1. යො කාමරාගානුසයෙන සානුසයො සො පටිඝානුසයෙන සානුසයොති: ආමන්තා.
යො වා පන පටිඝානුසයෙන සානුසයො සො කාමරාගානුසයෙන සානුසයොති: ආමන්තා.
2. යො කාමරාගානුසයෙන සානුසයො සො මානානුසයෙන සානුසයොති: ආමන්තා.
යො වා පන මානානුසයෙන සානුසයො සො කාමරාගානුසයෙන සානුසයොති: අනාගාමී මානානුසයෙන සානුසයො, නො ච කාමරාගානුසයෙන සානුසයො. තයො පුග්ගලා මානානුසයෙන ච සානුසයා, කාමරාගානුසයෙන ච සානුසයා.
3-4. යො කාමරාගානුසයෙන සානුසයො සො දිට්ඨානුසයෙන -පෙ- විචිකිච්ඡානුසයෙන සානුසයොති: ද්වෙ පුග්ගලා කාමරාගානුසයෙන සානුසයා, නො ච විචිකිච්ඡානුසයෙන සානුසයා. පුථුජ්ජනො කාමරාගානුසයෙන ච සානුසයො, විචිකිච්ඡානුසයෙන ච සානුසයො.
යො වා පන විචිකිච්ඡානුසයෙන සානුසයො සො කාමරාගානුසයෙන සානුසයොති: ආමන්තා.
5-6. යො කාමරාගානුසයෙන සානුසයො සො භවරාගානුසයෙන -පෙ- අවිජ්ජානුසයෙන සානුසයොති: ආමන්තා.
යො වා පන අවිජ්ජානුසයෙන සානුසයො සො කාමරාගානුසයෙන සානුසයොති: අනාගාමී අවිජ්ජානුසයෙන සානුසයො, නො ච කාමරාගානුසයෙන සානුසයො. තයො පුග්ගලා අවිජ්ජානුසයෙන ච සානුසයා, කාමරාගානුසයෙන ච සානුසයා.
7. යො පටිඝානුසයෙන සානුසයො සො මානානුසයෙන සානුසයොති: ආමන්තා.
යො වා පන මානානුසයෙන සානුසයො සො පටිඝානුසයෙන සානුසයොති: අනාගාමී මානානුසයෙන සානුසයො, නො ච පටිඝානුසයෙන සානුසයො. තයො පුග්ගලා මානානුසයෙන ච සානුසයා, පටිඝානුසයෙන ච සානුසයා.
8-9. යො පටිඝානුසයෙන සානුසයො සො දිට්ඨානුසයෙන -පෙ- විචිකිච්ඡානුසයෙන සානුසයොති: ද්වෙ පුග්ගලා පටිඝානුසයෙන සානුසයා, නො ච විචිකිච්ඡානුසයෙන සානුසයා. පුථුජ්ජනො පටිඝානුසයෙන ච සානුසයො, විචිකිච්ඡානුසයෙන ච සානුසයො.
යො වා පන විචිකිච්ඡානුසයෙන සානුසයො සො පටිඝානුසයෙන සානුසයොති: ආමන්තා.
10-11. යො පටිඝානුසයෙන සානුසයො සො භවරාගානුසයෙන -පෙ- අවිජ්ජානුසයෙන සානුසයොති: ආමන්තා.
යො වා පන අවිජ්ජානුසයෙන සානුසයො සො පටිඝානුසයෙන සානුසයොති: අනාගාමී අවිජ්ජානුසයෙන සානුසයො, නො ච පටිඝානුසයෙන සානුසයො. තයො පුග්ගලා අවිජ්ජානුසයෙන ච සානුසයා, පටිඝානුසයෙන ච සානුසයා.
12-13. යො මානානුසයෙන සානුසයො සො දිට්ඨානුසයෙන -පෙ- විචිකිච්ඡානුසයෙන සානුසයොති: තයො පුග්ගලා මානානුසයෙන සානුසයා, නො ච විචිකිච්ඡානුසයෙන සානුසයා. පුථුජ්ජනො මානානුසයෙන ච සානුසයො, විචිකිච්ඡානුසයෙන ච සානුසයො.
යො වා පන විචිකිච්ඡානුසයෙන සානුසයො සො මානානුසයෙන සානුසයොති: ආමන්තා.
14-15. යො මානානුසයෙන සානුසයො සො භවරාගානුසයෙන -පෙ- අවිජ්ජානුසයෙන සානුසයොති: ආමන්තා.
යො වා පන අවිජ්ජානුසයෙන සානුසයො සො මානානුසයෙන සානුසයොති: ආමන්තා.
16-18. යො දිට්ඨානුසයෙන සානුසයො සො විචිකිච්ඡානුසයෙන සානුසයොති: ආමන්තා.
යො වා පන විචිකිච්ඡානුසයෙන සානුසයො සො දිට්ඨානුසයෙන සානුසයොති: ආමන්තා. -පෙ-