396. යස්ස චක්ඛායතනං උප්පජ්ජති තස්ස සොතායතනං නිරුජ්ඣතීති: නො.

යස්ස වා පන සොතායතනං නිරුජ්ඣති තස්ස චක්ඛායතනං උප්පජ්ජතීති: නො.

397. යස්ස චක්ඛායතනං උප්පජ්ජති තස්ස ඝානායතනං -පෙ- රූපායතනං -පෙ- මනායතනං -පෙ- ධම්මායතනං නිරුජ්ඣතීති: නො.

යස්ස වා පන ධම්මායතනං නිරුජ්ඣති තස්ස චක්ඛායතනං උප්පජ්ජතීති: නො. -පෙ-

398. යස්ස මනායතනං උප්පජ්ජති තස්ස ධම්මායතනං නිරුජ්ඣතීති: නො.

යස්ස වා පන ධම්මායතනං නිරුජ්ඣති තස්ස මනායතනං උප්පජ්ජතීති: නො. (අනුලොමපුග්ගල)

399. යත්ථ චක්ඛායතනං උප්පජ්ජති -පෙ- (යත්ථකං නොති න තාතබ්බං යත්ථකං ඉතරෙසං යත්ථකානං සදිසං කාතබ්බං. යත්ථකං තීසුපි වාරෙසු සදිසං) (අනුලොම ඔකාස)

400. යස්ස යත්ථ මනායතනං උප්පජ්ජති තස්ස තත්ථ සොතායතනං නිරුජ්ඣතීති: නො.

යස්ස වා පන යත්ථ සොතායතනං නිරුජ්ඣති තස්ස තත්ථ චක්ඛායතනං උප්පජ්ජතීති: නො. -පෙ-

401. යස්ස යත්ථ මනායතනං උප්පජ්ජති තස්ස තත්ථ ධම්මායතනං නිරුජ්ඣතීති: නො.

යස්ස වා පන යත්ථ ධම්මායතනං නිරුජ්ඣති තස්ස තත්ථ මනායතනං උප්පජ්ජතීති: නො. (අනුලොම පුග්ගලොකාස)

402. යස්ස චක්ඛායතනං නූප්පජ්ජති තස්ස සොතායතනං න නිරුජ්ඣතීති: සසොතකානං චවන්තානං තෙසං චක්ඛායතනං නූප්පජ්ජති නො ච තෙසං මනායතනං න නිරුජ්ඣති. අචක්ඛුකානං උපපජ්ජන්තානං අසොතකානං චවන්තානං තෙසං චක්ඛායතනඤ්ච නූප්පජ්ජති සොතායතනඤ්ච න නිරුජ්ඣති.

යස්ස වා පන සොතායතනං න නිරුජ්ඣති තස්ස චක්ඛායතනං නූප්පජ්ජතීති: සචක්ඛුකානං උපපජ්ජන්තානං තෙසං සොතායතනං න නිරුජ්ඣති, නො ච තෙසං චක්ඛායතනං නූප්පජ්ජති. අසොතකානං චවන්තානං අචක්ඛුකානං උපජ්ජන්තානං තෙසං සොතායතනඤ්ච න නිරුජ්ඣති, චක්ඛායතනඤ්ච නූප්පජ්ජති.

403. යස්ස චක්ඛායතනං නූප්පජ්ජති තස්ස ඝානායතනං න නිරුජ්ඣතීති: සඝානකානං චවන්තානං තෙසං චක්ඛායතනං නූප්පජ්ජති. නො ච තෙසං ඝානායතනං න නිරුජ්ඣති. අචක්ඛුකානං උපපජ්ජන්තානං අඝානකානං චවන්තානං තෙසං චක්ඛායතනඤ්ච නූප්පජ්ජති, ඝානායතනඤ්ච න නිරුජ්ඣති.

යස්ස වා පන ඝානායතනං න නිරුජ්ඣති තස්ස චක්ඛායතනං නූප්පජ්ජතීති: සචක්ඛුකානං උපපජ්ජන්තානං තෙසං ඝානායතනං න නිරුජ්ඣති, නො ච තෙසං චක්ඛායතනං නූප්පජ්ජති. අඝානකානං චවන්තානං අචක්ඛුකානං උපපජ්ජන්තානං තෙසං ඝානායතනඤ්ච න නිරුජ්ඣති, චක්ඛායතනඤ්ච නූප්පජ්ජති.

404. යස්ස චක්ඛායතනං නූප්පජ්ජති තස්ස රූපායතනං න නිරුජ්ඣතීති: සරූපකානං චවන්තානං තෙසං චක්ඛායතනං නූප්පජ්ජති, නො ච තෙසං රූපායතනං න නිරුජ්ඣති. අචක්ඛුකානං උපපජ්ජන්තානං අරූපකානං චවන්තානං තෙසං චක්ඛායතනඤ්ච නූප්පජ්ජති, රූපායතනඤ්ච න නිරුජ්ඣති.

යස්ස වා පන රූපායතනං න නිරුජ්ඣති තස්ස චක්ඛායතනං නූප්පජ්ජතීති: සචක්ඛුකානං උපපජ්ජන්තානං තෙසං රූපායතනං න නිරුජ්ඣති. නො ච තෙසං චක්ඛායතනං නූප්පජ්ජති. අරූපකානං චවන්තානං අචක්ඛුකානං උපපජ්ජන්තානං තෙසං රූපායතනඤ්ච න නිරුජ්ඣති, චක්ඛායතනඤ්ච නූප්පජ්ජති.

405. යස්ස චක්ඛායතනං නූප්පජ්ජති තස්ස මනායතනං න නිරුජ්ඣතීති: සචිත්තකානං චවන්තානං තෙසං චක්ඛායතනං නූප්පජ්ජති. නො ච තෙසං මනායතනං න නිරුජ්ඣති. අචක්ඛුකානං උපපජ්ජන්තානං අචිත්තකානං චවන්තානං තෙසං චක්ඛායතනඤ්ච නූප්පජ්ජති, මනායතනඤ්ච න නිරුජ්ඣති.