නො ආසවං කුසලං ධම්මං පටිච්ච නො ආසවො කුසලො ධම්මො උප්පජ්ජති හෙතුපච්චයා, හෙතුයා එකං, ආරම්මණෙ එකං, කම්මෙ එකං, අවිගතෙ එකං, සහජාතවාරොපි -පෙ- පඤ්හාවාරෙපි සබ්බත්ථ එකං, ආසවං අකුසලං ධම්මං පටිච්ච ආසවො අකුසලො ධම්මො උප්පජ්ජති හෙතුපච්චයා, හෙතුයා නව, ආරම්මණෙ නව, අවිගතෙ නව, න හෙතුයා එකං, න අධිපතියා නව, -පෙ- න කම්මෙ තීණි, න විපාකෙ නව, න විප්පයුත්තෙ නව, (සහජාතවාරොපි -පෙ- සම්පයුත්තවාරොපි සබ්බත්ථ විත්ථාරෙතබ්බො.) ආසවො අකුසලො ධම්මො ආසවස්ස අකුසලස්ස ධම්මස්ස හෙතුපච්චයෙන පච්චයො. හෙතුයා සත්ත, ආරම්මණෙ නව, අධිපතියා නව, මජ්ඣෙ තිණ්ණං සහජාතාධිපති ලබ්භති. අනන්තරෙ නව, -පෙ- උපනිස්සයෙ නව, ආසෙවනෙ නව, කම්මෙ තීණි, -පෙ- මග්ගෙ නව, නො ආසවං අබ්යාකතං ධම්මං පටිච්ච නො ආසවො අබ්යාකතො ධම්මො උප්පජ්ජති හෙතුපච්චයා, හෙතුයා එකං, ආරම්මණෙ එකං, අවිගතෙ එකං, සහජාතවාරෙපි පච්චයවාරෙපි -පෙ- පඤ්හාවාරෙපි සබ්බත්ථ එකං, සාසවං කුසලං ධම්මං පටිච්ච සාසවො කුසලො ධම්මො උප්පජ්ජති හෙතුපච්චයා, අනාසවං කුසලං ධම්මං පටිච්ච අනාසවො කුසලො ධම්මො උප්පජ්ජති හෙතුපච්චයා, හෙතුයා ද්වෙ, ආරම්මණෙ ද්වෙ, අධිපතියා ද්වෙ, අවිගතෙ ද්වෙ, න අධිපතියා ද්වෙ, න විප්පයුත්තෙ ද්වෙ, සහජාතවාරෙපි සම්පයුත්තවාරෙපි සබ්බත්ථ ද්වෙ, සාසවො කුසලො ධම්මො සාසවස්ස කුසලස්ස ධම්මස්ස හෙතුපච්චයෙන පච්චයො. අනාසවො කුසලො ධම්මො අනාසවස්ස කුසලස්ස ධම්මස්ස හෙතුපච්චයෙන පච්චයො, හෙතුයා ද්වෙ, ආරම්මණෙ ද්වෙ, අධිපතියා තීණි, උපනිස්සයෙ චත්තාරි, අවිගතෙ ද්වෙ, (යථා කුසලත්තිකෙ පඤ්හාවාරස්ස අනුලොමංපි පච්චනියංපි අනුලොමපච්චනියංපි පච්චනියානුලොමංපි ගණිතං, එවං ගණෙතබ්බං.)

සාසවං අකුසලං ධම්මං පටිච්ච සාසවො අකුසලො ධම්මො උප්පජ්ජති හෙතුපච්චයා, හෙතුයා එකං, ආරම්මණෙ එකං, අවිගතෙ එකං, සහජාතවාරෙපි පඤ්හාවාරෙපි සබ්බත්ථ එකං, සාසවං අබ්යාකතං ධම්මං පටිච්ච සාසවො අබ්යාකතො ධම්මො උප්පජ්ජති හෙතුපච්චයා. අනාසවං අබ්යාකතං ධම්මං පටිච්ච අනාසවො අබ්යාකතො ධම්මො උප්පජ්ජති හෙතුපච්චයා, අනාසවං අබ්යාකතං ධම්මං පටිච්ච සාසවො අබ්යාකතො ච අනාසවො අබ්යාකතො ච ධම්මො උප්පජ්ජන්ති හෙතුපච්චයා, සාසවං අබ්යාකතං ච අනාසවං අබ්යාකතං ච ධම්මං පටිච්ච සාසවො අබ්යාකතො ධම්මො උප්පජ්ජති හෙතුපච්චයා, හෙතුයා පඤ්ච, ආරම්මණෙ ද්වෙ, අධිපතියා පඤ්ච, විපාක පඤ්ච, අවිගතෙ පඤ්ච, න හෙතුයා එකං, න ආරම්මණෙ තීණි, න අධිපතියා ද්වෙ, (සහජාතවාරොපි, -පෙ- සම්පයුත්තවාරොපි සබ්බත්ථ විත්ථාරෙතබ්බො.)

සාසවො අබ්යාකතො ධම්මො ආසවස්ස අබ්යාකතස්ස ධම්මස්ස හෙතුපච්චයෙන පච්චයො. අනාසවො අබ්යාකතො ධම්මො අනාසවස්ස අබ්යාකතස්ස ධම්මස්ස හෙතුපච්චයෙන පච්චයො, හෙතුයා චත්තාරි, ආරම්මණෙ තීණි, අවිගතෙ සත්ත. (යථා කුසලත්තිකෙ පඤ්හාවාරස්ස අනුලොමංපි පච්චනියංපි අනුලොමපච්චනියංපි පච්චනියානුලොමංපි ගණිතං, එවං ගණෙතබ්බං.)

ආසවවිප්පයුත්තං කුසලං ධම්මං පටිච්ච ආසවවිප්පයුත්තො කුසලො ධම්මො උප්පජ්ජති හෙතුපච්චයා, හෙතුයා එකං, ආරම්මණෙ එකං, අවිගතෙ එකං, සහජාතවාරෙපි පඤ්හාවාරෙපි සබ්බත්ථ එකං.

කුසල දුකච්ඡෙදො.?

අකුසල දුකං පන කිං.? ආසවසම්පයුත්තං අකුසලං ධම්මං පටිච්ච ආසවසම්පයුත්තො අකුසලො ධම්මො උප්පජ්ජති හෙතුපච්චයා, තීණි. ආසවවිප්පයුත්තං අකුසලං ධම්මං පටිච්ච ආසවසම්පයුත්තො අකුසලො ධම්මො උප්පජ්ජති හෙතුපච්චයා, හෙතුයා පඤ්ච, ආරම්මණෙ පඤ්ච, අවිගතෙ පඤ්ච, සහජාතවාරෙපි සම්පයුත්තවාරෙපි සබ්බත්ථ පඤ්ච. න හෙතුයා එකං, න අධිපතියා පඤ්ච, න පුරෙජාතෙ පඤ්ච, -පෙ- න කම්මෙ තීණි, න විපාකෙ පඤ්ච, න විප්පයුත්තෙ පඤ්ච, -පෙ- ආසව සම්පයුත්තො අකුසලො ධම්මො ආසවසම්පයුත්තස්ස අකුසලස්ස ධම්මස්ස හෙතුපච්චයෙන පච්චයො, තීණි. ආසව විප්පයුත්තො අකුසලො ධම්මො ආසවසම්පයුත්තස්ස අකුසලස්ස ධම්මස්ස හෙතුපච්චයෙන පච්චයො හෙතුයා පඤ්ච, ආරම්මණෙ නව, අවිගතෙ පඤ්ච, (යථා කුසලත්තිකෙ පඤ්හාවාරස්ස අනුලොමංපි පච්චනියංපි අනුලොමපච්චනියංපි පච්චනියානුලොමංපි ගණිතං, එවං ගණෙතබ්බං.)