හෙතුං විපාකං ධම්මං පටිච්ච හෙතු විපාකො ධම්මො උප්පජ්ජති හෙතු පච්චයා, හෙතුං විපාකං ධම්මං පටිච්ච න හෙතු විපාකො ධම්මො උප්පජ්ජති හෙතුපච්චයා. හෙතුං විපාකං ධම්මං පටිච්ච හෙතු විපාකො ච න හෙතු විපාකො ච ධම්මා උප්පජ්ජන්ති හෙතු පච්චයා, න හෙතුං විපාකං ධම්මං පටිච්ච න හෙතු විපාකො ධම්මො උප්පජ්ජති හෙතුපච්චයා, තීණි. හෙතු විපාකං ච න හෙතුං විපාකං ච ධම්මං පටිච්ච හෙතු විපාකො ධම්මො උප්පජ්ජති හෙතු පච්චයා, තීණි. හෙතුයා නව, ආරම්මණෙ තීණි, අධිපතියා නව, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, පුරෙජාතෙ නව, කම්මෙ නව, විපාකෙ නව, ආහාරෙ නව, ඉන්ද්රියෙ නව, ඣානෙ නව, මග්ගෙ නව, සම්පයුත්තෙ නව, විප්පයුත්තෙ නව, අත්ථියා නව, නත්ථියා නව, විගතෙ නව, අවිගතෙ නව. න හෙතුං විපාකං ධම්මං පටිච්ච න හෙතු විපාකො ධම්මො උප්පජ්ජති න හෙතු පච්චයා, හෙතුං විපාකං ධම්මං පටිච්ච හෙතු විපාකො ධම්මො උප්පජ්ජති න අධිපති පච්චයා, න හෙතු පච්චයා එකං, න අධිපතියා නව, න පුරෙජාතෙ නව. න පච්ඡාජාතෙ නව, න ආසෙවනෙ නව, න ඣානෙ එකං, න මග්ගෙ එකං, න විප්පයුත්තෙ නව, හෙතුපච්චයා න අධිපතියා නව, න හෙතු පච්චයා ආරම්මණෙ එකං, (සහජාත වාරොපි පච්චය වාරොපි නිස්සයවාරොපි සංසට්ඨ වාරොපි සම්පයුත්ත වාරොපි පටිච්චවාර සදිසං, එවං විත්ථාරෙතබ්බං.)

හෙතු විපාකො ධම්මො හෙතුස්ස විපාකස්ස ධම්මස්ස හෙතු පච්චයෙන පච්චයො, තීණි-. හෙතු විපාකො ධම්මො හෙතුස්ස විපාකස්ස ධම්මස්ස ආරම්මණපච්චයෙන පච්චයො තීණි. න හෙතු විපාකො ධම්මො න හෙතුස්ස විපාකස්ස ධම්මස්ස ආරම්මණපච්චයෙන පච්චයො, තීණි. හෙතු විපාකො ච න හෙතු විපාකො ච ධම්මා හෙතුස්ස විපාකස්ස ධම්මස්ස ආරම්මණ පච්චයෙන පච්චයො, තීණි තදාරම්මණායෙව ලබ්භන්ති. හෙතු විපාකො ධම්මො හෙතුස්ස විපාකස්ස ධම්මස්ස අධිපතිපච්චයෙන පච්චයො. තීණි (සහජාතාධිපතියෙව ලබ්භති, ආරම්මණාධිපති නත්ථි.) -පෙ- හෙතු විපාකො ධම්මො හෙතුස්ස විපාකස්ස ධම්මස්ස උපනිස්සයපච්චයෙන පච්චයො, අනන්තරූපනිස්සයො. පකතූපනිස්සයො, හෙතු විපාකො ධම්මො න හෙතුස්ස විපාකස්ස ධම්මස්ස උපනිස්සයපච්චයෙන පච්චයො, අනන්තරූපනිස්සයො, පකතූපනිස්සයො, හෙතු විපාකො ධම්මො හෙතුස්ස විපාකස්ස ච න හෙතුස්ස විපාකස්ස ච ධම්මස්ස උපනිස්සය පච්චයෙන පච්චයො. අනන්තරූපනිස්සයො, පකතූපනිස්සයො, න හෙතු විපාකො ධම්මො න හෙතුස්ස විපාකස්ස ධම්මස්ස උපනිස්සය පච්චයෙන පච්චයො. අනන්තරූ, පකතූ, -පෙ- (ඉතරෙ ද්වෙ අනන්තරූප නිස්සයො, පකතූපනිස්සයො යෙව)

න හෙතු විපාකො ධම්මො න හෙතුස්ස විපාකස්ස ධම්මස්ස කම්මපච්චයෙන පච්චයො, තීණි. (සහජාත කම්ම මෙව.) හෙතු විපාකො ධම්මො හෙතුස්ස විපාකස්ස ධම්මස්ස විපාකපච්චයෙන පච්චයො, නව. න හෙතු විපාකො ධම්මො න හෙතුස්ස විපාකස්ස ධම්මස්ස ආහාර පච්චයෙන පච්චයො. හෙතුයා තීණි, ආරම්මණෙ නව, අධිපතියා ඡ. අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, කම්මෙ තීණි, විපාකෙ නව, ආහාරෙ තීණි, ඉන්ද්රියෙ නව, ඣානෙ තීණි, මග්ගෙ නව, සම්පයුත්තෙ නව, අත්ථියා නව, නත්ථියා නව, විගතෙ නව, අවිගතෙ නව හෙතුවිපාකො ධම්මො හෙතුස්ස විපාකස්ස ධම්මස්ස ආරම්මණපච්චයෙන පච්චයො, සහජාතා-. උපනිස්සයපච්චයෙන පච්චයො, න හෙතුයා නව, න ආරම්මණෙ නව, හෙතු පච්චයා න ආරම්මණෙ තීණි. න හෙතුපච්චයා ආරම්මණෙ නව, (යථා කුසලත්තිකෙ පඤ්හාවාරස්ස අනුලොමංපි පච්චනියංපි අනුලොමපච්චනියංපි පච්චනියානුලොමංපි ගණිතං, එවං ගණෙතබ්බං.)

හෙතුං විපාකධම්මධම්මං පටිච්ච හෙතු විපාකධම්මධම්මො උප්පජ්ජති හෙතුපච්චයා, හෙතුං විපාකධම්මධම්මං පටිච්ච න හෙතු විපාක ධම්මධම්මො උප්පජ්ජති හෙතු පච්චයා, හෙතුං විපාකධම්ම-