3. උප්පාදවාරො.
1. යස්ස කුසලා ධම්මා උප්පජ්ජන්ති තස්ස අකුසලා ධම්මා උප්පජ්ජන්තී’ති: නො.
යස්ස වා පන අකුසලා ධම්මා උප්පජ්ජන්ති තස්ස කුසලා ධම්මා උප්පජ්ජන්තී’ති: නො.
2. යස්ස කුසලා ධම්මා උප්පජ්ජන්ති තස්ස අබ්යාකතා ධම්මා උප්පජ්ජන්තී’ති: අරූපෙ කුසලානං උප්පාදක්ඛණෙ තෙසං කුසලා ධම්මා උප්පජ්ජන්ති. නො ච තෙසං අබ්යාකතා ධම්මා උප්පජ්ජන්ති. පඤ්චවොකාරෙ කුසලානං උප්පාදක්ඛණෙ තෙසං කුසලා ච ධම්මා උප්පජ්ජන්ති. අබ්යාකතා ච ධම්මා උප්පජ්ජන්ති.
යස්ස වා පන අබ්යාකතා ධම්මා උප්පජ්ජන්ති තස්ස කුසලා ධම්මා උප්පජ්ජන්තී’ති: සබ්බෙසං උප්පජ්ජන්තානං පවත්තෙ කුසලවිප්පයුත්තචිත්තස්ස උප්පාදක්ඛණෙ තෙසං අබ්යාකතා ධම්මා උප්පජ්ජන්ති. නො ච තෙසං කුසලා ධම්මා උප්පජ්ජන්ති. පඤ්චවොකාරෙ කුසලානං උප්පාදක්ඛණෙ තෙසං අබ්යාකතා ච ධම්මා උප්පජ්ජන්ති. කුසලා ච ධම්මා උප්පජ්ජන්ති.
3. යස්ස අකුසලා ධම්මා උප්පජ්ජන්ති තස්ස අබ්යාකතා ධම්මා උප්පජ්ජන්තී’ති: අරූපෙ අකුසලානං උප්පාදක්ඛණෙ තෙසං අකුසලා ධම්මා උප්පජ්ජන්ති. නො ච තෙසං අබ්යාකතා ධම්මා උප්පජ්ජන්ති. පඤ්චවොකාරෙ අකුසලානං උප්පාදක්ඛණෙ තෙසං අකුසලා ච ධම්මා උප්පජ්ජන්ති. අබ්යාකතා ච ධම්මා උප්පජ්ජන්ති.
යස්ස වා පන අබ්යාකතා ධම්මා උප්පජ්ජන්ති තස්ස අකුසලා ධම්මා උප්පජ්ජන්තීති: සබ්බෙසං උප්පජ්ජන්තානං පවත්තෙ කුසලවිප්පයුත්තචිත්තස්ස උප්පාදක්ඛණෙ තෙසං අබ්යාකතා ධම්මා උප්පජ්ජන්ති. නො ච තෙසං අකුසලා ධම්මා උප්පජ්ජන්ති. පඤ්චවොකාරෙ අකුසලානං උප්පාදක්ඛණෙ තෙසං අබ්යාකතා ච ධම්මා උප්පජ්ජන්ති. අකුසලා ච ධම්මා උප්පජ්ජන්ති. (අනුලොමපුග්ගල)
4. යත්ථ කුසලා ධම්මා උප්පජ්ජන්ති. තත්ථ අකුසලා ධම්මා උප්පජ්ජන්තී’ති: ආමන්තා.
යත්ථ වා පන අකුසලා ධම්මා උප්පජ්ජන්ති තත්ථ කුසලා ධම්මා උප්පජ්ජන්තී’ති: ආමන්තා.
5. යත්ථ කුසලා ධම්මා උප්පජ්ජන්ති තත්ථ අබ්යාකතා ධම්මා උප්පජ්ජන්තී’ති: ආමන්තා.
යත්ථ වා පන අබ්යාකතා ධම්මා උප්පජ්ජන්ති තත්ථ කුසලා ධම්මා උප්පජ්ජන්තීති: අසඤ්ඤසත්තෙ තත්ථ අබ්යාකතා ධම්මා උප්පජ්ජන්ති. නො ච තත්ථ කුසලා ධම්මා උප්පජ්ජන්ති. චතුවොකාරෙ, පඤ්චවොකාරෙ තත්ථ අබ්යාකතා ච ධම්මා උප්පජ්ජන්ති. කුසලා ච ධම්මා උප්පජ්ජන්ති.
6. යත්ථ අකුසලා ධම්මා උප්පජ්ජන්ති තත්ථ අබ්යාකතා ධම්මා උප්පජ්ජන්තීති: ආමන්තා.
යත්ථ වා පන අබ්යාකතා ධම්මා උප්පජ්ජන්ති තත්ථ අකුසලා ධම්මා උප්පජ්ජන්තී’ති: අසඤ්ඤසත්තෙ තත්ථ අබ්යාකතා ධම්මා උප්පජ්ජන්ති. නො ච තත්ථ අකුසලා ධම්මා උප්පජ්ජන්ති. චතුවොකාරෙ, පඤ්චවොකාරෙ තත්ථ අබ්යාකතා ච ධම්මා උප්පජ්ජන්ති. අකුසලා ච ධම්මා උප්පජ්ජන්ති. (අනුලොමඔකාස)
7. යස්ස යත්ථ කුසලා ධම්මා උප්පජ්ජන්ති තස්ස තත්ථ අකුසලා ධම්මා උප්පජ්ජන්තීති: නො.
යස්ස වා පන යත්ථ අකුසලා ධම්මා උප්පජ්ජන්ති තස්ස තත්ථ කුසලා ධම්මා උප්පජ්ජන්තීති: නො.
8. යස්ස යත්ථ කුසලා ධම්මා උප්පජ්ජන්ති තස්ස තත්ථ අබ්යාකතා ධම්මා උප්පජ්ජන්තීති: අරූපෙ කුසලානං උප්පාදක්ඛණෙ තෙසං තත්ථ කුසලා ධම්මා උප්පජ්ජන්ති, නො ච තෙසං තත්ථ අබ්යාකතා ධම්මා උප්පජ්ජන්ති. පඤ්චවොකාරෙ කුසලානං උප්පාදක්ඛණෙ තෙසං තත්ථ කුසලා ච ධම්මා උප්පජ්ජන්ති, අබ්යාකතා ච ධම්මා උප්පජ්ජන්ති.
යස්ස වා පන යත්ථ අබ්යාකතා ධම්මා උප්පජ්ජන්ති තස්ස තත්ථ කුසලා ධම්මා උප්පජ්ජන්තීති: සබ්බෙසං උපපජ්ජන්තානං, පවත්තෙ කුසලවිප්පයුත්තචිත්තස්ස උප්පාදක්ඛණෙ තෙසං තත්ථ අබ්යාකතා ධම්මා උප්පජ්ජන්ති, නො ච තෙසං තත්ථ කුසලා ධම්මා උප්පජ්ජන්ති. පඤ්චවොකාරෙ කුසලානං උප්පාදක්ඛණෙ තෙසං තත්ථ අබ්යාකතා ච ධම්මා උප්පජ්ජන්ති, කුසලා ච ධම්මා උප්පජ්ජන්ති.
9. යස්ස යත්ථ අකුසලා ධම්මා උප්පජ්ජන්ති තස්ස තත්ථ අබ්යාකතා ධම්මා උප්පජ්ජන්තීති: අරූපෙ අකුසලානං උප්පාදක්ඛණෙ තෙසං තත්ථ අකුසලා ධම්මා උප්පජ්ජන්ති, නො ච තෙසං තත්ථ අබ්යාකතා ධම්මා උප්පජ්ජන්ති. පඤ්චවොකාරෙ අකුසලානං උප්පාදක්ඛණෙ තෙසං තත්ථ අකුසලා ච ධම්මා උප්පජ්ජන්ති, අබ්යාකතා ච ධම්මා උප්පජ්ජන්ති.
යස්ස වා පන යත්ථ අබ්යාකතා ධම්මා උප්පජ්ජන්ති තස්ස තත්ථ අකුසලා ධම්මා උප්පජ්ජන්තීති: සබ්බෙසං උපපජ්ජන්තානං, පවත්තෙ අකුසලවිප්පයුත්තචිත්තස්ස උප්පාදක්ඛණෙ තෙසං තත්ථ අබ්යාකතා ධම්මා උප්පජ්ජන්ති, නො ච තෙසං තත්ථ අකුසලා ධම්මා උප්පජ්ජන්ති. පඤ්චවොකාරෙ අකුසලානං උප්පාදක්ඛණෙ තෙසං තත්ථ අබ්යාකතා ච ධම්මා උප්පජ්ජන්ති, අකුසලා ච ධම්මා උප්පජ්ජන්ති. (අනුලොමපුග්ගලොකාස)