25. කුසලා ධම්මාති: ආමන්තා.

ධම්මා අකුසලා ධම්මාති: අකුසලා ධම්මා ධම්මා චෙව අකුසලා ධම්මා ච. අවසෙසා ධම්මා න අකුසලා ධම්මා.

26. කුසලා ධම්මාති: ආමන්තා.

ධම්මා අබ්යාකතා ධම්මාති: අබ්යාකතා ධම්මා ධම්මා චෙව අබ්යාකතා ධම්මා ච. අවසෙසා ධම්මා න අබ්යාකතා ධම්මා.

27. අකුසලා ධම්මාති: ආමන්තා.

ධම්මා කුසලා ධම්මාති: කුසලා ධම්මා ධම්මා චෙව කුසලා ධම්මා ච. අවසෙසා ධම්මා න කුසලා ධම්මා.

28. අකුසලා ධම්මාති: ආමන්තා.

ධම්මා අබ්යාකතා ධම්මාති: අබ්යාකතා ධම්මා ධම්මා චෙව අබ්යාකතා ධම්මා ච. අවසෙසා ධම්මා න අබ්යාකතා ධම්මා.

29. අබ්යාකතා ධම්මාති: ආමන්තා.

ධම්මා කුසලා ධම්මාති: කුසලා ධම්මා ධම්මා චෙව කුසලා ධම්මා ච. අවසෙසා ධම්මා න කුසලා ධම්මා.

30. අබ්යාකතා ධම්මාති: ආමන්තා.

ධම්මා අකුසලා ධම්මාති: අකුසලා ධම්මා ධම්මා චෙව අකුසලා ධම්මා ච. අවසෙසා ධම්මා න අකුසලා ධම්මා. (අනුලොමං)

31. න කුසලා න ධම්මාති: කුසලං ඨපෙත්වා අවසෙසා ධම්මා න කුසලා ධම්මා. කුසලඤ්ච ධම්මෙ ච ඨපෙත්වා අවසෙසා න චෙව කුසලා න ච ධම්මා.

න ධම්මා න අකුසලා ධම්මාති: ආමන්තා.

32. න කුසලා න ධම්මාති: කුසලං ඨපෙත්වා අවසෙසා ධම්මා න කුසලා ධම්මා. කුසලඤ්ච ධම්මෙ ච ඨපෙත්වා අවසෙසා න චෙව කුසලා න ච ධම්මා.

න ධම්මා න අබ්යාකතා ධම්මාති: ආමන්තා.

33. න අකුසලා න ධම්මාති: අකුසලං ඨපෙත්වා අවසෙසා ධම්මා න අකුසලා ධම්මා. අකුසලඤ්ච ධම්මෙ ච ඨපෙත්වා අවසෙසා න චෙව අකුසලා න ච ධම්මා.

න ධම්මා න අකුසලා ධම්මාති: ආමන්තා.

34. න අකුසලා න ධම්මාති: අකුසලං ඨපෙත්වා අවසෙසා ධම්මා න අකුසලා ධම්මා. අකුසලඤ්ච ධම්මෙ ච ඨපෙත්වා අවසෙසා න චෙව අකුසලා න ච ධම්මා.

න ධම්මා න අබ්යාකතා ධම්මාති: ආමන්තා.

35. න අබ්යාකතා න ධම්මාති: අබ්යාකතං ඨපෙත්වා අවසෙසා ධම්මා න අබ්යාකතා ධම්මා. අබ්යාකතඤ්ච ධම්මෙ ච ඨපෙත්වා අවසෙසා න චෙව අබ්යාකතා න ච ධම්මා.

න ධම්මා න කුසලා ධම්මාති: ආමන්තා.

36. න අබ්යාකතා න ධම්මාති: අබ්යාකතං ඨපෙත්වා අවසෙසා ධම්මා න අබ්යාකතා ධම්මා. අබ්යාකතඤ්ච ධම්මෙ ච ඨපෙත්වා අවසෙසා න චෙව අබ්යාකතා න ච ධම්මා.

න ධම්මා න අකුසලා ධම්මාති: ආමන්තා.

(පච්චනීකං)