1. යස්ස චක්ඛායතනං උප්පජ්ජති, තස්ස සොතායතනං උප්පජ්ජතීති: සචක්ඛුකානං අසොතකානං උපපජ්ජන්තානං තෙසං චක්ඛායතනං උප්පජ්ජති, නො ච තෙසං සොතායතනං උප්පජ්ජති. සචක්ඛුකානං සසොතකානං උපපජ්ජන්තානං තෙසං චක්ඛායතනඤ්ච උප්පජ්ජති. සොතායතනඤ්ච උප්පජ්ජති.

යස්ස වා පන සොතායතනං උප්පජ්ජති, තස්ස චක්ඛායතනං උප්පජ්ජතීති: සසොතකානං අචක්ඛුකානං උපපජ්ජන්තානං තෙසං සොතායතනං උප්පජ්ජති, නො ච තෙසං චක්ඛායතනං උප්පජ්ජති. සසොතකානං සචක්ඛුකානං උපපජ්ජන්තානං තෙසං සොතායතනඤ්ච උප්පජ්ජති, චක්ඛායතනඤ්ච උප්පජ්ජති.

2. යස්ස චක්ඛායතනං උප්පජ්ජති, තස්ස ඝානායතනං උප්පජ්ජතීති: සචක්ඛුකානං අසොතකානං උපපජ්ජන්තානං තෙසං චක්ඛායතනං උප්පජ්ජති, නො ච තෙසං ඝානායතනං උප්පජ්ජති. සචක්ඛුකානං අඝානකානං උපපජ්ජන්තානං තෙසං චක්ඛායතනඤ්ච උප්පජ්ජතී, ඝානායතනඤ්ච උප්පජ්ජති.

යස්ස වා පන ඝානායතනං උප්පජ්ජති, තස්ස චක්ඛායතනං උප්පජ්ජතීති: සඝානකානං අචක්ඛුකානං උපපජ්ජන්තානං තෙසං ඝානායතනං උප්පජ්ජති, නො ච තෙසං චක්ඛායතනං උප්පජ්ජති. සඝානකානං සචක්ඛුකානං උපපජ්ජන්තානං තෙසං ඝානායතනඤ්ච උප්පජ්ජති, චක්ඛායතනඤ්ච උප්පජ්ජති.

3. යස්ස චක්ඛායතනං උප්පජ්ජති, තස්ස රූපායතනං උප්පජ්ජතීති: ආමන්තා.

යස්ස වා පන රූපායතනං උප්පජ්ජති, තස්ස චක්ඛායතනං උප්පජ්ජතීති: සරූපකානං අචක්ඛුකානං උපපජ්ජන්තානං තෙසං රූපායතනං උප්පජ්ජති, නො ච තෙසං චක්ඛායතනං උප්පජ්ජති, සචක්ඛුකානං උපපජ්ජන්තානං තෙසං රූපායතනඤ්ච උප්පජ්ජති, චක්ඛායතනඤ්ච උප්පජ්ජති.

4. යස්ස චක්ඛායතනං උප්පජ්ජති, තස්ස මනායතනං උප්පජ්ජතීති: ආමන්තා.

යස්ස වා පන මනායතනං උප්පජ්ජති, තස්ස චක්ඛායතනං උප්පජ්ජතීති : සචිත්තකානං අචක්ඛුකානං උපජ්ජන්තානං තෙසං මනායතනං උප්පජ්ජති, නො ච තෙසං චක්ඛායතනං උප්පජ්ජති, සචක්ඛුකානං උපපජ්ජන්තානං තෙසං මනායතනඤ්ච උප්පජ්ජති, චක්ඛායතනඤ්ච උප්පජ්ජති.

5. යස්ස චක්ඛායතනං උප්පජ්ජති, තස්ස ධම්මායතනං උප්පජ්ජතීති: ආමන්තා.

යස්ස වා පන ධම්මායතනං උප්පජ්ජති, තස්ස චක්ඛායතනං උප්පජ්ජතීති: අචක්ඛුකානං උපපජ්ජන්තානං තෙසං ධම්මායතනං උප්පජ්ජති, නො ච තෙසං චක්ඛායතනං උප්පජ්ජති, සචක්ඛුකානං උපපජ්ජන්තානං තෙසං ධම්මායතනඤ්ච උප්පජ්ජති. චක්ඛායතනඤ්ච උප්පජ්ජති. චක්ඛායතනමූලකං.

6. යස්ස ඝානායතනං උප්පජ්ජති, තස්ස රූපායතනං උප්පජ්ජතීති: ආමන්තා.

යස්ස වා පන රූපායතනං උප්පජ්ජති, තස්ස ඝානායතනං උප්පජ්ජතීති: සරූපකානං අඝානකානං උපපජ්ජන්තානං තෙසං රූපායතනං උප්පජ්ජති, නො ච තෙසං ඝානායතනං උප්පජ්ජති. සඝානකානං උපපජ්ජන්තානං තෙසං රූපායතනඤ්ච උප්පජ්ජති, ඝානායතනඤ්ච උප්පජ්ජති.

7. යස්ස ඝානායතනං උප්පජ්ජති, තස්ස මනායතනං උප්පජ්ජතීති: ආමන්තා.

යස්ස වා පන මනායතනං උප්පජ්ජති, තස්ස ඝානායතනං උප්පජ්ජතීති : සචිත්තකානං අඝානකානං උපපජ්ජන්තානං තෙසං මනායතනං උප්පජ්ජති, නො ච තෙසං ඝානායතනං උප්පජ්ජති. සඝානකානං උපපජ්ජන්තානං තෙසං මනායතනඤ්ච උප්පජ්ජති ඝානායතනඤ්ච උප්පජ්ජති.

8. යස්ස ඝානායතනං උප්පජ්ජති, තස්ස ධම්මායතනං උප්පජ්ජතීති: ආමන්තා.

යස්ස වා පන ධම්මායතනං උප්පජ්ජති, තස්ස ඝානායතනං උප්පජ්ජතීති: අඝානකානං උපපජ්ජන්තානං තෙසං ධම්මායතනං උප්පජ්ජති. නො ච තෙසං ඝානායතනං උප්පජ්ජති, සඝානකානං උපපජ්ජන්තානං තෙසං ධම්මායතනඤ්ච උප්පජ්ජති, ඝානායතනඤ්ච උප්පජ්ජති. (ඝානායතනමූලකං)

9. යස්ස රූපායතනං උප්පජ්ජති, තස්ස මනායතනං උප්පජ්ජතීති: අචිත්තකානං උපපජ්ජන්තානං තෙසං රූපායතනං උප්පජ්ජති, නො ච තෙසං මනායතනං උප්පජ්ජති. සරූපකානං සචිත්තකානං උපපජ්ජන්තානං තෙසං රූපායතනඤ්ච උප්පජ්ජති, මනායතනඤ්ච උප්පජ්ජති.

යස්ස වා පන මනායතනං උප්පජ්ජති, තස්ස රූපායතනං උප්පජ්ජතීති : අරූපකානං උපපජ්ජන්තානං තෙසං මනායතනං උප්පජ්ජති, නො ච තෙසං රූපායතනං උප්පජ්ජති. සචිත්තකානං සරූපකානං උපපජ්ජන්තානං තෙසං මනායතනඤ්ච උප්පජ්ජති, රූපායතනඤ්ච උප්පජ්ජති.