109. යස්ස කාමරාගානුසයො නානුසෙති තස්ස පටිඝානුසයො නානුසෙතීති: ආමන්තා.

යස්ස වා පන පටිඝානුසයො නානුසෙති තස්ස කාමරාගානුසයො නානුසෙතීති: ආමන්තා.

110. යස්ස කාමරාගානුසයො නානුසෙති තස්ස මානානුසයො නානුසෙතීති: අනාගාමිස්ස කාමරාගානුසයො නානුසෙති, නො ච තස්ස මානානුසයො නානුසෙති. අරහතො කාමරාගානුසයො ච නානුසෙති, මානානුසයො ච නානුසෙති.

යස්ස වා පන මානානුසයො නානුසෙති තස්ස කාමරාගානුසයො නානුසෙතීති: ආමන්තා.

111-112. යස්ස කාමරාගානුසයො නානුසෙති තස්ස දිට්ඨානුසයො -පෙ- විචිකිච්ඡානුසයො නානුසසෙතීති: ආමන්තා.

යස්ස වා පන විචිකිච්ඡානුසයො නානුසෙති තස්ස කාමරාගානුසයො නානුසෙතීති: ද්වින්නං පුග්ගලානං විචිකිච්ඡානුසයො නානුසෙති. නො ච තෙසං කාමරාගානුසයො නානුසෙති. ද්වින්නං පුග්ගලානං විචිකිච්ඡානුසයො ච නානුසෙති, කාමරාගානුසයො ච නානුසෙති.

113-114. යස්ස කාමරාගානුසයො නානුසෙති තස්ස භවරාගානුසයො -පෙ- අවිජ්ජානුසයො නානුසෙතීති: අනාගාමිස්ස කාමරාගානුසයො නානුසෙති. නො ච තස්ස අවිජ්ජානුසයො නානුසෙති. අරහතො කාමරාගානුසයො ච නානුසෙති. අවිජ්ජානුසයො ච නානුසෙති.

යස්ස වා පන අවිජ්ජානුසයො නානුසෙති තස්ස කාමරාගානුසයො නානුසෙතීති: ආමන්තා.

115. යස්ස පටිඝානුසයො නානුසෙති තස්ස මානානුසයො නානුසෙතීති: අනාගාමිස්ස පටිඝානුසයො නානුසෙති. නො ච තස්ස මානානුසයො නානුසෙති. අරහතො පටිඝානුසයො ච නානුසෙති. මානානුසයො ච නානුසෙති.

යස්ස වා පන මානානුසයො නානුසෙති තස්ස පටිඝානුසයො නානුසෙතීති: ආමන්තා.

116-117. යස්ස පටිඝානුසයො නානුසෙති තස්ස දිට්ඨානුසයො -පෙ- විචිකිච්ඡානුසයො නානුසෙතීති: ආමන්තා.

යස්ස වා පන විචිකිච්ඡානුසයො නානුසෙති තස්ස පටිඝානුසයො නානුසෙතීති: ද්වින්නං පුග්ගලානං විචිකිච්ඡානුසයො නානුසෙති. නො ච තෙසං පටිඝානුසයො නානුසෙති. ද්වින්නං පුග්ගලානං විචිකිච්ඡානුසයො ච නානුසෙති, පටිඝානුසයො ච නානුසෙති.