20. අජ්ඣත්ත හෙතු තිකදුකං.
අජ්ඣත්තං හෙතුං ධම්මං පටිච්ච අජ්ඣත්තො හෙතුධම්මො උප්පජ්ජති හෙතුපච්චයා, බහිද්ධා හෙතුං ධම්මං පටිච්ච බහිද්ධා හෙතුධම්මො උප්පජ්ජති හෙතුපච්චයා, හෙතුයා ද්වෙ, ආරම්මණෙ ද්වෙ, අවිගතෙ ද්වෙ, න අධිපතියා ද්වෙ, න පුරෙජාතෙ ද්වෙ, න පච්ඡාජාතෙ ද්වෙ, න ආසෙවනෙ ද්වෙ, න විපාකෙ ද්වෙ, න විප්පයුත්තෙ ද්වෙ, (සහජාතවාරංපි සම්පයුත්තවාරංපි පටිච්චවාරසදිසං.)
අජ්ඣත්තො හෙතුධම්මො අජ්ඣත්තස්ස හෙතුස්ස ධම්මස්ස හෙතුපච්චයෙන පච්චයො. බහිද්ධා හෙතුධම්මො බහිද්ධා හෙතුස්ස ධම්මස්ස හෙතුපච්චයෙන පච්චයො, අජ්ඣත්තො හෙතුධම්මො අජ්ඣත්තස්ස හෙතුස්ස ධම්මස්ස ආරම්මණපච්චයෙන පච්චයො, අජ්ඣත්තො හෙතු ධම්මො බහිද්ධා හෙතුස්ස ධම්මස්ස ආරම්මණපච්චයෙන පච්චයො, බහිද්ධා හෙතුධම්මො බහිද්ධා හෙතුස්ස ධම්මස්ස ආරම්මණපච්චයෙන පච්චයො. බහිද්ධා හෙතුධම්මො අජ්ඣත්තස්ස හෙතුස්ස ධම්මස්ස ආරම්මණපච්චයෙන පච්චයො අජ්ඣත්තො හෙතුධම්මො අජ්ඣත්තස්ස හෙතුස්ස ධම්මස්ස අධිපතිපච්චයෙන පච්චයො. බහිද්ධා හෙතුධම්මො බහිද්ධා හෙතුස්ස ධම්මස්ස අධිපතිපච්චයෙන පච්චයො, අජ්ඣත්තො හෙතුධම්මො අජ්ඣත්තස්ස හෙතුස්ස ධම්මස්ස අනන්තරපච්චයෙන පච්චයො. බහිද්ධා හෙතුධම්මො බහිද්ධා හෙතුස්ස ධම්මස්ස අනන්තරපච්චයෙන පච්චයො. හෙතුයා ද්වෙ, ආරම්මණෙ චත්තාරි, අධිපතියා ද්වෙ, අනන්තරෙ ද්වෙ, සමනන්තරෙ ද්වෙ, සහජාතෙ ද්වෙ, අඤ්ඤමඤ්ඤෙ ද්වෙ, නිස්සයෙ ද්වෙ, උපනිස්සයෙ චත්තාරි, අවිගතෙ ද්වෙ, න හෙතුයා චත්තාරි, න ආරම්මණෙ චත්තාරි, හෙතුපච්චයා න ආරම්මණෙ චත්තාරි, (යථා කුසලත්තිකෙ පඤ්හාවාරංපි එවං විත්ථාරෙතබ්බං.)
අජ්ඣත්තං න හෙතුං ධම්මං පටිච්ච අජ්ඣත්තා න හෙතුධම්මො උප්පජ්ජති හෙතුපච්චයා. බහිද්ධා න හෙතුං ධම්මං පටිච්ච බහිද්ධා න හෙතුධම්මො උප්පජ්ජති හෙතුපච්චයා, හෙතුයා ද්වෙ, ආරම්මණෙ ද්වෙ, අවිගතෙ ද්වෙ, න හෙතුයා ද්වෙ, න අධිපතියා ද්වෙ, න විප්පයුත්තෙ ද්වෙ, (සහජාතවාරංපි සම්පයුත්තවාරංපි පටිච්චවාර සදිසං.)
අජ්ඣත්තො න හෙතුධම්මො අජ්ඣත්තස්ස න හෙතුස්ස ධම්මස්ස ආරම්මණපච්චයෙන පච්චයො, අජ්ඣත්තො න හෙතුධම්මො බහිද්ධා න හෙතුස්ස ධම්මස්ස ආරම්මණපච්චයෙන පච්චයො. බහිද්ධා න හෙතු ධම්මො බහිද්ධා න හෙතුස්ස ධම්මස්ස ආරම්මණපච්චයෙන පච්චයො. බහිද්ධා න හෙතුධම්මො අජ්ඣත්තස්ස න හෙතුස්ස ධම්මස්ස ආරම්මණ
පච්චයෙන පච්චයො. ආරම්මණෙ චත්තාරි, අධිපතියා චත්තාරි, අනන්තරෙ ද්වෙ, උපනිස්සයෙ චත්තාරි, අවිගතෙ ද්වෙ, න හෙතුයා චත්තාරි, න ආරම්මණෙ චත්තාරි, ආරම්මණපච්චයා න හෙතුයා චත්තාරි, න හෙතු පච්චයා ආරම්මණෙ චත්තාරි, (යථා කුසලත්තිකෙ පඤ්හාවාරංපි එවං විත්ථාරෙතබ්බං.)
අජ්ඣත්ත හෙතු තිකදුකං නිට්ඨිතං.
21. අජ්ඣත්තාරම්මණ හෙතු තිකදුකං.
අජ්ඣත්තාරම්මණං හෙතුං ධම්මං පටිච්ච අජ්ඣත්තාරම්මණො හෙතුධම්මො උප්පජ්ජති හෙතුපච්චයා, බහිද්ධාරම්මණං හෙතුං ධම්මං පටිච්ච බහිද්ධාරම්මණො හෙතුධම්මො උප්පජ්ජති හෙතුපච්චයා, හෙතුයා ද්වෙ, ආරම්මණෙ ද්වෙ, අවිගතෙ ද්වෙ, න අධිපතියා ද්වෙ, න පුරෙජාතෙ ද්වෙ, න පච්ඡාජාතෙ ද්වෙ, ආසෙවනෙ ද්වෙ, න විපාකෙ ද්වෙ, න විප්පයුත්තෙ ද්වෙ, (සහජාතවාරංපි සම්පයුත්තවාරංපි පටිච්චවාරසදිසං.)
අජ්ඣත්තාරම්මණො හෙතුධම්මො අජ්ඣත්තාරම්මණස්ස හෙතුස්ස ධම්මස්ස හෙතුපච්චයෙන පච්චයො. බහිද්ධාරම්මණො හෙතුධම්මො බහිද්ධාරම්මණස්ස හෙතුස්ස ධම්මස්ස හෙතුපච්චයෙන පච්චයො, අජ්ඣත්තාරම්මණො හෙතුධම්මො අජ්ඣත්තාරම්මණස්ස හෙතුස්ස ධම්මස්ස ආරම්මණපච්චයෙන පච්චයො, අජ්ඣත්තාරම්මණො හෙතුධම්මො බහිද්ධාරම්මණස්ස හෙතුස්ස ධම්මස්ස ආරම්මණපච්චයෙන පච්චයො, බහිද්ධාරම්මණො හෙතුධම්මො බහිද්ධාරම්මණස්ස හෙතුස්ස ධම්මස්ස ආරම්මණපච්චයෙන පච්චයො. බහිද්ධාරම්මණො හෙතුධම්මො අජ්ඣත්තාරම්මණස්ස හෙතුස්ස ධම්මස්ස ආරම්මණපච්චයෙන පච්චයො. හෙතුයා ද්වෙ, ආරම්මණෙ චත්තාරි, අධිපතියා තීණි, අනන්තරෙ චත්තාරි, සමනන්තරෙ චත්තාරි, උපනිස්සයෙ චත්තාරි, අවිගතෙ ද්වෙ, න හෙතුයා චත්තාරි, න ආරම්මණෙ චත්තාරි, හෙතුපච්චයා න ආරම්මණෙ ද්වෙ, න හෙතු පච්චයා ආරම්මණෙ චත්තාරි, (යථා කුසලත්තිකෙ පඤ්හාවාරංපි එවං විත්ථාරෙතබ්බං.)
අජ්ඣත්තාරම්මණං න හෙතුං ධම්මං පටිච්ච අජ්ඣත්තාරම්මණො න හෙතුධම්මො උප්පජ්ජති හෙතුපච්චයා. බහිද්ධාරම්මණං න හෙතුං ධම්මං පටිච්ච බහිද්ධාරම්මණො න හෙතුධම්මො උප්පජ්ජති හෙතුපච්චයා, හෙතුයා ද්වෙ, ආරම්මණෙ ද්වෙ, අවිගතෙ ද්වෙ, (සහජාතවාරංපි සම්පයුත්තවාරංපි පටිච්චවාර සදිසං.) අජ්ඣත්තාරම්මණො න හෙතුධම්මො අජ්ඣත්තාරම්මණස්ස න හෙතුස්ස ධම්මස්ස ආරම්මණපච්චයෙන පච්චයො.