අතීතාරම්මණං හෙතුං ධම්මං පටිච්ච අතීතාරම්මණො හෙතුධම්මො උප්පජ්ජති හෙතුපච්චයා, අනාගතාරම්මණං හෙතුං ධම්මං පටිච්ච අනාගතාරම්මණො හෙතුධම්මො උප්පජ්ජති හෙතුපච්චයා, පච්චුප්පන්නාරම්මණං හෙතුං ධම්මං පටිච්ච පච්චුප්පන්නාරම්මණො හෙතුධම්මො උප්පජ්ජති හෙතුපච්චයා, හෙතුයා තීණි, ආරම්මණෙ තීණි, අවිගතෙ තීණි, න අධිපතියා තීණි, න පුරෙජාතෙ තීණි, න පච්ඡාජාතෙ තීණි, න ආසෙවනෙ තීණි, න විපාකෙ තීණි, න විප්පයුත්තෙ ද්වෙ, (සහජාතවාරංපි සම්පයුත්තවාරංපි පටිච්චවාරසදිසං.)

අතීතාරම්මණො හෙතුධම්මො අතීතාරම්මණස්ස හෙතුස්ස ධම්මස්ස හෙතුපච්චයෙන පච්චයො. අනාගතාරම්මණො හෙතුධම්මො අනාගතාරම්මණස්ස හෙතුස්ස ධම්මස්ස හෙතුපච්චයෙන පච්චයො, පච්චුප්පන්නාරම්මණො හෙතුධම්මො පච්චුප්පන්නාරම්මණස්ස හෙතුස්ස ධම්මස්ස හෙතුපච්චයෙන පච්චයො, අතීතාරම්මණො හෙතුධම්මො අතීතාරම්මණස්ස හෙතුස්ස ධම්මස්ස ආරම්මණපච්චයෙන පච්චයො. අතීතාරම්මණො හෙතුධම්මො අනාගතාරම්මණස්ස හෙතුස්ස ධම්මස්ස ආරම්මණපච්චයෙන පච්චයො. අතීතාරම්මණො හෙතුධම්මො පච්චුප්පන්නාරම්මණස්ස හෙතුස්ස ධම්මස්ස ආරම්මණ පච්චයෙන පච්චයො. අනාගතාරම්මණො හෙතුධම්මො අනාගතාරම්මණස්ස හෙතුස්ස ධම්මස්ස ආරම්මණපච්චයෙන පච්චයො, තීණි. පච්චුප්පන්නාරම්මණො හෙතුධම්මො පච්චුප්පන්නාරම්මස්ස හෙතුස්ස ධම්මස්ස ආරම්මණපච්චයෙන පච්චයො, තීණි. හෙතුයා තීණි, ආරම්මණෙ නව, අධිපතියා සත්ත, අනන්තරෙ ඡ, සමනන්තරෙ ඡ, සහජාතෙ තීණි, අඤ්ඤමඤ්ඤෙ තීණි, නිස්සයෙ තීණි, උපනිස්සයෙ නව, අවිගතෙ තීණි, න හෙතුයා නව, න ආරම්මණෙ නව, හෙතුපච්චයා න ආරම්මණෙ තීණි. න හෙතුපච්චයා ආරම්මණෙ නව, (යථා කුසලත්තිකෙ පඤ්හාවාරංපි එවං විත්ථාරෙතබ්බං.) අතීතාරම්මණං න හෙතුං ධම්මං පටිච්ච අතීතාරම්මණො න හෙතුධම්මො උප්පජ්ජති හෙතුපච්චයා. අනාගතාරම්මණං න හෙතුං ධම්මං පටිච්ච අනාගතාරම්මණො න හෙතුධම්මො උප්පජ්ජති හෙතුපච්චයා, පච්චුප්පන්නාරම්මණං න හෙතුං ධම්මං පටිච්ච පච්චුප්පන්නාරම්මණො න හෙතුධම්මො උප්පජ්ජති හෙතුපච්චයා. හෙතුයා තීණි, ආරම්මණෙ තීණි, අධිපතියා තීණි, අවිගතෙ තීණි, න හෙතුයා තීණි, න අධිපතියා තීණි, න පුරෙජාතෙ තීණි, න පච්ඡාජාතෙ තීණි. න ආසෙවනෙ තීණි, න කම්මෙ තීණි. න විපාකෙ තීණි, න ඣානෙ එකං, න මග්ගෙ තීණි, න විප්පයුත්තෙ තීණි, (සහජාතවාරංපි සම්පයුත්තවාරංපි පටිච්චවාරසදිසං.)

අතීතාරම්මණො න හෙතුධම්මො අතීතාරම්මණස්ස න හෙතුස්ස ධම්මස්ස ආරම්මණපච්චයෙන පච්චයො, තීණි. අනාගතාරම්මණො න හෙතුධම්මො අනාගතාරම්මණස්ස න හෙතුස්ස ධම්මස්ස ආරම්මණ පච්චයෙන පච්චයො, තීණි. පච්චුප්පන්නාරම්මණො න හෙතුධම්මො පච්චුප්පන්නාරම්මණස්ස න හෙතුස්ස ධම්මස්ස ආරම්මණපච්චයෙන පච්චයො, තීණි. ආරම්මණෙ නව, අධිපතියා සත්ත, අවිගතෙ තීණි, න හෙතුයා නව, න ආරම්මණෙ නව, ආරම්මණපච්චයා න හෙතුයා නව, න හෙතුපච්චයා ආරම්මණෙ නව, (යථා කුසලත්තිකෙ පඤ්හාවාරංපි එවං විත්ථාරෙතබ්බං.)