227. යස්ස චක්ඛායතනං නිරුජ්ඣති තස්ස සොතායතනං නිරුජ්ඣතීති: සචක්ඛුකානං අසොතකානං චවන්තානං තෙසං චක්ඛායතනං නිරුජ්ඣති, නො ච තෙසං සොතායතනං නිරුජ්ඣති. සචක්ඛුකානං සසොතකානං චවන්තානං තෙසං චක්ඛායතනඤ්ච නිරුජ්ඣති, සොතායතනඤ්ච නිරුජ්ඣති.

යස්ස වා පන සොතායතනං නිරුජ්ඣති තස්ස චක්ඛායතනං නිරුජ්ඣතීති: සසොතකානං අචක්ඛුකානං චවන්තානං තෙසං සොතායතනං නිරුජ්ඣති, නො ච තෙසං චක්ඛායතනං නිරුජ්ඣති. සසොතකානං සචක්ඛුකානං චවන්තානං තෙසං සොතායතනඤ්ච නිරුජ්ඣති, චක්ඛායතනඤ්ච නිරුජ්ඣති.

228. යස්ස චක්ඛායතනං නිරුජ්ඣති තස්ස ඝානායතනං නිරුජ්ඣතීති: සචක්ඛුකානං අඝානකානං චවන්තානං තෙසං චක්ඛායතනං නිරුජ්ඣති. නො ච තෙසං ඝානායතනං නිරුජ්ඣති. සචක්ඛුකානං සඝානකානං චවන්තානං තෙසං චක්ඛායතනඤ්ච නිරුජ්ඣති, ඝානායතනඤ්ච නිරුජ්ඣති.

යස්ස වා පන ඝානායතනං නිරුජ්ඣති තස්ස චක්ඛායතනං නිරුජ්ඣතීති: සඝානකානං අචක්ඛුකානං චවන්තානං තෙසං ඝානායතනං නිරුජ්ඣති, නො ච තෙසං චක්ඛායතනං නිරුජ්ඣති. සඝානකානං සචක්ඛුකානං චවන්තානං තෙසං ඝානායතනඤ්ච නිරුජ්ඣති, චක්ඛායතනඤ්ච නිරුජ්ඣති.

229. යස්ස චක්ඛායතනං නිරුජ්ඣති තස්ස රූපායතනං නිරුජ්ඣතීති: ආමන්තා.

යස්ස වා පන රූපායතනං නිරුජ්ඣති තස්ස චක්ඛායතනං නිරුජ්ඣතීති: සරූපකානං අචක්ඛුකානං චවන්තානං තෙසං රූපායතනං නිරුජ්ඣති, නො ච තෙසං චක්ඛායතනං නිරුජ්ඣති. සචක්ඛුකානං චවන්තානං තෙසං රූපායතනඤ්ච නිරුජ්ඣති, චක්ඛායතනඤ්ච නිරුජ්ඣති.

230. යස්ස චක්ඛායතනං නිරුජ්ඣති තස්ස මනායතනං නිරුජ්ඣතීති: ආමන්තා.

යස්ස වා පන මනායතනං නිරුජ්ඣති තස්ස චක්ඛායතනං නිරුජ්ඣතීති: සචිත්තකානං අචක්ඛුකානං චවන්තානං තෙසං මනායතනං නිරුජ්ඣති, නො ච තෙසං චක්ඛායතනං නිරුජ්ඣති. සචක්ඛුකානං චවන්තානං තෙසං මනායතනඤ්ච නිරුජ්ඣති, චක්ඛායතනඤ්ච නිරුජ්ඣති.

231. යස්ස චක්ඛායතනං නිරුජ්ඣති තස්ස ධම්මායතනං නිරුජ්ඣතීති: ආමන්තා.

යස්ස වා පන ධම්මායතනං නිරුජ්ඣති තස්ස චක්ඛායතනං නිරුජ්ඣතීති: අචක්ඛුකානං චවන්තානං තෙසං ධම්මායතනං නිරුජ්ඣති, නො ච තෙසං චක්ඛායතනං නිරුජ්ඣති. සචක්ඛුකානං චවන්තානං තෙසං ධම්මායතනඤ්ච නිරුජ්ඣති, චක්ඛායතනඤ්ච නිරුජ්ඣති. (චක්ඛායතනමූලකං)

232. යස්ස ඝානායතනං නිරුජ්ඣති තස්ස රූපායතනං නිරුජ්ඣතීති: ආමන්තා.

යස්ස වා පන රූපායනං නිරුජ්ඣති තස්ස ඝානායතනං නිරුජ්ඣතීති: සරූපකානං අඝානකානං චවන්තානං තෙසං රූපායතනං නිරුජ්ඣති, නො ච තෙසං ඝානායතනං නිරුජ්ඣති. සඝානකානං චවන්තානං තෙසං රූපායතනඤ්ච නිරුජ්ඣති, ඝානායතනඤ්ච නිරුජ්ඣති.

233. යස්ස ඝානායතනං නිරුජ්ඣති තස්ස මනායතනං නිරුජ්ඣතීති: ආමන්තා.

යස්ස වා පන මනායතනං නිරුජ්ඣති තස්ස ඝානායතනං නිරුජ්ඣතීති: සචිත්තකානං අඝානකානං චවන්තානං තෙසං මනායතනං නිරුජ්ඣති, නො ච තෙසං ඝානායතනං නිරුජ්ඣති. සඝානකානං චවන්තානං තෙසං මනායතනඤ්ච නිරුජ්ඣති, ඝානායතනඤ්ච නිරුජ්ඣති.

234. යස්ස ඝානායතනං නිරුජ්ඣති තස්ස ධම්මායතනං නිරුජ්ඣතීති: ආමන්තා.

යස්ස වා පන ධම්මායතනං නිරුජ්ඣති තස්ස ඝානායතනං නිරුජ්ඣතීති: අඝානකානං චවන්තානං තෙසං ධම්මායතනං නිරුජ්ඣති, නො ච තෙසං ඝානායතනං නිරුජ්ඣති. සඝානකානං චවන්තානං තෙසං ධම්මායතනඤ්ච නිරුජ්ඣති, ඝානායතනඤ්ච නිරුජ්ඣති. (ඝානායතනමූලකං)