73. යො යතො කාමරාගානුසයෙන සානුසයො සො තතො පටිඝානුසයෙන සානුසයොති: නො.
යො වා පන යතො පටිඝානුසයෙන සානුසයො සො තතො කාමරාගානුසයෙන සානුසයොති: නො.
74. යො යතො කාමරාගානුසයෙන සානුසයො සො තතො මානානුසයෙන සානුසයොති: ආමන්තා.
යො වා පන යතො මානානුසයෙන සානුසයො සො තතො කාමරාගානුසයෙන සානුසයොති: අනාගාමී කාමධාතුයා ද්වීසු වෙදනාසු රූපධාතුයා අරූපධාතුයා සො තතො මානානුසයෙන සානුසයො, නො ච සො තතො කාමරාගානුසයෙන සානුසයො. තයො පුග්ගලා රූපධාතුයා. අරූපධාතුයා තෙ තතො මානානුසයෙන සානුසයො, නො ච තෙ තතො කාමරාගානුසයෙන සානුසයා. තෙ ව පුග්ගලා කාමධාතුයා ද්වීසු වෙදනාසු තෙ තතො මානානුසයෙන ච සානුසයා, කාමරාගානුසයොන ච සානුසයා.
75-76. යො යතො කාමරාගානුසයෙන සානුසයො සො තතො දිට්ඨානුසයෙන -පෙ- විචිකිච්ඡානුසයෙන සානුසයොති: ද්වෙ පුග්ගලා කාමධාතුයා ද්වීසු වෙදනාසු තෙ තතො කාමරාගානුසයෙන සානුසයො, නො ච තෙ තතො විචිකිච්ඡානුසයෙන සානුසයා. පුථුජ්ජනො කාමධාතුයා ද්වීසු වෙදනාසු සො තතො කාමරාගානුසයෙන ච සානුසයො, විචිකිච්ඡානුසයෙන ච සානුසයො.
යො වා පන යතො විචිකිච්ඡානුසයෙන සානුසයො සො තතො කාමරාගානුසයෙන සානුසයොති: පුථුජ්ජනො දුක්ඛාය වෙදනාය රූපධාතුයා අරූපධාතුයා සො තතො විචිකිච්ඡානුසයෙන සානුසයො, නො ච සො තතො කාමරාගානුසයෙන සානුසයො. ස්වෙව පුග්ගලො කාමධාතුයා ද්වීසු වෙදනාසු සො තතො විචිකිච්ඡානුසයෙන ච සානුසයො. කාමරාගානුසයෙන ච සානුසයො.
77. යො යතො කාමරාගානුසයොන සානුසයො සො තතො භවරාගානුසයෙන සානුසයොති: නො.
යො වා පන යතො භවරාගානුසයෙන සානුසයො සො තතො කාමරාගානුසයෙන සානුසයොති: නො.
78. යො යතො කාමරාගානුසයෙන සානුසයො සො තතො අවිජ්ජානුසයෙන සානුසයොති: ආමන්තා.
යො වා පන යතො අවිජ්ජානුසයෙන සානුසයො සො තතො කාමරාගානුසයෙන සානුසයොති: අනාගාමී කාමධාතුයා තීසු වෙදනාසු රූපධාතුයා අරූපධාතුයා සො තතො අවිජ්ජානුසයෙන සානුසයො, නො ච සො තතො කාමරාගානුසයොන සානුසයො. තයො පුග්ගලා දුක්ඛාය වෙදනාය රූපධාතුයා අරූපධාතුයා තෙ තතො අවිජ්ජානුසයෙන සානුසයා, නො ච තෙ තතො කාමරාගානුසයොන සානුසයා. තෙ’ව පුග්ගලා කාමධාතුයා ද්වීසු වෙදනාසු තෙ තතො අවිජ්ජානුසයෙන ච සානුසයා, කාමරාගානුසයෙන ච සානුසයා.
79. යො යතො පටිඝානුසයෙන සානුසයො සො තතො මානානුසයොන සානුසයොති: නො.
යො වා පන යතො මානානුසයෙන සානුසයො සො තතො පටිඝානුසයෙන සානුසයොති: නො.
80-81. යො යතො පටිඝානුසයෙන සානුසයො සො තතො දිට්ඨානුසයෙන -පෙ- විචිකිච්ඡානුසයෙන සානුසයොති: ද්වෙ පුග්ගලා දුක්ඛාය වෙදනාය තෙ තතො පටිඝානුසයෙන සානුසයා, නො ච තෙ තතො විචිකිච්ඡානුසයෙන සානුසයා. පුථුජ්ජනො දුක්ඛාය වෙදනාය සො තතො පටිඝානුසයෙන ච සානුසයො, විචිකිච්ඡානුසයෙන ච සානුසයො.