අනන්තරායිකධම්මකථා
සබ්බබුද්ධානං චත්තාරො අනන්තරායිකා ධම්මා. කතමෙ චත්තාරො? බුද්ධානං උද්දිස්ස අභිහටානං චතුන්නං පච්චයානං න සක්කා කෙනචි අන්තරායො කාතුං. බුද්ධානං ආයුනො න සක්කා කෙනචි අන්තරායො කාතුං. වුත්තඤ්හෙතං – “අට්ඨානමෙතං අනවකාසො, යං පරූපක්කමෙන තථාගතං ජීවිතා වොරොපෙය්යා”ති (චූළව· 342). බුද්ධානං ද්වත්තිංසමහාපුරිසලක්ඛණානං අසීතියා අනුබ්යඤ්ජනානඤ්ච න සක්කා කෙනචි අන්තරායො කාතුං. බුද්ධරංසීනං න සක්කා කෙනචි අන්තරායො කාතුන්ති. ඉමෙ චත්තාරො අනන්තරායිකා ධම්මා නාමාති.
නිගමනකථා
එත්තාවතා ගතා සිද්ධිං, බුද්ධවංසස්ස වණ්ණනා;
සුවණ්ණපදවිඤ්ඤාතවිචිත්තනයසොභිතා.
සුවණ්ණපදවිඤ්ඤාතවිචිත්තනයසොභිතා.
පොරාණට්ඨකථාමග්ගං, පාළිඅත්ථප්පකාසකං;
ආදායෙව කතා බුද්ධ-වංසස්සට්ඨකථා මයා.
ආදායෙව කතා බුද්ධ-වංසස්සට්ඨකථා මයා.
පපඤ්චත්ථං විවජ්ජෙත්වා, මධුරත්ථස්ස සබ්බසො;
සම්පකාසනතො තස්මා, මධුරත්ථප්පකාසිනී.
සම්පකාසනතො තස්මා, මධුරත්ථප්පකාසිනී.
කාවීරජලසම්පාත-පරිපූතමහීතලෙ;
කාවීරපට්ටනෙ රම්මෙ, නානානාරිනරාකුලෙ.
කාවීරපට්ටනෙ රම්මෙ, නානානාරිනරාකුලෙ.
කාරිතෙ කණ්හදාසෙන, සණ්හවාචෙන සාධුනා;
විහාරෙ විවිධාකාර-චාරුපාකාරගොපුරෙ.
විහාරෙ විවිධාකාර-චාරුපාකාරගොපුරෙ.
ඡායාසලිලසම්පන්නෙ, දස්සනීයෙ මනොරමෙ;
හතදුජ්ජනසම්බාධෙ, පවිවෙකසුඛෙ සිවෙ.
හතදුජ්ජනසම්බාධෙ, පවිවෙකසුඛෙ සිවෙ.
තත්ථ පාචීනපාසාද-තලෙ පරමසීතලෙ;
වසතා බුද්ධවංසස්ස, මයා සංවණ්ණනා කතා.
වසතා බුද්ධවංසස්ස, මයා සංවණ්ණනා කතා.
යථා බුද්ධවංසස්ස සංවණ්ණනායං, ගතා සාධු සිද්ධිං විනා අන්තරායං;
තථා ධම්මයුත්තා ජනානං විතක්කා, විනාවන්තරායෙන සිද්ධිං වජන්තු.
තථා ධම්මයුත්තා ජනානං විතක්කා, විනාවන්තරායෙන සිද්ධිං වජන්තු.
ඉමං බුද්ධවංසස්ස සංවණ්ණනං මෙ, කරොන්තෙන යං පත්ථිතං පුඤ්ඤජාතං;
සදා තස්ස දෙවානුභාවෙන ලොකො, ධුවං සන්තමච්චන්තමත්ථං පයාතං.
සදා තස්ස දෙවානුභාවෙන ලොකො, ධුවං සන්තමච්චන්තමත්ථං පයාතං.
විනස්සන්තු රොගා මනුස්සෙසු සබ්බෙ, පවස්සන්තු දෙවාපි වස්සන්තකාලෙ;
සුඛං හොතු නිච්චං වරං නාරකාපි, පිසාචාපයාතා පිපාසා භවන්තු.
සුඛං හොතු නිච්චං වරං නාරකාපි, පිසාචාපයාතා පිපාසා භවන්තු.
සුරා අච්ඡරානං ගණාදීහි සද්ධිං, චිරං දෙවලොකෙ සුඛං චානුභොන්තු;
චිරං ඨාතු ධම්මො මුනින්දස්ස ලොකෙ, සුඛං ලොකපාලා මහිං පාලයන්තු.
චිරං ඨාතු ධම්මො මුනින්දස්ස ලොකෙ, සුඛං ලොකපාලා මහිං පාලයන්තු.
ගරූහි ගීතනාමෙන, බුද්ධදත්තොති විස්සුතො;
ථෙරො කත්වා අට්ඨකථං, මධුරත්ථවිලාසිනිං.
ථෙරො කත්වා අට්ඨකථං, මධුරත්ථවිලාසිනිං.
පොත්ථකං ඨපයිත්වෙමං, පරම්පරෙ හිතාවහං;
අචිරට්ඨිතභාවෙන, අහො මච්චුවසං ගතො.
අචිරට්ඨිතභාවෙන, අහො මච්චුවසං ගතො.
ඉති භාණවාරවසෙන ඡබ්බීසතිභාණවාරා, ගන්ථවසෙන පඤ්චසතාධිකඡසහස්සගන්ථා, අක්ඛරවසෙන තිසහස්සාධිකානි ද්වෙසතසහස්සක්ඛරානි.
අන්තරායං විනා එසා, යථා නිට්ඨං උපාගතා;
තථා සිජ්ඣන්තු සඞ්කප්පා, සත්තානං ධම්මනිස්සිතාති.
තථා සිජ්ඣන්තු සඞ්කප්පා, සත්තානං ධම්මනිස්සිතාති.
ඉති මධුරත්ථවිලාසිනී නාම බුද්ධවංස-අට්ඨකථා නිට්ඨිතා.