145. යතො කාමරාගානුසයෙන නිරනුසයො තතො පටිඝානුසයෙන නිරනුසයොති: දුක්ඛාය වෙදනාය තතො කාමරාගානුසයෙන නිරනුසයො, නො ච තතො පටිඝානුසයෙන නිරනුසයො. රූපධාතුයා අරූපධාතුයා අපරියාපන්නෙ තතො කාමරාගානුසයෙන ච නිරනුසයො, පටිඝානුසයෙන ච නිරනුසයො.
යතො වා පන පටිඝානුසයෙන නිරනුසයො තතො කාමරාගානුසයෙන නිරනුසයොති: කාමධාතුයා ද්වීසු වෙදනාසු තතො පටිඝානුසයෙන නිරනුසයො, නො ච තතො කාමරාගානුසයෙන නිරනුසයො, රූපධාතුයා අරූපධාතුයා අපරියාපන්නෙ තතො පටිඝානුසයෙන ච නිරනුසයො කාමරාගානුසයෙන ච නිරනුසයො.
146. යතො කාමරාගානුසයෙන නිරනුසයො තතො මානානුසයෙන නිරනුසයොති: රූපාධාතුයා අරූපධාතුයා තතො කාමරාගානුසයෙන නිරනුසයො, නො ච තතො මානානුසයෙන නිරනුසයො, දුක්ඛාය වෙදනාය අපරියාපන්නෙ තතො කාමරාගානුසයෙන ච නිරනුසයො. මානානුසයෙන ච නිරනුසයො.
යතො වා පන මානානුසයෙන නිරනුසයො තතො කාමරාගානුසයෙන නිරනුසයොති: ආමන්තා.
147-148. යතො කාමරාගානුසයෙන නිරනුසයො තතො දිට්ඨානුසයෙන -පෙ- විචිකිච්ඡානුසයෙන නිරනුසයොති: දුක්ඛාය වෙදනාය රූපධාතුයා අරූපධාතුයා තතො කාමරාගානුසයෙන නිරනුසයො, නො ච තතො විචිකිච්ඡානුසයෙන නිරනුසයො. අපරියාපන්නෙ තතො කාමරාගානුසයෙන ච නිරනුසයො, විචිකිච්ඡානුසයෙන ච නිරනුසයො.
යතො වා පන විචිකිච්ඡානුසයෙන නිරනුසයො තතො කාමරාගානුසයෙන නිරනුසයොති: ආමන්තා.
149. යතො කාමරුගානුසයෙන නිරනුසයො තතො භවරාගානුසයෙන නිරනුසයොති: රූපධාතුයා අරූපධාතුයා තතො කාමරාගානුසයෙන නිරනුසයො, නො ච තතො භවරාගානුසයෙන නිරනුසයො, දුක්ඛාය වෙදනාය අපරියාපන්නෙ තතො කාමරාගානුසයෙන ච නිරනුසයො භවරාගානුසයෙන ච නිරනුසයො.
යතො වා පන භවරාගානුසයෙන නිරනුසයො තතො කාමරාගානුසයෙන නිරනුසයොති: කාමධාතුයා ද්වීසු වෙදනාසු තතො භවරාගානුසයෙන නිරනුසයො, නො ච තතො කාමරාගානුසයෙන නිරනුසයො, දුක්ඛාය වෙදනාය අපරියාපන්නෙ තතො භවරාගානුසයෙන ච නිරනුසයො, කාමරාගානුසයෙන ච නිරනුසයො.
150. යතො කාමරාගානුසයෙන නිරනුසයො තතො අවිජ්ජානුසයෙන නිරනුසයොති: දුක්ඛාය වෙදනාය රූපධාතුයා අරූපධාතුයා තතො කාමරාගානුසයෙන නිරනුසයො, නො ච තතො අවිජ්ජානුසයෙන නිරනුසයො, අපරියාපන්නෙ තතො කාමරාගානුසයෙන ච නිරනුසයො, අවිජ්ජානුසයෙන ච නිරනුසයො.
යතො වා පන අවිජ්ජානුසයෙන නිරනුසයො තතො කාමරාගානුසයෙන නිරනුසයොති: ආමන්තා.
151. යතො පටිඝානුසයෙන නිරනුසයො තතො මානානුසයෙන නිරනුසයොති: කාමධාතුයා ද්වීසු වෙදනාසු රූපධාතුයා අරූපධාතුයා තතො පටිඝානුසයෙන නිරනුසයො, නො ච තතො මානානුසයෙන නිරනුසයො, අපරියාපන්නෙ තතො පටිඝානුසයෙන ච නිරනුසයො, මානානුසයෙන ච නිරනුසයො.
යතො වා පන මානානුසයෙන නිරනුසයො තතො පටිඝානුසයෙන නිරනුසයොති; දුක්ඛාය වෙදනාය තතො මානානුසයෙන නිරනුසයො, නො ච තතො පටිඝානුසයෙන නිරනුසයො, අපරියාපන්නෙ තතො මානානුසයෙන ච නිරනුසයො, පටිඝානුසයෙන ච නිරනුසයො.
152-153. යතො පටිඝානුසයෙන නිරනුසයො තතො දිට්ඨානුසයෙන -පෙ- විචිකිච්ඡානුසයෙන නිරනුසයොති: කාමධාතුයා ද්වීසු වෙදනාසු රූපධාතුයා අරූපධාතුයා තතො පටිඝානුසයෙන නිරනුසයො, නො ච තතො විචිකිච්ඡානුසයෙන නිරනුසයො, අපරියාපන්නෙ තතො පටිඝානුසයෙන ච නිරනුසයො, විචිකිච්ඡානුසයෙන ච නිරනුසයො.
යතො වා පන විචිකිච්ඡානුසයෙන නිරනුසයො තතො පටිඝානුසයෙන නිරනුසයොති: ආමන්තා.