උප්පන්නො හෙතුධම්මො උප්පන්නස්ස හෙතුස්ස ධම්මස්ස හෙතුපච්චයෙන පච්චයො. උප්පන්නා හෙතු සම්පයුත්තකානං හෙතූනං හෙතුපච්චයෙන පච්චයො පටිසන්ධික්ඛණෙ, අනුප්පන්නො හෙතුධම්මො උප්පන්නස්ස හෙතුස්ස ධම්මස්ස ආරම්මණපච්චයෙන පච්චයො, අනුප්පන්නා හෙතු චෙතොපරියඤාණස්ස ආරම්මණපච්චයෙන පච්චයො, ද්වෙ, උප්පන්නො හෙතුධම්මො උප්පන්නස්ස හෙතුස්ස ධම්මස්ස අධිපතිපච්චයෙන පච්චයො, තීණි. සහජාතපච්චයෙන පච්චයො, අඤ්ඤමඤ්ඤ පච්චයෙන පච්චයො, නිස්සයපච්චයෙන පච්චයො. උපනිස්සයපච්චයෙන පච්චයො, විපාක, ඉන්ද්රිය, මග්ග, සම්පයුත්ත, අත්ථි -පෙ- අවිගතපච්චයෙන පච්චයො. හෙතුයා එකං, ආරම්මණෙ ද්වෙ, අධිපතියා තීණි, සහජාතෙ එකං, අඤ්ඤමඤ්ඤෙ එකං, නිස්සයෙ එකං, උපනිස්සයෙ ද්වෙ, අවිගතෙ එකං, න හෙතුයා ද්වෙ, න ආරම්මණෙ ද්වෙ, හෙතුපච්චයා න ආරම්මණෙ එකං, න හෙතුපච්චයා ආරම්මණෙ ද්වෙ. (යථා කුසලත්තිකෙ පඤ්හාවාරංපි එවං විත්ථාරෙතබ්බං.)

උප්පන්නො න හෙතුධම්මො උප්පන්නස්ස න හෙතුස්ස ධම්මස්ස ආරම්මණපච්චයෙන පච්චයො. අනුප්පන්නො න හෙතුධම්මො උප්පන්නස්ස න හෙතුස්ස ධම්මස්ස ආරම්මණපච්චයෙන පච්චයො උප්පාදි න හෙතුධම්මො උප්පන්නස්ස න හෙතුස්ස ධම්මස්ස ආරම්මණපච්චයෙන පච්චයො, උප්පන්නො න හෙතුධම්මො උප්පන්නස්ස න හෙතුස්ස ධම්මස්ස අධිපතිපච්චයෙන පච්චයො. අනුප්පන්නො න හෙතුධම්මො උප්පන්නස්ස න හෙතුස්ස ධම්මස්ස අධිපතිපච්චයෙන පච්චයො, උප්පාදි න හෙතුධම්මො උප්පන්නස්ස න හෙතුස්ස ධම්මස්ස අධිපතිපච්චයෙන පච්චයො. උප්පන්නො න හෙතුධම්මො උප්පන්නස්ස න හෙතුස්ස ධම්මස්ස සහජාතපච්චයෙන පච්චයො, අඤ්ඤමඤ්ඤ, නිස්සය, උපනිස්සයපච්චයෙන පච්චයො, අනුප්පන්නො න හෙතුධම්මො අනුප්පන්නස්ස න හෙතුස්ස ධම්මස්ස උපනිස්සයපච්චයෙන පච්චයො, උප්පාදි න හෙතුධම්මො උප්පන්නස්ස න හෙතුස්ස ධම්මස්ස උපනිස්සයපච්චයෙන පච්චයො, ආරම්මණෙ තීණි, අධිපතියා තීණි, සහජාතෙ එකං, අඤ්ඤමඤ්ඤෙ එකං, නිස්සයෙ එකං, උපනිස්සයෙ තීණි, අවිගතෙ එකං, න හෙතුයා තීණි, ආරම්මණෙ තීණි,

ආරම්මණපච්චයා න හෙතුයා තීණි, න හෙතුපච්චයා ආරම්මණෙ තීණි, පච්චුප්පන්නො හෙතුධම්මො පච්චුප්පන්නස්ස හෙතුස්ස ධම්මස්ස හෙතුපච්චයෙන පච්චයො.

අතීතො හෙතුධම්මො පච්චුප්පන්නස්ස හෙතුස්ස ධම්මස්ස ආරම්මණ පච්චයෙන පච්චයෙන පච්චයො, ද්වෙ හෙතුයා එකං, ආරම්මණෙ ද්වෙ, අධිපතියා තීණි, සහජාතෙ එකං, අඤ්ඤමඤ්ඤෙ එකං, නිස්සයෙ එකං, උපනිස්සයෙ ද්වෙ, විපාකෙ එකං, ඉන්ද්රියෙ එකං, මග්ගෙ එකං, සම්පයුත්තෙ එකං, අත්ථියා එකං, අවිගතෙ එකං, න හෙතුයා ද්වෙ, න ආරම්මණෙ ද්වෙ, හෙතුපච්චයා න ආරම්මණෙ එකං, න හෙතුපච්චයා ආරම්මණෙ ද්වෙ, අතීතො න හෙතුධම්මො පච්චුප්පන්නස්ස න හෙතුස්ස ධම්මස්ස ආරම්මණපච්චයෙන පච්චයො. අනාගතො න හෙතුධම්මො පච්චුප්පන්නස්ස න හෙතුස්ස ධම්මස්ස ආරම්මණපච්චයෙන පච්චයො. පච්චුප්පන්නො න හෙතුධම්මො පච්චුප්පන්නස්ස න හෙතුස්ස ධම්මස්ස ආරම්මණපච්චයෙන පච්චයො. ආරම්මණෙ තීණි, අධිපතියා තීණි, සහජාතෙ එකං, අඤ්ඤමඤ්ඤෙ එකං, නිස්සයෙ එකං. උපනිස්සයෙ තීණි, ආසෙවනෙ එකං, කම්මෙ ද්වෙ, විපාකෙ එකං, ඉන්ද්රියෙ එකං, මග්ගෙ එකං, සම්පයුත්තෙ එකං, අත්ථියා එකං, අවිගතෙ එකං, න හෙතුයා තීණි, න ආරම්මණෙ තීණි, ආරම්මණපච්චයා න හෙතුයා තීණි, න හෙතුපච්චයා ආරම්මණෙ තීණි.

අතීතාරම්මණං හෙතුං ධම්මං පටිච්ච අතීතාරම්මණො හෙතුධම්මො උප්පජ්ජති හෙතුපච්චයා, අනාගතාරම්මණං හෙතුං ධම්මං පටිච්ච අනාගතාරම්මණො හෙතුධම්මො උප්පජ්ජති හෙතුපච්චයා, පච්චුප්පන්නාරම්මණං හෙතුං ධම්මං පටිච්ච පච්චුප්පන්නාරම්මණො හෙතුධම්මො උප්පජ්ජති හෙතුපච්චයා, හෙතුයා තීණි, ආරම්මණෙ තීණි, අවිගතෙ තීණි, න අධිපතියා තීණි, න පුරෙජාතෙ තීණි, න පච්ඡාජාතෙ තීණි, න ආසෙවනෙ තීණි, න විපාකෙ තීණි, න විප්පයුත්තෙ ද්වෙ, (සහජාතවාරංපි සම්පයුත්තවාරංපි පටිච්චවාරසදිසං.)