්ධං පකිත්තෙසි දීඝදස්සී මහාමුනී.
627. “යෙනි’දං පදුමං දින්නං සීහනාදො ච නාදිතො,
තමහං කිත්තයිස්සාමි සුණාථ මම භාසතො.
තමහං කිත්තයිස්සාමි සුණාථ මම භාසතො.
628. ඉතො අට්ඨමකෙ කප්පෙ චක්කවත්තී භවිස්සතී,
සත්තරතනසම්පන්නො චතුදීපම්හි ඉස්සරො,
සත්තරතනසම්පන්නො චතුදීපම්හි ඉස්සරො,
629. කාරයිස්සති ඉස්සරියං මහියා චතුසට්ඨියා,
පදුමො නාම නාමෙන චක්කවත්තී මහබ්බලො.
පදුමො නාම නාමෙන චක්කවත්තී මහබ්බලො.
630. කප්පසතසහස්සම්හි ඔක්කාකකුලසම්භවො,
ගොතමොනාම ගොත්තෙන සත්ථා ලොකෙ භවිස්සති.
ගොතමොනාම ගොත්තෙන සත්ථා ලොකෙ භවිස්සති.
631. පකාසිතෙ පාවචනෙ බ්රහ්මබන්ධු භවිස්සති,
බ්රහ්මඤ්ඤා අභිනික්ඛම්ම පබ්බජිස්සති තාවදෙ.
බ්රහ්මඤ්ඤා අභිනික්ඛම්ම පබ්බජිස්සති තාවදෙ.
632. පධානපහිතත්තො සො උපසන්තො නිරූපධි,
සබ්බාසවෙ පරිඤ්ඤාය නිබ්බායිස්සත’නාසවො.
සබ්බාසවෙ පරිඤ්ඤාය නිබ්බායිස්සත’නාසවො.
633. විපිනෙ පන්තසෙය්යම්හි වාළමිගසමාකුලෙ,
සබ්බාසවෙ පරිඤ්ඤාය නිබ්බායිස්සත’නාසවො.”
සබ්බාසවෙ පරිඤ්ඤාය නිබ්බායිස්සත’නාසවො.”
634-636. කිලෙසා ඣාපිතා -පෙ- කතං බුද්ධස්ස සාසනං.
ඉත්ථං සුදං ආයස්මා පිණ්ඩොලභාරද්වාජො ථෙරො ඉමා ගාථායො අභාසිත්ථාති.
පිණ්ඩොලභාරද්වාජත්ථෙරස්ස අපදානං අට්ඨමං.
9. ඛදිරවනියරෙවතත්ථෙරාපදානං
637. ගඞ්ගා භාගීරථී නාම හිමවන්තා පභාවිතා,
කුතිත්ථෙ නාවිකො ආසිං ඔරිමෙ ච තරිං අහං.
කුතිත්ථෙ නාවිකො ආසිං ඔරිමෙ ච තරිං අහං.
638. පුබ්බෙ මය්හං සුතං ආසි පදුමුත්තරනායකො,
වසීසතසහස්සෙහි ගඞ්ගාසොතං තරිස්සති.
වසීසතසහස්සෙහි ගඞ්ගාසොතං තරිස්සති.
639. බහූ නාවා සමානෙත්වා වඩ්ඪකීහි සුසඞ්ඛතං,
නාවාය ඡදනං කත්වා පතිමානිං නරාසභං.
නාවාය ඡදනං කත්වා පතිමානිං නරාසභං.
640. ආගන්ත්වාන ච සම්බුද්ධො ආරුහි තඤ්ච නාවුකං,
වාරිමජ්ඣෙ ඨිතො සත්ථා ඉමා ගාථා අභාසථ:
වාරිමජ්ඣෙ ඨිතො සත්ථා ඉමා ගාථා අභාසථ:
641. “යො සො තාරෙසි සම්බුද්ධං සඞ්ඝඤ්චාපි අනාසවං,
තෙන චිත්තප්පසාදෙන දෙවලොකෙ රමිස්සති.
තෙන චිත්තප්පසාදෙන දෙවලොකෙ රමිස්සති.
642. නිබ්බත්තිස්සති තෙ ව්යම්භං සුකතං නාවසණ්ඨිතං,
ආකාසෙ පුප්ඵඡදනං ධාරයිස්සති සබ්බදා.
ආකාසෙ පුප්ඵඡදනං ධාරයිස්සති සබ්බදා.
643. අට්ඨපඤ්ඤාසකප්පම්හි තාරකො නාම ඛත්තියො,
චාතුරන්තො විජිතාවී චක්කවත්තී භවිස්සති.
චාතුරන්තො විජිතාවී චක්කවත්තී භවිස්සති.
644. සත්තපඤ්ඤාසකප්පම්හි චම්පකො නාම ඛත්තියො,
උග්ගච්ඡන්තොව සුරියො ජොතිස්සති මහබ්බලො.
උග්ගච්ඡන්තොව සුරියො ජොතිස්සති මහබ්බලො.
645. කප්පසතසහස්සම්හි ඔක්කාකකුලසම්භවො,
ගොතමො නාම ගොත්තෙන සත්ථා ලොකෙ භවිස්සති.
ගොතමො නාම ගොත්තෙන සත්ථා ලොකෙ භවිස්සති.
646. තිදසා සො චවිත්වාන මනුස්සත්තං ගමිස්සති,
රෙවතො නාම නාමෙන බ්රහ්මබන්ධු භවිස්සති.
රෙවතො නාම නාමෙන බ්රහ්මබන්ධු භවිස්සති.
647. අගාරා නික්ඛමිත්වාන සුක්කමූලෙන චොදිතො,
ගොතමස්ස භගවතො සාසනෙ පබ්බජිස්සති.
ගොතමස්ස භගවතො සාසනෙ පබ්බජිස්සති.
648. සො පච්ඡා පබ්බජිත්වාන යුත්තයොගො විපස්සකො,
සබ්බාසවෙ පරිඤ්ඤාය නිබ්බායිස්සත’නාසවො.”
සබ්බාසවෙ පරිඤ්ඤාය නිබ්බායිස්සත’නාසවො.”
649. විරියං මෙ ධුරධොරය්හං යොගක්ඛෙමාධිවාහනං,
ධාරෙමි අන්තිමං දෙහං සම්මාසම්බුද්ධසාසනෙ.
ධාරෙමි අන්තිමං දෙහං සම්මාසම්බුද්ධසාසනෙ.
650. සතසහස්සෙ කතං කම්මං ඵලං දස්සෙසි මෙ ඉධ,
සුමුත්තො සරවෙගො’ව කිලෙසෙ ඣාපයී මම.
සුමුත්තො සරවෙගො’ව කිලෙසෙ ඣාපයී මම.
651. තතො මං වන නිරතං දිස්වා ලොකන්තගූ මුනි,
වනවාසීභික්ඛූනග්ගං පඤ්ඤපෙසි මහාමති.
වනවාසීභික්ඛූනග්ගං පඤ්ඤපෙසි මහාමති.
652. පටිසම්භිදා චතස්සො ච විමොක්ඛා’පි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ඛදිරවනියො රෙවතො ථෙරො ඉමා ගාථායො අභාසිත්ථාති.
ඛදිරවනියරෙවතත්ථෙරස්ස අපදානං නවමං.