109. යස්ස චක්ඛුන්ද්රියං උප්පජ්ජිස්සති තස්ස සොතින්ද්රියං උප්පජ්ජිස්සතී’ති: ආමන්තා.
යස්ස වා පන සොතින්ද්රියං උප්පජ්ජිස්සති තස්ස චක්ඛුන්ද්රියං උප්පජ්ජිස්සතී’ති: ආමන්තා.
යස්ස චක්ඛුන්ද්රියං උප්පජ්ජිස්සති තස්ස ඝානින්ද්රියං උප්පජ්ජිස්සතී’ති: යෙ රූපාවචරං උප්පජ්ජිත්වා පරිනිබ්බායිස්සන්ති තෙසං චක්ඛුන්ද්රියං උප්පජ්ජිස්සති, නො ච තෙසං ඝානින්ද්රියං උප්පජ්ජිස්සති. ඉතරෙසං චක්ඛුන්ද්රියඤ්ච උප්පජ්ජිස්සති, ඝානින්ද්රියඤ්ච උප්පජ්ජිස්සති.
යස්ස වා පන ඝානින්ද්රියං උප්පජ්ජිස්සති තස්ස චක්ඛුන්ද්රියං උප්පජ්ජිස්සතී’ති: ආමන්තා.
යස්ස චක්ඛුන්ද්රියං උප්පජ්ජිස්සති තස්ස ඉත්ථින්ද්රියං උප්පජ්ජිස්සතී’ති: යෙ රූපාවචරං උපපජ්ජිත්වා පරිනිබ්බායිස්සන්ති, යෙ ච පුරිසා එතෙනෙව භාවෙන කතිචි භවෙ දස්සෙත්වා පරිනිබ්බායිස්සන්ති තෙසං චක්ඛුන්ද්රියං උප්පජ්ජිස්සති, නො ච තෙසං ඉත්ථින්ද්රියං උප්පජ්ජිස්සති. ඉතරෙසං චක්ඛුන්ද්රියඤ්ච උප්පජ්ජිස්සති, ඉත්ථින්ද්රියඤ්ච උප්පජ්ජිස්සති.
යස්ස වා පන ඉත්ථින්ද්රියං උප්පජ්ජිස්සති තස්ස චක්ඛුන්ද්රියං උප්පජ්ජිස්සතී’ති: ආමන්තා.
යස්ස චක්ඛුන්ද්රියං උප්පජ්ජිස්සති තස්ස පුරිසින්ද්රියං උප්පජ්ජිස්සතී’ති: යෙ රූපාවචරං උපපජ්ජිත්වා පරිනිබ්බායිස්සන්ති, යා ච ඉත්ථියො එතෙනෙව භාවෙන කතිචි භවෙ දස්සෙත්වා පරිනිබ්බායිස්සන්ති තෙසං චක්ඛුන්ද්රියං උප්පජ්ජිස්සති, නො ච තෙසං පුරිසින්ද්රියං උප්පජ්ජිස්සති. ඉතරෙසං චක්ඛුන්ද්රියඤ්ච උප්පජ්ජිස්සති, පුරිසින්ද්රියඤ්ච උප්පජ්ජිස්සති.
යස්ස වා පන පුරිසින්ද්රින්ද්රියං උප්පජ්ජිස්සති තස්ස චක්ඛුන්ද්රියං උප්පජ්ජිස්සතී’ති: ආමන්තා.
යස්ස චක්ඛුන්ද්රියං උප්පජ්ජිස්සති තස්ස ජීවිතින්ද්රියං උප්පජ්ජිස්සතී’ති: ආමන්තා.
යස්ස වා පන ජීවිතින්ද්රියං උප්පජ්ජිස්සති තස්ස චක්ඛුන්ද්රියං උප්පජ්ජිස්සතී’ති: යෙ අරූපං උපපජ්ජිත්වා පරිනිබ්බායිස්සන්ති තෙසං ජීවිතින්ද්රියං උප්පජ්ජිස්සති, නො ච තෙසං චක්ඛුන්ද්රියං උප්පජ්ජිස්සති. ඉතරෙසං ජීවිතින්ද්රියඤ්ච උප්පජ්ජිස්සති, චක්ඛුන්ද්රියඤ්ච උප්පජ්ජිස්සති.
යස්ස චක්ඛුන්ද්රියං උප්පජ්ජිස්සති තස්ස සොමනස්සින්ද්රියං උප්පජ්ජිස්සතී’ති: යෙ සචක්ඛුකා උපෙක්ඛාය උපපජ්ජිත්වා පරිනිබ්බායිස්සන්ති තෙසං චක්ඛුන්ද්රියං උප්පජ්ජිස්සති, නො ච තෙසං සොමනස්සින්ද්රියං උප්පජ්ජිස්සති. ඉතරෙසං චක්ඛුන්ද්රියඤ්ච උප්පජ්ජිස්සති, සොමනස්සින්ද්රියඤ්ච උප්පජ්ජිස්සති.
යස්ස වා පන සොමනස්සින්ද්රියං උප්පජ්ජිස්සති තස්ස චක්ඛුන්ද්රියං උප්පජ්ජිස්සතී’ති: ආමන්තා.
යස්ස චක්ඛුන්ද්රියං උප්පජ්ජිස්සති තස්ස උපෙක්ඛින්ද්රියං උප්පජ්ජිස්සතී’ති: යෙ සචක්ඛුකා සොමනස්සෙන උප්පජ්ජිත්වා පරිනිබ්බායිස්සන්ති තෙසං චක්ඛුන්ද්රියං උප්පජ්ජිස්සති, නො ච තෙසං උපෙක්ඛින්ද්රියං උප්පජ්ජිස්සති. ඉතරෙසං චක්ඛුන්ද්රියඤ්ච උප්පජ්ජිස්සති, උපෙක්ඛින්ද්රියඤ්ච උප්පජ්ජිස්සති.
යස්ස වා පන උපෙක්ඛින්ද්රියං උප්පජ්ජිස්සති තස්ස චක්ඛුන්ද්රියං උප්පජ්ජිස්සතී’ති: යෙ අරූපං උපපජ්ජිත්වා පරිනිබ්බායිස්සන්ති තෙසං උපෙක්ඛින්ද්රියං උප්පජ්ජිස්සති, නො ච තෙසං චක්ඛුන්ද්රියං උප්පජ්ජිස්සන්ති. ඉතරෙසං උපෙක්ඛින්ද්රියඤ්ච උප්පජ්ජිස්සති, චක්ඛුන්ද්රියඤ්ච උප්පජ්ජිස්සති.
යස්ස චක්ඛුන්ද්රියං උප්පජ්ජිස්සති තස්ස සද්ධින්ද්රියං -පෙ- පඤ්ඤින්ද්රියං -පෙ- මනින්ද්රියං උප්පජ්ජිස්සතී’ති: ආමන්තා.
යස්ස වා පන මනින්ද්රියං උප්පජ්ජිස්සති තස්ස චක්ඛුන්ද්රියං උප්පජ්ජිස්සතී’ති: යෙ අරූපං උපපජ්ජිත්වා පරිනිබ්බායිස්සන්ති තෙසං මනින්ද්රියං උප්පජ්ජිස්සති, නො ච තෙසං චක්ඛුන්ද්රියං උප්පජ්ජිස්සති. ඉතරෙසං මනින්ද්රියඤ්ච උප්පජ්ජිස්සති, චක්ඛුන්ද්රියඤ්ච උප්පජ්ජිස්සති.