මග්ගාරම්මණං හෙතුං ධම්මං පටිච්ච මග්ගාරම්මණො හෙතුධම්මො උප්පජ්ජති හෙතුපච්චයා, තීණි. මග්ගහෙතුකං හෙතුං ධම්මං පටිච්ච මග්ගහෙතුකො හෙතුධම්මො උප්පජ්ජති හෙතුපච්චයා, තීණි. මග්ගාධිපතිං හෙතුං ධම්මං පටිච්ච මග්ගාධිපති හෙතු ධම්මො උප්පජ්ජති හෙතුපච්චයා, පඤ්ච, මග්ගාරම්මණං හෙතුඤ්ච මග්ගාධිපතිං හෙතුඤ්ච ධම්මං පටිච්ච මග්ගාරම්මණො හෙතු ධම්මො උප්පජ්ජති හෙතුපච්චයා, තීණි. මග්ගහෙතුකං හෙතුඤ්ච මග්ගාධිපතිං හෙතුඤ්ච ධම්මං පටිච්ච මග්ගහෙතුකො හෙතුධම්මො උප්පජ්ජති හෙතුපච්චයා, තීණි. හෙතුයා සත්තරස, අවිගතෙ සත්තරස, න අධිපතියා සත්තරස, න පුරෙජාතෙ සත්තරස, න ආසෙවනෙ නව, න විපාකෙ සත්තරස, න විප්පයුත්තෙ සත්තරස, (සහජාතවාරංපි සම්පයුත්තවාරංපි පටිච්චවාර සදිසං.) මග්ගාරම්මණො හෙතු ධම්මො මග්ගාරම්මණස්ස හෙතුස්ස ධම්මස්ස හෙතු පච්චයෙන පච්චයො, තීණි. මග්ගහෙතුකො හෙතුධම්මො මග්ගහෙතුකස්ස හෙතුස්ස ධම්මස්ස හෙතුපච්චයෙන පච්චයො, තීණි. මග්ගාධිපති හෙතු ධම්මො මග්ගාධිපතිස්ස හෙතුස්ස ධම්මස්ස හෙතුපච්චයෙන පච්චයො පඤ්ච, මග්ගාරම්මණො හෙතු ච මග්ගාධිපති හෙතු ච ධම්මා මග්ගාරම්මණස්ස හෙතුස්ස ධම්මස්ස හෙතුපච්චයෙන පච්චයො, තීණි. මග්ගහෙතුකකො හෙතු ච මග්ගාධිපති හෙතු ච ධම්මා මග්ගහෙතුකස්ස හෙතුස්ස ධම්මස්ස හෙතුපච්චයෙන පච්චයො, තීණි.

මග්ගහෙතුකො හෙතුධම්මො මග්ගාරම්මණස්ස හෙතුස්ස ධම්මස්ස ආරම්මණපච්චයෙන පච්චයො. මග්ගහෙතුකො හෙතුධම්මො මග්ගාධිපතිස්ස හෙතුස්ස ධම්මස්ස ආරම්මණපච්චයෙන පච්චයො, තීණි. මග්ගාධිපති හෙතුධම්මො මග්ගාධිපතිස්ස හෙතුස්ස ධම්මස්ස ආරම්මණපච්චයෙන පච්චයො, තීණි. මග්ගහෙතුකො හෙතු ච මග්ගාධිපති

හෙතු ච ධම්මා මග්ගාරම්මණස්ස හෙතුස්ස ධම්මස්ස ආරම්මණපච්චයෙන පච්චයො, තීණි. මග්ගාරම්මණො හෙතුධම්මො මග්ගාරම්මණස්ස හෙතුස්ස ධම්මස්ස අධිපතිපච්චයෙන පච්චයො, තීණි. මග්ගහෙතුකො හෙතුධම්මො මග්ගහෙතුකස්ස හෙතුස්ස ධම්මස්ස අධිපතිපච්චයෙන පච්චයො, පඤ්ච, මග්ගාධිපති හෙතුධම්මො මග්ගාධිපතිස්ස හෙතුස්ස ධම්මස්ස අධිපතිපච්චයෙන පච්චයො, පඤ්ච. මග්ගාරම්මණො හෙතු ච මග්ගාධිපති හෙතු ච ධම්මා මග්ගාරම්මණස්ස හෙතුස්ස ධම්මස්ස අධිපතිපච්චයෙන පච්චයො, තීණි. මග්ගෙහෙතුකො හෙතු ච මග්ගාධිපති හෙතු ච ධම්මා මග්ගාරම්මණස්ස හෙතුස්ස ධම්මස්ස අධිපතිපච්චයෙන පච්චයො, පඤ්ච. මග්ගාරම්මණො හෙතුධම්මො මග්ගාරම්මණස්ස හෙතුස්ස ධම්මස්ස අනන්තරපච්චයෙන පච්චයො. තීණි. මග්ගාධිපති හෙතු ධම්මො මග්ගාධිපතිස්ස හෙතුස්ස ධම්මස්ස අනන්තරපච්චයෙන පච්චයො, තීණි. මග්ගාරම්මණො හෙතු ච මග්ගාධිපති හෙතු ච ධම්මා මග්ගාරම්මණස්ස හෙතුස්ස ධම්මස්ස අනන්තරපච්චයෙන පච්චයො, තීණි. හෙතුයා සත්තරස, ආරම්මණෙ නව, අධිපතියා එකවීස, අනන්තරෙ නව, සමනන්තරෙ නව, සහජාතෙ සත්තරස, අඤ්ඤමඤ්ඤෙ සත්තරස, නිස්සයෙ සත්තරස, උපනිස්සයෙ එකවීස, අවිගතෙ සත්තරස, න හෙතුයා එකවීස, න ආරම්මණෙ සත්තරස, හෙතු පච්චයා න ආරම්මණෙ සත්තරස, න හෙතු පච්චයා ආරම්මණෙ නව, (යථා කුසලත්තිකෙ පඤ්හාවාරං, එවං විත්ථාරෙතබ්බං.)

මග්ගාරම්මණං න හෙතුං ධම්මං පටිච්ච මග්ගාරම්මණො න හෙතු ධම්මො උප්පජ්ජති හෙතුපච්චයා, මග්ගාරම්මණං න හෙතුං ධම්මං පටිච්ච මග්ගාධිපති න හෙතුධම්මො උප්පජ්ජති හෙතුපච්චයා, මග්ගාරම්මණං න හෙතුං ධම්මං පටිච්ච මග්ගාරම්මණො න හෙතු ච මග්ගාධිපති න හෙතු ච ධම්මා උප්පජ්ජන්ති හෙතුපච්චයා, තීණි, මග්ගහෙතුකං න හෙතුං ධම්මං පටිච්ච මග්ගහෙතුකො න හෙතුධම්මො උප්පජ්ජති හෙතු පච්චයා, මග්ගහෙතුකං න හෙතුං ධම්මං පටිච්ච මග්ගාධිපති න හෙතු ධම්මො උප්පජ්ජති හෙතුපච්චයා, මග්ගහෙතුකං න හෙතුං ධම්මං පටිච්ච මග්ගහෙතුකො න හෙතු ච මග්ගාධිපති න හෙතු ච ධම්මා උප්පජ්ජන්ති හෙතුපච්චයා, තීණි. මග්ගාධිපතිං න හෙතුං ධම්මං පටිච්ච මග්ගාධිපති හෙතුධම්මො උප්පජ්ජති හෙතුපච්චයා, මග්ගාධිපතිං න හෙතුං ධම්මං පටිච්ච මග්ගාරම්මණො න හෙතුධම්මො උප්පජ්ජති හෙතු පච්චයා, මග්ගාධිපතිං න හෙතුං ධම්මං පටිච්ච මග්ගහෙතුකො න හෙතු ධම්මො උප්පජ්ජති හෙතුපච්චයා, මග්ගාධිපතිං න හෙතුං ධම්මං පටිච්ච මග්ගාරම්මණො න හෙතු ච මග්ගාධිපති න හෙතු ච ධම්මා උප්පජ්ජන්ති හෙතුපච්චයා,