109. යො කාමරාගානුසයෙන නිරනුසයො සො පටිඝානුසයෙන නිරනුසයොති: ආමන්තා.

යො වා පන පටිඝානුසයෙන නිරනුසයො සො කාමරාගානුසයෙන නිරනුසයොති: ආමන්තා.

110. යො කාමරාගානුසයෙන නිරනුසයො සො මානානුසයෙන නිරනුසයොති: අනාගාමී කාමරාගානුසයෙන නිරනුසයො, නො ච මානානුසයෙන නිරනුසයො. අරහා කාමරාගානුසයෙන ච නිරනුසයො, මානානුසයෙන ච නිරනුසයො.

යො වා පන මානානුසයෙන නිරනුසයො සො කාමරාගානුසයෙන නිරනුසයොති: ආමන්තා.

111-112. යො කාමරාගානුසයෙන නිරනුසයො සො දිට්ඨානුසයෙන -පෙ- විචිකිච්ඡානුසයෙන නිරනුසයොති: ආමන්තා.

යො වා පන විචිකිච්ඡානුසයෙන නිරනුසයො සො කාමරාගානුසයෙන නිරනුසයොති: ද්වෙ පුග්ගලා විචිකිච්ඡානුසයෙන නිරනුසයා, නො ච කාමරාගානුසයෙන නිරනුසයා. ද්වෙ පුග්ගලා විචිකිච්ඡානුසයෙන ච නිරනුසයා, කාමරාගානුසයෙන ච නිරනුසයා.

113-114. යො කාමරාගානුසයෙන නිරනුසයො සො භවරාගානුසයෙන -පෙ- අවිජ්ජානුසයෙන නිරනුසයොති: අනාගාමී කාමරාගානුසයෙන නිරනුසයො, නො ච අවිජ්ජානුසයෙන නිරනුසයො. අරහා කාමරාගානුසයෙන ච නිරනුසයො, අවිජ්ජානුසයෙන ච නිරනුසයො.

යො වා පන අවිජ්ජානුසයෙන නිරනුසයො සො කාමරාගානුසයෙන නිරනුසයොති: ආමන්තා.

115. යො පටිඝානුසයෙන නිරනුසයො සො මානානුසයෙන නිරනුසයොති: අනාගාමී පටිඝානුසයෙන නිරනුසයො, නො ච මානානුසයෙන නිරනුසයො. අරහා පටිඝානුසයෙන ච නිරනුසයො. මානානුසයෙන ච නිරනුසයො.

යො වා පන මානානුසයෙන නිරනුසයො සො පටිඝානුසයෙන නිරනුසයොති: ආමන්තා.

116-117. යො පටිඝානුසයෙන නිරනුසයො සො දිට්ඨානුසයෙන -පෙ- විචිකිච්ඡානුසයෙන නිරනුසයොති: ආමන්තා.

යො වා පන විචිකිච්ඡානුසයෙන නිරනුසයො සො පටිඝානුසයෙන නිරනුසයොති: ද්වෙ පුග්ගලා විචිකිච්ඡානුසයෙන නිරනුසයා, නො ච පටිඝානුසයෙන නිරනුසයා. ද්වෙ පුග්ගලා විචිකිච්ඡානුසයෙන ච නිරනුසයා, පටිඝානුසයෙන ච නිරනුසයා.

118-119. යො පටිඝානුසයෙන නිරනුසයො සො භවරාගානුසයෙන -පෙ- අවිජ්ජානුසයෙන නිරනුසයොති: අනාගාමී පටිඝානුසයෙන නිරනුසයො, නො ච අවිජ්ජානුසයෙන නිරනුසයො. අරහා පටිඝානුසයෙන ච නිරනුසයො, අවිජ්ජානුසයෙන ච නිරනුසයො.

යො වා පන අවිජ්ජානුසයෙන නිරනුසයො සො පටිඝානුසයෙන නිරනුසයොති: ආමන්තා.