37. යතො කාමරාගානුසයං පරිජානාති තතො පටිඝානුසයං පරිජානාතීති: නො.
යතො වා පන පටිඝානුසයං පරිජානාති තතො කාමරාගානුසයං පරිජානාතීති: නො.
38. යතො කාමරාගානුසයං පරිජානාති තතො මානානුසයං පරිජානාතීති: ආමන්තා.
යතො වා පන මානානුසයං පරිජානාති තතො කාමරාගානුසයං පරිජානාතීති: රූපධාතුයා අරූපධාතුයා තතො මානානුසයං පරිජානාති, නො ච තතො කාමරාගානුසයං පරිජානාති. කාමධාතුයා ද්වීසු වෙදනාසු තතො මානානුසයඤ්ච පරිජානාති, කාමරාගානුසයඤ්ච පරිජානාති.
39-40. යතො කාමරාගානුසයං පරිජානාති තතො දිට්ඨානුසයං -පෙ- විචිකිච්ඡානුසයං පරිජානාතීති: ආමන්තා.
යතො වා පන විචිකිච්ඡානුසයං පරිජානාති තතො කාමරාගානුසයං පරිජානාතීති: දුක්ඛාය වෙදනාය රූපධාතුයා අරූපධාතුයා තතො විචිකිච්ඡානුසයං පරිජානාති, නො ච තතො කාමරාගානුසයං පරිජානාති. කාමධාතුයා ද්වීසු වෙදනාසු තතො විචිකිච්ඡානුසයඤ්ච පරිජානාති, කාමරාගානුසයඤ්ච පරිජානාති.
41. යතො කාමරාගානුසයං පරිජානාති තතො භවරාගානුසයං පරිජානාතීති: නො.
යතො වා පන භවරාගානුසයං පරිජානාති තතො කාමරාගානුසයං පරිජානාතීති: නො.
42. යතො කාමරාගානුසයං පරිජානාති තතො අවිජ්ජානුසයං පරිජානාතීති: ආමන්තා.
යතො වා පන අවිජ්ජානුසයං පරිජානාති තතො කාමරාගානුසයං පරිජානාතීති: දුක්ඛාය වෙදනාය රූපධාතුයා අරූපධාතුයා තතො අවිජ්ජානුසයං පරිජානාති, නො ච තතො කාමරාගානුසයං පරිජානාති. කාමධාතුයා ද්වීසු වෙදනාසු තතො අවිජ්ජානුසයඤ්ච පරිජානාති, කාමරාගානුසයඤ්ච පරිජානාති.
43. යතො පටිඝානුසයං පරිජානාති තතො මානානුසයං පරිජානාතීති: නො.
යතො වා පන මානානුසයං පරිජානාති තතො පටිඝානුසයං පරිජානාතීති: නො.
44-45. යතො පටිඝානුසයං පරිජානාති තතො දිට්ඨානුසයං -පෙ- විචිකිච්ඡානුසයං පරිජානාතීති: ආමන්තා.
යතො වා පන විචිකිච්ඡානුසයං පරිජානාති තතො පටිඝානුසයං පරිජානාතීති: කාමධාතුයා ද්වීසු වෙදනාසු රූපධාතුයා අරූපධාතුයා තතො විචිකිච්ඡානුසයං පරිජානාති, නො ච තතො පටිඝානුසයං පරිජානාති. දුක්ඛාය වෙදනාය තතො විචිකිච්ඡානුසයඤ්ච පරිජානාති, පටිඝානුසයඤ්ච පරිජානාති.
46. යතො පටිඝානුසයං පරිජානාති තතො භවරාගානුසයං පරිජානාතීති: නො.
යතො වා පන භවරාගානුසයං පරිජානාති තතො පටිඝානුසයං පරිජානාතීති: නො.
47. යතො පටිඝානුසයං පරිජානාති තතො අවිජ්ජානුසයං පරිජානාතීති: ආමන්තා.
යතො වා පන අවිජ්ජානුසයං පරිජානාති තතො පටිඝානුසයං පරිජානාතීති: කාමධාතුයා ද්වීසු වෙදනාසු රූපධාතුයා අරූපධාතුයා තතො අවිජ්ජානුසයං පරිජානාති, නො ච තතො පටිඝානුසයං පරිජානාති. දුක්ඛාය වෙදනාය තතො අවිජ්ජානුසයඤ්ච පරිජානාති, පටිඝානුසයඤ්ච පරිජානාති.
48-49. යතො මානානුසයං පරිජානාති තතො දිට්ඨානුසයං -පෙ- විචිකිච්ඡානුසයං පරිජානාතීති: ආමන්තා.
යතො වා පන විචිකිච්ඡානුසයං පරිජානාති තතො මානානුසයං පරිජානාතීති: දුක්ඛාය වෙදනාය තතො විචිකිච්ඡානුසයං පරිජානාති, නො ච තතො මානානුසයං පරිජානාති. කාමධාතුයා ද්වීසු වෙදනාසු රූපධාතුයා අරූපධාතුයා තතො විචිකිච්ඡානුසයඤ්ච පරිජානාති. මානානුසයඤ්ච පරිජානාති.
50. යතො මානානුසයං පරිජානාති තතො භවරාගානුසයං පරිජානාතීති: කාමධාතුයා ද්වීසු වෙදනාසු තතො මානානුසයං පරිජානාති, නො ච තතො භවරාගානුසයං පරිජානාති. රූපධාතුයා අරූපධාතුයා තතො මානානුසයඤ්ච පරිජානාති, භවරාගානුසයඤ්ච පරිජානාති.
යතො වා පන භවරාගානුසයං පරිජානාති තතො මානානුසයං පරිජානාතීති: ආමන්තා.