හෙතුං ආචයගාමිං ධම්මං පටිච්ච හෙතු ආචයගාමි ධම්මො උප්පජ්ජති හෙතුපච්චයා, තීණි. න හෙතුං ආචයගාමිං ධම්මං පටිච්ච න හෙතු ආචයගාමි ධම්මො උප්පජ්ජති හෙතුපච්චයා, තීණි. හෙතුං ආචයගාමිඤ්ච න හෙතුං ආචයගාමිඤ්ච ධම්මං පටිච්ච හෙතු ආචයගාමි ධම්මො උප්පජ්ජති හෙතුපච්චයා, තීණි. හෙතුයා නව, ආරම්මණෙ

නව, අධිපතියා නව, අනන්තරෙ නව, සමනන්තරෙ නව, අවිගතෙ නව. න හෙතුං ආචයගාමිං ධම්මං පටිච්ච හෙතු ආචයගාමී ධම්මො උප්පජ්ජති න හෙතුපච්චයා, හෙතුං ආචයගාමිං ධම්මං පටිච්ච හෙතු ආචයගාමී ධම්මො උප්පජ්ජති න අධිපති පච්චයා, න හෙතුයා එකං, න අධිපතියා නව, න පුරෙජාතෙ නව, න පච්ඡාජාතෙ නව, න ආසෙවනෙ නව, න කම්මෙ තීණි, න විපාකෙ නව, න විප්පයුත්තෙ නව, හෙතු පච්චයා න අධිපතියා නව, න හෙතු පච්චයා ආරම්මණෙ එකං, (සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාර සදිසං, විත්ථාරෙතබ්බං.)

හෙතු ආචයගාමී ධම්මො හෙතුස්ස ආචයගාමිස්ස ධම්මස්ස හෙතු පච්චයෙන පච්චයො, තීණි. හෙතු ආචයගාමි ධම්මො හෙතුස්ස ආචයගාමිස්ස ධම්මස්ස ආරම්මණ පච්චයෙන පච්චයො, නව. හෙතු ආචයගාමි ධම්මො හෙතුස්ස ආචයගාමිස්ස ධම්මස්ස අධිපති පච්චයෙන පච්චයො, ආරම්මණාධිපති, සහජාතාධිපති, තීණි. න හෙතු ආචයගාමි ධම්මො න හෙතුස්ස ආචයගාමිස්ස ධම්මස්ස අධිපති පච්චයෙන පච්චයො, ආරම්මණාධිපති, සහජාතාධිපති, තීණි. හෙතු ආචයගාමී ච න හෙතු ආචයගාමී ච ධම්මා හෙතුස්ස ආචයගාමිස්ස ධම්මස්ස අධිපතිපච්චයෙන පච්චයො, ආරම්මණාධිපති-. තීණි. හෙතුයා තීණි, ආරම්මණෙ නව, අධිපතියා නව, උපනිස්සයෙ නව, ආසෙවනෙ නව, කම්මෙ තීණි, ආහාරෙ තීණි, අවිගතෙ නව, හෙතු ආචයගාමී ධම්මො හෙතුස්ස ආචයගාමිස්ස ධම්මස්ස ආරම්මණ පච්චයෙන පච්චයො, සහජාත-. උපනිස්සය පච්චයෙන පච්චයො, න හෙතුයා නව, න ආරම්මණෙ නව, හෙතු පච්චයා න ආරම්මණෙ තීණි, න හෙතු පච්චයා ආරම්මණෙ නව, (යථා කුසලත්තිකෙ පඤ්හාවාරස්ස අනුලොමංපි පච්චනියංපි අනුලොමපච්චනියංපි පච්චනියානුලොමංපි ගණිතං, එවං ගණෙතබ්බං.)

හෙතු අපචයගාමිං ධම්මං පටිච්ච හෙතු අපචයගාමී ධම්මො උප්පජ්ජති හෙතු පච්චයා, තීණි. න හෙතුං අපචයගාමිං ධම්මං පටිච්ච න හෙතු අපචයගාමී ධම්මො උප්පජ්ජති හෙතුපච්චයා, තීණි. හෙතුං අපචයගාමිඤ්ච න හෙතුං අපචයගාමිඤ්ච ධම්මං පටිච්ච හෙතු අපචයගාමී ධම්මො උප්පජ්ජති හෙතු පච්චයා, තීණි. හෙතුයා නව, ආරම්මණෙ නව, කම්මෙ නව, ආහාරෙ නව, අවිගතෙ නව, හෙතුං අපචයගාමිං ධම්මං පටිච්ච හෙතු අපචයගාමී ධම්මො උප්පජ්ජති න අධිපති පච්චයා, න අධිපතියා ඡ, න පුරෙජාතෙ නව, න පච්ඡාජාතෙ නව, න කම්මෙ තීණි. විපාකෙ නව, න විප්පයුත්තෙ නව, හෙතු පච්චයා න අධිපතියා ඡ, න අධිපති පච්චයා හෙතුයා ඡ, (සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාර සදිසං, විත්ථාරෙතබ්බං.)