2. න චක්ඛු න චක්ඛුන්ද්රියන්ති: ආමන්තා. න චක්ඛුන්ද්රියං න චක්ඛූ’ති: දිබ්බචක්ඛු පඤ්ඤාචක්ඛු න චක්ඛුන්ද්රියං, චක්ඛු. චක්ඛුං ච චක්ඛුන්ද්රියඤ්ච ඨපෙත්වා අවසෙසා න චෙව චක්ඛු, න ච චක්ඛුන්ද්රියං.

සොතං න සොතින්ද්රියන්ති: ආමන්තා. න සොතින්ද්රියං න සොතන්ති: දිබ්බසොතං තණ්හාසොතං න සොතින්ද්රියං, සොතං. සොතඤ්ච සොතින්ද්රියඤ්ච ඨපෙත්වා අවසෙසා න චෙව සොතං, න ච සොතින්ද්රියං.

න ඝානං න ඝානින්ද්රියන්ති: ආමන්තා. න ඝානින්ද්රියං න ඝානන්ති: ආමන්තා.

න ජිව්හා න ජිව්හින්ද්රියන්ති: ආමන්තා. න ජිව්හින්ද්රියං න ජිව්හා’ති: ආමන්තා.

න කායො න කායින්ද්රියන්ති: ආමන්තා. න කායින්ද්රියං න කායො’ති: කායින්ද්රියං ඨපෙත්වා අවසෙසො කායො න කායින්ද්රියං, කායො. කායඤ්ච කායින්ද්රියඤ්ච ඨපෙත්වා අවසෙසා න චෙ ව කායො, න ච කායින්ද්රියං.

න මනො න මනින්ද්රියන්ති: ආමන්තා. න මනින්ද්රියං න මනො’ති: ආමන්තා.

න ඉත්ථි න ඉත්ථින්ද්රියන්ති: ඉත්ථින්ද්රියං න ඉත්ථි, ඉත්ථින්ද්රියං. ඉත්ථිඤ්ච ඉත්ථින්ද්රියඤ්ච ඨපෙත්වා අවසෙසා න චෙව ඉත්ථි, න ච ඉත්ථින්ද්රියං. න ඉත්ථින්ද්රියං න ඉත්ථි’ති: ඉත්ථි න ඉත්ථින්ද්රියං, ඉත්ථි. ඉත්ථිඤ්ච ඉත්ථින්ද්රියඤ්ච ඨපෙත්වා අවසෙසා න චෙව ඉත්ථි, න ච ඉත්ථින්ද්රියං.

න පුරිසො න පුරිසින්ද්රියන්ති: පුරිසින්ද්රියං න පුරිසො, පුරිසින්ද්රියං: පුරිසඤ්ච පුරිසින්ද්රියඤ්ච ඨපෙත්වා අවසෙසා න චෙව පුරිසො, න ච පුරිසින්ද්රියං. න පුරිසින්ද්රියං න පුරිසො’ති: පුරිසො න පුරිසින්ද්රියං, පුරිසො. පුරිසඤ්ච පුරිසින්ද්රියඤ්ච ඨපෙත්වා අවසෙසා න චෙව පුරිසො, න ච පුරිසින්ද්රියං.

න ජීවිතං න ජීවිතින්ද්රියන්ති: ආමන්තා. න ජීවිතින්ද්රියං න ජීවිතන්ති: ආමන්තා.

න සුඛං න සුඛින්ද්රියන්ති: ආමන්තා. න සුඛින්ද්රියං න සුඛන්ති ආමන්තා.

න දුක්ඛං න දුක්ඛින්ද්රියන්ති: ආමන්තා. න දුක්ඛින්ද්රියං න දුක්ඛන්ති: ආමන්තා.

න සොමනස්සං න සොමනස්සින්ද්රියන්ති: ආමන්තා. න සොමනස්සින්ද්රියං න සොමනස්සන්ති: ආමන්තා.

න දොමනස්සං න දොමනස්සින්ද්රියන්ති: ආමන්තා. න දොමනස්සින්ද්රියං න දොමනස්සන්ති: ආමන්තා.

න උපෙක්ඛා න උපෙක්ඛින්ද්රියන්ති: ආමන්තා. න උපෙක්ඛින්ද්රියං න උපෙක්ඛා’ති: උපෙක්ඛින්ද්රියං ඨපෙත්වා අවසෙසා උපෙක්ඛා න උපෙක්ඛින්ද්රියං උපෙක්ඛා. උපෙක්ඛඤ්ච උපෙක්ඛින්ද්රියඤ්ච ඨපෙත්වා අවසෙසා න චෙව උපෙක්ඛා. න ච උපෙක්ඛින්ද්රියං.

න සද්ධා න සද්ධින්ද්රියන්ති: ආමන්තා. න සද්ධින්ද්රියං න සද්ධා’ති. ආමන්තා.

න විරියං න විරියින්ද්රියන්ති: ආමන්තා. න විරියින්ද්රියං න විරියන්ති: ආමන්තා.

න සති න සතින්ද්රියන්ති: ආමන්තා. න සතින්ද්රියං න සතී’ති: ආමන්තා.

න සමාධි න සමාධින්ද්රියන්ති: ආමන්තා. න සමාධින්ද්රියං න සමාධී’ති: ආමන්තා.