181. යස්ස යත්ථ කාමරාගානුසයො නානුසෙති තස්ස තත්ථ පටිඝානුසයො නානුසෙතීති: තිණ්ණං පුග්ගලානං දුක්ඛාය වෙදනාය තෙසං තත්ථ කාමරාගානුසයො නානුසෙති. නො ච තෙසං තත්ථ පටිඝානුසයො නානුසෙති. තෙසඤ්ඤෙව පුග්ගලානං රූපධාතුයා අපරියාපන්නෙ තෙසං තත්ථ කාමරාගානුසයො ච නානුසෙති. පටිඝානුසයො ච නානුසෙති. ද්වින්නං පුග්ගලානං සබ්බත්ථ කාමරාගානුසයො ච නානුසෙති. පටිඝානුසයො ච නානුසෙති.

යස්ස වා පන යත්ථ පටිඝානුසයො නානුසෙති තස්ස තත්ථ කාමරාගානුසයො නානුසෙතීති: තිණ්ණං පුග්ගලානං කාමධාතුයා ද්වීසු වෙදනාසු තෙසං තත්ථ පටිඝානුසයො නානුසෙති. නො ච තෙසං තත්ථ කාමරාගානුසයො නානුසෙති. තෙසඤ්ඤෙ ච පුග්ගලානං රූපධාතුයා අරූපධාතුයා අපරියාපන්නෙ තෙසං තත්ථ පටිඝානුසයො ච නානුසෙති. කාමරාගානුසයො ච නානුසෙති. ද්වින්නං පුග්ගලානං සබ්බත්ථ පටිඝානුසයො ච නානුසෙති. කාමරාගානුසයො ච නානුසෙති.

182. යස්ස යත්ථ කාමරාගානුසයො නානුසෙති තස්ස තත්ථ මානානුසයො නානුසෙතීති: තිණ්ණං පුග්ගලානං රූපධාතුයා අරූපධාතුයා තෙසං තත්ථ කාමරාගානුසයො නානුසෙති. නො ච තෙසං තත්ථ මානානුසයො නානුසෙති. තෙසඤ්ඤෙව පුග්ගලානං දුක්ඛාය වෙදනාය අපරියාපන්නෙ තෙසං තත්ථ කාමරාගානුසයො ච නානුසෙති. මානානුසයො ච නානුසෙති. අනාගාමිස්ස කාමධාතුයා ද්වීසු වෙදනාසු රූපධාතුයා අරූපධාතුයා තස්ස තත්ථ කාමරාගානුසයො නානුසෙති. නො ච තස්ස තත්ථ මානානුසයො නානුසෙති. තස්සෙව පුග්ගලස්ස දුක්ඛාය වෙදනාය අපරියාපන්නෙ තස්ස තත්ථ කාමරාගානුසයො ච නානුසෙති. මානානුසයො ච නානුසෙති. අර හතො සබ්බත්ථ කාමරාගානුසයො ච නානුසෙති. මානානුසයො ච නානුසෙති.

යස්ස වා පන යත්ථ මානානුසයො නානුසෙති තස්ස තත්ථ කාමරාගානුසයො නානුසෙතීති: ආමන්තා.

183-184. යස්ස යත්ථ කාමරාගානුසයො නානුසෙති තස්ස තත්ථ දිට්ඨානුසයො -පෙ- විචිකිච්ඡානුසයො නානුසෙතීති: පුථුජ්ජනස්ස දුක්ඛාය වෙදනාය රූපධාතුයා අරූපධාතුයා තස්ස තත්ථ කාමරාගානුසයො නානුසෙති. නො ච තස්ස තත්ථ විචිකිච්ඡානුසයො නානුසෙති. තස්සෙව පුග්ගලස්ස අපරියාපන්නෙ තස්ස තත්ථ කාමරාගානුසයො ච නානුසෙති. විචිකිච්ඡානුසයො ච නානුසෙති. ද්වින්නං පුග්ගලානං සබ්බත්ථ කාමරාගානුසයො ච නානුසෙති. විචිකිච්ඡානුසයො ච නානුසෙති.

යස්ස වා පන යත්ථ විචිකිච්ඡානුසයො නානුසෙති තස්ස තත්ථ කාමරාගානුසයො නානුසෙතීති: ද්වින්නං පුග්ගලානං කාමධාතුයා ද්වීසු වෙදනාසු තෙසං තත්ථ විචිකිච්ඡානුසයො නානුසෙති. නො ච තෙසං තත්ථ කාමරාගානුසයො නානුසෙති. තෙසඤ්ඤෙව පුග්ගලානං දුක්ඛාය වෙදනාය රූපධාතුයා අපරියාපන්නෙ තෙසං තත්ථ විචිකිච්ඡානුසයො ච නානුසෙති. කාමරාගානුසයො ච නානුසෙති. ද්වින්නං පුග්ගලානං සබ්බත්ථ විචිකිච්ඡානුසයො ච නානුසෙති. කාමරාගානුසයො ච නානුසෙති.