37. යතො කාමරාගානුසයෙන සානුසයො තතො පටිඝානුසයෙන සානුසයොති: නො.
යතො පන පටිඝානුසයෙන සානුසයො තතො කාමරාගානුසයෙන සානුසයොති: නො
38. යතො කාමරාගානුසයෙන සානුසයො තතො මානානුසයෙන සානුසයොති: ආමන්තා.
යතො වා පන මානානුසයෙන සානුසයො තතො කාමරාගානුසයෙන සානුසයොති: රූපධාතුයා අරූපධාතුයා තතො මානානුසයෙන සානුසයො, නො ච තතො කාමරාගානුසයෙන සානුසයො. කාමධාතුයා ද්වීසු වෙදනාසු තතො මානානුසයෙන ච සානුසයො, කාමරාගානුසයෙන ච සානුසයො.
39-40. යතො කාමරාගානුසයෙන සානුසයො තතො දිට්ඨානුසයෙන -පෙ- විචිකිච්ඡානුසයෙන සානුසයොති: ආමන්තා.
යතො වා පන විචිකිච්ඡානුසයෙන සානුසයො තතො කාමරාගානුසයෙන සානුසයොති: දුක්ඛාය වෙදනාය රූපධාතුයා අරූපධාතුයා තතො විචිකිච්ඡානුසයෙන සානුසයො, නො ච තතො කාමරාගානුසයෙන සානුසයො. කාමධාතුයා ද්වීසු වෙදනාසු තතො විචිකිච්ඡානුසයෙන ච සානුසයො, කාමරාගානුසයෙන ච සානුසයො.
41. යතො කාමරාගානුසයෙන සානුසයො තතො භවරාගානුසයෙන සානුසයොති: නො.
යතො වා පන භවරාගානුසයෙන සානුසයො තතො කාමරාගානුසයෙන සානුසයොති: නො.
42. යතො කාමරාගානුසයෙන සානුසයො තතො අවිජ්ජානුසයෙන සානුසයොති: ආමන්තා.
යතො වා පන අවිජ්ජානුසයෙන සානුසයො තතො කාමරාගානුසයෙන සානුසයොති: දුක්ඛාය වෙදනාය රූපධාතුයා අරූපධාතුයා තතො අවිජ්ජානුසයෙන සානුසයො, නො ච තතො කාමරාගානුසයෙන සානුසයො. කාමධාතුයා ද්වීසු වෙදනාසු තතො අවිජ්ජානුසයෙන ච සානුසයො, කාමරාගානුසයෙන ච සානුසයො.
43. යතො පටිඝානුසයෙන සානුසයො තතො මානානුසයෙන සානුසයොති: නො.
යතො වා පන මානානුසයෙන සානුසයො තතො පටිඝානුසයෙන සානුසයොති: නො.
44-45. යතො පටිඝානුසයෙන සානුසයො තතො දිට්ඨානුසයෙන -පෙ- විචිකිච්ඡානුසයෙන සානුසයොති: ආමන්තා.
යතො වා පන විචිකිච්ඡානුසයෙන සානුසයො තතො පටිඝානුසයෙන සානුසයොති: කාමධාතුයා ද්වීසු වෙදනාසු රූපධාතුයා අරූපධාතුයා තතො විචිකිච්ඡානුසයෙන සානුසයො, නො ච තතො පටිඝානුසයෙන සානුසයො. දුක්ඛාය වෙදනාය තතො විචිකිච්ඡානුසයෙන ච සානුසයො, පටිඝානුසයෙන ච සානුසයො.
46. යතො පටිඝානුසයෙන සානුසයො තතො භවරාගානුසයෙන සානුසයොති: නො.
යතො වා පන භවරාගානුසයෙන සානුසයො තතො පටිඝානුසයෙන සානුසයොති: නො.
47. යතො පටිඝානුසයෙන සානුසයො තතො අවිජ්ජානුසයෙන සානුසයොති: ආමන්තා.
යතො වා පන අවිජ්ජානුසයෙන සානුසයො තතො පටිඝානුසයෙන සානුසයොති: කාමධාතුයා ද්වීසු වෙදනාසු රූපධාතුයා අරූපධාතුයා තතො අවිජ්ජානුසයෙන සානුසයො, නො ච තතො පටිඝානුසයෙන සානුසයෙ, දුක්ඛාය වෙදනාය තතො අවිජ්ජානුසයෙන ච සානුසයො, පටිඝානුසයෙන ච සානුසයො.
48-49. යතො මානානුසයෙන සානුසයො තතො දිට්ඨානුසයෙන -පෙ- විචිකිච්ඡානුසයෙන සානුසයොති: ආමන්තා.
යතො වා පන විචිකිච්ඡානුසයෙන සානුසයො තතො මානානුසයෙන සානුසයොති: දුක්ඛාය වෙදනාය තතො විචිකිච්ඡානුසයෙන සානුසයො, නො ච තතො මානානුසයෙන සානුසයො. කාමධාතුයා ද්වීසු වෙදනාසු රූපධාතුයා අරූපධාතුයා තතො විචිකිච්ඡානුසයෙන ච සානුසයො, මානානුසයෙන ච සානුසයො.