145. යත්ථ කාමරාගානුසයො නානුසෙති තත්ථ පටිඝානුසයො නානුසෙතීති: දුක්ඛාය වෙදනාය එත්ථ කාමරාගානුසයො නානුසෙති. නො ච තත්ථ පටිඝානුසයො නානුසෙති රූපධාතුයා අරූපධාතුයා අපරියාපන්නෙ එත්ථ කාමරාගානුසයො ච නානුසෙති. පටිඝානුසයො ච නානුසෙති.

යත්ථ වා පන පටිඝානුසයො නානුසෙති තත්ථ කාමරාගානුසයො නානුසෙතීති: කාමධාතුයා ද්වීසු වෙදනාසු එත්ථ පටිඝානුසයො නානුසෙති. නො ච තත්ථ කාමරාගානුසයො නානුසෙති. රූපධාතුයා අරූපධාතුයා අපරියාපන්නෙ එත්ථ පටිඝානුසයො ච නානුසෙති. කාමරාගානුසයො ච නානුසෙති.

146. යත්ථ කාමරාගානුසයො නානුසෙති තත්ථ මානානුසයො නානුසෙතීති: රූපධාතුයා අරූපධාතුයා එත්ථ කාමරාගානුසයො නානුසෙති. නො ච තත්ථ මානානුසයො නානුසෙති. දුක්ඛාය වෙදනාය අපරියාපන්නෙ එත්ථ කාමරාගානුසයො ච නානුසෙති. මානානුසයො ච නානුසෙති.

යත්ථ වා පන මානානුසයො නානුසෙති තත්ථ කාමරාගානුසයො නානුසෙතීති: ආමන්තා.

147-148. යත්ථ කාමරාගානුසයො නානුසෙති තත්ථ දිට්ඨානුසයො -පෙ- විචිකිච්ඡානුසයො නානුසෙතීති: දුක්ඛාය වෙදනාය රූපධාතුයා අරූපධාතුයා එත්ථ කාමරාගානුසයො නානුසෙති. නො ච තත්ථ විචිකිච්ඡානුසයො නානුසෙති. අපරියාපන්නෙ එත්ථ කාමරාගානුසයො ච නානුසෙති. විචිකිච්ඡානුසයො ච නානුසෙති.

යත්ථ වා පන විචිකිච්ඡානුසයො නානුසෙති තත්ථ කාමරාගානුසයො නානුසෙතීති: ආමන්තා.

149. යත්ථ කාමරාගානුසයො නානුසෙති තත්ථ භවරාගානුසයො නානුසෙතීති: රූපධාතුයා අරූපධාතුයා එත්ථ කාමරාගානුසයො නානුසෙති. නො ච තත්ථ භවරාගානුසයො නානුසෙති. දුක්ඛාය වෙදනාය අපරියාපන්නෙ එත්ථ කාමරාගානුසයො ච නානුසෙති. භවරාගානුසයො ච නානුසෙති.

යත්ථ වා පන භවරාගානුසයො නානුසෙති තත්ථ කාමරාගානුසයො නානුසෙතීති: කාමධාතුයා ද්වීසු වෙදනාසු එත්ථ භවරාගානුසයො නානුසෙති, නො ච තත්ථ කාමරාගානුසයො නානුසෙති. දුක්ඛාය වෙදනාය අපරියාපන්නෙ එත්ථ භවරාගානුසයො ච නානුසෙති. කාමරාගානුසයො ච නානුසෙති.

150. යත්ථ කාමරාගානුසයො නානුසෙති තත්ථ අවිජ්ජානුසයො නානුසෙතීති: දුක්ඛාය වෙදනාය රූපධාතුයා අරූපධාතුයා එත්ථ කාමරාගානුසයො නානුසෙති. නො ච තත්ථ අවිජ්ජානුසයො නානුසෙති. අපරියාපන්නෙ එත්ථ කාමරාගානුසයො ච නානුසෙති. අවිජ්ජානුසයො ච නානුසෙති.

යත්ථ වා පන අවිජ්ජානුසයො නානුසෙති තත්ථ කාමරාගානුසයො නානුසෙතීති: ආමන්තා.

151. යත්ථ පටිඝානුසයො නානුසෙති තත්ථ මානානුසයො නානුසෙතීති: කාමධාතුයා ද්වීසු වෙදනාසු රූපධාතුයා අරූපධාතුයා එත්ථ පටිඝානුසයො නානුසෙති. නො ච තත්ථ මානානුසයො නානුසෙති. අපරියාපන්නෙ එත්ථ පටිඝානුසයො ච නානුසෙති. මානානුසයො ච නානුසෙති.

යත්ථ වා පන මානානුසයො නානුසෙති තත්ථ පටිඝානුසයො නානුසෙතීති: දුක්ඛාය වෙදනාය එත්ථ මානානුසයො නානුසෙති. නො ච තත්ථ පටිඝානුසයො නානුසෙති, අපරියාපන්නෙ එත්ථ මානානුසයො ච නානුසෙති. පටිඝානුසයො ච නානුසෙති.

152-153. යත්ථ පටිඝානුසයො නානුසෙති තත්ථ දිට්ඨානුසයො -පෙ- විචිකිච්ඡානුසයො නානුසෙතීති: කාමධාතුයා ද්වීසු වෙදනාසු රූපධාතුයා අරූපධාතුයා එත්ථ පටිඝානුසයො නානුසෙති. නො ච තත්ථ විචිකිච්ඡානුසයො නානුසෙති, අපරියාපන්නෙ එත්ථ පටිඝානුසයො ච නානුසෙති. විචිකිච්ඡානුසයො ච නානුසෙති.

යත්ථ වා පන විචිකිච්ඡානුසයො නානුසෙති තත්ථ පටිඝානුසයො නානුසෙතීති: ආමන්තා.

154. යත්ථ පටිඝානුසයො නානුසෙති තත්ථ භවරාගානුසයො නානුසෙතීති: රූපධාතුයා අරූපධාතුයා එත්ථ පටිඝානුසයො නානුසෙති. නො ච තත්ථ භවරාගානුසයො නානුසෙති. කාමධාතුයා ද්වීසු වෙදනාසු අපරියාපන්නෙ එත්ථ පටිඝානුසයො ච නානුසෙති. භවරාගානුසයො ච නානුසෙති.